Pars I. De Fide
Quæst. Sextum Spiritus Sancti charisma, quodnam est?
Resp. Pietas. Quæ una cum vera fide in assidua ardentique precatione bonisque operibus fundatur, de qua sic disserit Apostolus (1 Tim. iv. 8): 'Pietas ad omnia utilis est habetque promissionem hujus et venturæ vitæ.' Itaque vere illi pii appellantur, qui perpetuis Deum precibus venerantur omnemque impietatem ac peccati labem vitant. Pietas, inquam, non apparens et adumbrata, qualis olim Pharisæorum erat; sed solida et germana cordique penitus infixa, ne de illa etiam hujusmodi Dominus sententiam ferat (Matt. xv. 8): 'Populus iste labiis me suis honorat, sed cor ipsorum procul a me abest.' Et rursus (Matt. xxiii. 26): 'O cæcule Pharisæe, prius interiora calicis ac patinæ purga; ita etiam exteriora eorum munda erunt.'
Scripture references printed in the source
Scripture references printed in the source: 1Tim.4.8; Matt.15.8; Matt.23.26