Pars I. De Fide
Quæst. Quidnam commodi nanciscetur homo ex quattuor rerum istarum recordatione?
Resp. Nimirum quod animo illius inseritur pietas et fuga peccati et timor Dei et geennæ infernæ formido regnique cœlestis desiderium. Quæ qui assidue animo volutat, haud dubie ad suprema sese diligenter componet. Quippe summum illum ac censorium orbis diem recogitat, ut paratior fiat ad reddendas rationes cogitationum, dictorum factorumque omnium. De inferis cogitat, quo ne illuc incidat caveat. Idem cœleste regnum mente complectitur, ut omni studio ad illud assequendum contendat.
Notes in the source · 1
- Printed question numeral CXIII differs from the sequence number 123