Pars I. De Fide
Quæst. Qui fructus ex hoc Mysterio nascuntur?
Resp. Primum, quod homo per nuptias a periculo scortationis ac incontinentiæ cujusvis deflectit. Quippe ideo honorabile matrimonium institutum est, ut exstinguatur libidinis ardor, docente Paulo (1 Cor. vii. 2): 'Propter scortationem unusquisque suam habeat uxorem.' Secundo, quod merito in honore habeatur, quæ honesto satu fit sobolis procreatio. Tertio, quod si quando morbus incidit aut aliud quodcunque periculum, tum fidum sese sodalem maritus uxori, et uxor invicem marito ob summam caritatem et arctissima mutui ipsorum amoris vincula præbet, qua de re testimonium perhibet Scriptura (Gen. ii. 24): 'Idcirco relinquet homo patrem suum et matrem, et adhærebit propriæ uxori suæ; eruntque duo illi in carnem unam.'
Scripture references printed in the source
Scripture references printed in the source: 1Cor.7.2; Gen.2.24