Pars I. De Fide
Quæst. Quodnam tertium Spiritus Sancti donum est?
Resp. Tertium Spiritus Sancti charisma est Consilium, quod gloriæ divinæ animæque humanæ saluti provehendæ servit et cum justitia pulchre consentit. De hujusmodi consilio ita loquitur Scriptura (Actor. xx. 27): 'Non subterfugiebam, quominus annunciarem vobis omne consilium Dei.' Huic consilio consilium impiorum oppositum est, de quo divinus Psalmista (Psa. i. 1): 'Beatus vir, qui non ambulat in consilio impiorum. Et alibi (Psa. xxxiii. 10): 'Dominus dissipat consilia gentium, reprobat cogitationes populorum, et reprobat consilia principum.'
Scripture references printed in the source
Scripture references printed in the source: Acts.20.27; Ps.1.1; Ps.34.10