Pars I. De Fide
Quæst. Quid est primum mysterium sive baptismatis?
Resp. Baptisma est ablutio quædam et exstirpatio peccati originalis, terna in aquam immersione facta, pronunciante hæc verba sacerdote: In nomine Patris; Amen; et Filii; Amen; et Spiritus Sancti; Amen. (Nota: Susceptor sive pater lustricus respondet: Amen.) Post hanc ex aqua et Spiritu regenerationem homo in gratiam cum Deo reducitur, patetque illi cœlestis regni aditus secundum verba Servatoris nostri (Joh. iii. 5): 'Nisi quis ex aqua et Spiritu a genitus fuerit, non potest ingredi in regnum Dei.' Hoc autem mysterium semel acceptum iterum non repetitur; modo si is, qui baptizat, orthodoxe in unum Deum personis trinum credat, et accurate nullaque immutatione prædicta verba: In nomine Patris, et Filii, et Spiritus Sancti Amen secundum catholicæ et orthodoxæ Ecclesiæ sententiam proferat.
Ссылки на Писание, напечатанные в источнике
Ссылки на Писание, напечатанные в источнике: John.3.5