Pars I. De Fide
Quæst. Quodnam quintum Spiritus Sancti charisma est?
Resp. Cognitio. Quam hunc in modum sacer Psaltes exponit (xciv. 10): 'Qui corripit gentes, nonne arguet qui docet hominem cognitionem?' Et Propheta alius (Ier. iii. 15): 'Dabo vobis pastores secundum cor meum, et pascent vos pascentes cum scientia, sive item cognitione.' Quæ cognitio et scientia in id potissimum extendenda atque explicanda est, ut voluntatem legemque Dei cognoscat. Contraria illi est inscientia legis voluntatisque divinæ, de qua auctor Psalmorum ait (Psa. lxxix. 6): 'Effunde iram tuam in gentes, quæ te non noverunt, et in regna, quæ nomen tuum non invocant.'
Ссылки на Писание, напечатанные в источнике
Ссылки на Писание, напечатанные в источнике: Ps.95.10; Jer.3.15; Ps.80.6