Pars I. De Fide
Quæst. Quot res ad Mysterium opus sunt?
Resp. Tres. Materia idonea, utpote aqua in baptismate; panis et vinum in eucharistia; oleum et cetera in suis quæque mysteriis. Secunda, Sacerdos legitimis suffragiis ordinatus aut Episcopus. Tertia Invocatio Spiritus Sancti et solemnis verborum formula. Quibus verbis vi et efficacia Spiritus Sancti mysterium sacerdos rite sanctificat; accedente fixa et deliberata ejusdem intentione sanctificandi mysterii.