Перейти к содержанию

Православное исповедание Петра Могилы (1643), латинская версия, часть I · Quæstio 109

Вид текста

Размер шрифта: 19px

Перейти к месту
То же место в другом издании

Опорное место: MOG1643.Q109

Сравнить рядом

Нажмите на номер или текст фрагмента, чтобы выбрать его.

Pars I. De Fide

Quæst. Quo pacto fit sacramentale sacerdotium? Resp. Sacerdotium id mysterium est, Apostolis a Christo mandatum fuit; deinceps per manuum illorum impositionem usque in hodiernum diem ordinatio ejusdem peragitur, succedentibus in locum Apostolorum Episcopis ad distribuenda divina mysteria salutisque humanæ obeundum ministerium; teste Apostolo (1 Cor. iv. 1): 'Ita nos æstimet homo, ut ministros Christi, et œconomos mysteriorum Dei.' Hæc œconomia res præcipue duas complectitur: una est facultas ac potestas solvendi delicta hominum; quamobrem sic ad illam dictum fuit (Matt. xviii. 18): 'Quidquid solveritis super terram, id solutum erit in cœlo.' Altera potestas et facultas docendi est, quæ his verbis exponitur (Matt. xxviii. 19): 'Euntes docete omnes gentes, baptizantes eos in nomine Patris et Filii et Spiritus Sancti.' Emisit igitur Apostolos ad prædicandum evangelium Christus. Rursus Apostoli alios postea ad idem opus impositis manibus ordinatos miserunt, ut ex verbis S. Lucæ colligitur (Act. viii. 17): 'Tunc imponebant illis manus, et accipiebant Spiritum Sanctum.' Similiter (xiii. 2): 'Illis sacrum officium celebrantibus (h. e. hostiam incruentam Deo offerentibus), ac jejunantibus dixit Spiritus Sanctus: segregate mihi Barnabam et Saulum in id opus, in quod vocavi illos. Quumque jejunassent et orassent et imposuissent eis manus, dimiserunt eos.' Et Paulus (1 Tim. v. 22): 'Manus nemini cito imponas.' Hujusmodi ordinatione nulloque tempore interrupta successione facultatem docendi doctrinam salutis habent, qui ad hoc opus mittuntur. Non missi vero nec ad hoc opus delecti, illi nullo modo manus eidem admovere debent, dicente Paulo (Rom. x. 15): 'Quomodo prædicabunt, nisi mittantur?'
Ссылки на Писание, напечатанные в источнике

Ссылки на Писание, напечатанные в источнике: 1Cor.4.1; Matt.18.18; Matt.28.19; Acts.8.17; Acts.13.2; 1Tim.5.22; Rom.10.15

Источник и условия: Православное исповедание Петра Могилы (1643), латинская версия, часть I · общественное достояние · The Orthodox Confession of Peter Mogila, Latin version of Panagiotes, Part I. In: Philip Schaff, The Creeds of Christendom, vol. 2 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds2, Rights: Public Domain). · условия

Закладки, заметки и место чтения хранятся только в этом браузере.