Pars I. De Fide
Quæst. Quodnam primum Spiritus Sancti charisma est?
Resp. Primum donum est Sapientia. Nimirum superna illa sapientia, de qua ita Apostolus (Iac. iii. 17): 'Quæ e supernis est sapientia, primum quidem casta est, deinde pacifica, æqua, obsequens, plena misericordia ac bonis fructibus, sine disceptatione, sine simulatione.' Huic Sapientiæ contraria carnalis est secundum Apostolum (2 Cor. i. 12): 'Quod in simplicitate et sinceritate Dei, non in carnali sapientia, sed in gratia Dei conversati fuimus in mundo.' Quam carnalem ac mundanam sapientiam ita idem incessit Apostolus (1 Cor. i. 19), antiquam adducens Scripturam (Ies. xxix. 14, et xxxiii. 18): 'Perdam sapientiam sapientum, et intelligentiam intelligentium rejiciam; ubi sapiens ubi scriba, ubi disputator seculi hujus? nonne infatuavit Deus sapientiam mundi hujus?
Ссылки на Писание, напечатанные в источнике
Ссылки на Писание, напечатанные в источнике: Jas.3.17; 2Cor.1.12; 1Cor.1.19; Isa.24.14; Isa.33.18