Pars I. De Fide
Quæst. Quartum Spiritus Sancti donum, quodnam est?
Resp. Robur. Quippe tuentes omnem constantiam ac fortitudinem in fide, mascule obsistere debemus quibuslibet tentationibus, de quo robore animi ita Scriptura (1 Cor. xvi. 13): 'Vigilate, persistite in fide, viri estote, corroboramini.' Et alibi (Ephes. vi. 14): 'State igitur lumbis balteo præcinctis in veritate, induti thoracem justitiæ, et calceati pedibus, in præparatione Evangelii pacis. Super omnia adsumite scutum fidei, quo omnia mali illius ignita jacula exstinguere queatis, et accipite galeam salutis et gladium Spiritus, qui est verbum Dei.' Robori adversatur Timor, de quo vates sacer (Psa. xiv. 5): 'Illic trepidaverunt timore, ubi non erat timor.' Et Dominus noster Iesus Christus timorem nos ejusmodi habere vetat (Luc. xii. 4): 'Ne timeatis eos, qui corpus occidunt, nec deinde amplius quidquam efficere possunt.'
Scripture references printed in the source
Scripture references printed in the source: 1Cor.16.13; Eph.6.14; Ps.15.5; Luke.12.4