Перейти к содержанию

Вестминстерское исповедание веры, латинский перевод 1656 г. · Caput 7. De fœdere Dei cum nomine.

Вид текста

Размер шрифта: 19px

Перейти к месту
То же место в другом издании

Опорное место: WCF1646.7.1

Сравнить рядом

Нажмите на номер или текст фрагмента, чтобы выбрать его.

Tanta est inter deum et creaturam distantia, ut licet creaturæ rationales obedientiam illi ut creatori suo debeant, nullam tamen fruitionem ejus tanquam suæ beatitudinis ac præmii habere unquam potuissent, ni voluntaria fuisset aliqua ex parte Dei condescentio; quam ipsi exprimere placuit icto fœdere.
Ссылки на Писание, напечатанные в источнике

Ссылки на Писание, напечатанные в источнике: Isa.40.13-Isa.40.17; Job.9.32-Job.9.33; 1Sam.2.25; Ps.100.2-Ps.100.3; Ps.113.5-Ps.113.6; Job.22.2-Job.22.3; Job.35.7-Job.35.8; Luke.17.10; Acts.17.24-Acts.17.25

Primum fœdus cum hominibus initum erat fœdus operum, quo vita Adamo promissa erat, ejusque in eo posteris, sub conditione obedientiæ perfectæ ac personalis.
Ссылки на Писание, напечатанные в источнике

Ссылки на Писание, напечатанные в источнике: Gal.3.12; Rom.5.12-Rom.5.20; Rom.10.5; Gen.2.17; Gal.3.10

Quum autem homo lapsu suo omnem sibi præstruxisset ad vitam aditum per illud fœdus, complacuit Domino secundum inire, quod vulgo dicimus Fœdus Gratiæ; in quo peccatoribus offert gratuito vitam ac salutem per Jesum Christum, fidem in illum ab iis requirens ut salventur; promittensque omnibus qui ad vitam ordinantur se spiritum suum sanctum daturum, qui in illis operetur credendi cum voluntatem tum potentiam.
Ссылки на Писание, напечатанные в источнике

Ссылки на Писание, напечатанные в источнике: Gal.3.21; Rom.3.20-Rom.3.21; Rom.8.3; Gen.3.15; Isa.42.6; Mark.16.15-Mark.16.16; John.3.16; Rom.10.6; Rom.10.9; Gal.3.11; Ezek.36.26-Ezek.36.27; John.6.44-John.6.45

Hoc fœdus Gratiæ in Scriptura sæpe nomine Testamenti indigitatur, respectu nimirum mortis Testatoris Jesu Christi, æternæque illius hæreditatis, quam is una cum omnibus eam spectantibus inibi legabat.
Ссылки на Писание, напечатанные в источнике

Ссылки на Писание, напечатанные в источнике: Heb.9.15-Heb.9.17; Heb.7.22; Luke.22.20; 1Cor.11.25

Hoc fœdus sub Lege atque sub Evangelio administratum est modo alio atque alio. Sub Lege quidem per promissiones, prophetias et sacrificia, per circumcisionem, agnum pascalem, aliosque typos ac instituta populo Judaico tradita, quæ omnia Venturum Christum præsignificabant; erantque pro ratione illorum temporum sufficientia, et per operationem spiritus efficacia ad electos instruendum ac ædificandum in fide in promissum Messiam, per quem plenum peccatorum remissionem et salutem æternam sunt consecuti; diciturque Vetus Testamentum.
Ссылки на Писание, напечатанные в источнике

Ссылки на Писание, напечатанные в источнике: 2Cor.3.6-2Cor.3.9; Heb.8; Heb.9; Heb.10; Rom.4.11; Col.2.11-Col.2.12; 1Cor.5.7; 1Cor.10.1-1Cor.10.4; Heb.11.13; John.8.56; Gal.3.7-Gal.3.9; Gal.3.14

Sub evangelio autem, exhibito jam Christo, substantia scilicet ac antitypo, præscriptæ rationes in quibus hoc fœdus dispensatur, sunt prædicatio verbi, et administratio sacramentorum, baptismi nempe ac cœnæ Dominicæ; in quibus quidem utut numero paucioribus, iisque simplicius ac minore cum externa gloria administratis, cum majore tamen plenitudine, evidentia, et efficacia spirituali populis cunctis tam Judæis quam Gentibus exhibetur; Diciturque Novum Testamentum. Non sunt ergo duo fœdera gratiæ, re atque natura discrepantia; sed unum idemque, licet non uno modo dispensatum..
Ссылки на Писание, напечатанные в источнике

Ссылки на Писание, напечатанные в источнике: Gal.2.17; Matt.28.19-Matt.28.20; 1Cor.11.23-1Cor.11.25; Heb.12.22-Heb.12.28; Jer.31.33-Jer.31.34; Matt.28.19; Eph.2.15-Eph.2.19; Luke.22.20; Gal.3.14; Gal.3.16; Acts.15.11; Rom.3.21-Rom.3.23; Rom.3.30; Ps.32.1; Rom.4.3; Rom.4.6; Rom.4.16-Rom.4.17; Rom.4.23-Rom.4.24; Heb.13.8

Источник и условия: Вестминстерское исповедание веры, латинский перевод 1656 г. · общественное достояние · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · условия

Закладки, заметки и место чтения хранятся только в этом браузере.