Перейти к содержанию

Вестминстерское исповедание веры, латинский перевод 1656 г. · Caput 29. De Cœna Domini.

Вид текста

Размер шрифта: 19px

Перейти к месту
То же место в другом издании

Опорное место: WCF1646.29.1

Сравнить рядом

Нажмите на номер или текст фрагмента, чтобы выбрать его.

Dominus noster Jesus eadem qua prodebatur nocte instituit corporis et sanguinis sui sacramentum, Cœnam Domini quam dicimus, in Ecclesia sua ad finem usque mundi celebrandum, in perpetuam memoriam sacrificii sui ipsius in morte sua oblati, et ad beneficia istius omnia vere fidelibus obsignandum; in eorum item alimentum ac incrementum in Christo spirituale; quoque ad officia cuncta præstanda, prius quidem illi debita, arctiori adhuc nodo tenerentur; ut vinculum denique ac pignus foret communionis illius quæ iis cum Christo et secum ipsis mutuo, tanquam corporis ipsius mystici membris, intercedit.
Ссылки на Писание, напечатанные в источнике

Ссылки на Писание, напечатанные в источнике: 1Cor.11.23-1Cor.11.26; 1Cor.10.16-1Cor.10.17; 1Cor.10.21; 1Cor.12.13

In hoc Sacramento non Patri suo offertur Christus, sed neque inibi fit reale aliquod sacrificium ad peccatorum remissionem vivis aut mortuis procurandam; verum unicæ istius oblationis, qua Christus semet ipsum ipse in cruce, et quidem omnino semel obtulit, commemoratio solum; una cum spirituali propterea laudis omnimodæ Deo redditæ oblatione. Unde Pontificiorum istud sacrificium Missæ (uti loqui amant) plane detestandum sit oportet, utpote maxime injuriam uni illi unicoque Christi sacrificio, quod quidem unica est pro peccatis electorum universus propitiatio.
Ссылки на Писание, напечатанные в источнике

Ссылки на Писание, напечатанные в источнике: Heb.9.22; Heb.9.25-Heb.9.26; Heb.9.28; 1Cor.11.24-1Cor.11.26; Matt.26.26-Matt.26.27; Heb.7.23-Heb.7.24; Heb.7.27; Heb.10.11-Heb.10.12; Heb.10.14; Heb.10.18

In hoc suo instituto præcepit Dominus Jesus Ministris suis, verbum institutionis populo declarare, orare, ac elementis pani scilicet ac vino benedicere, eaque hac ratione a communi ad sacrum usum separare, quinetiam panem accipere et frangere; poculum item in manus accipere; atque (communicantibus una ipsis) utrumque communicantibus exhibere, nemini autem a congregatione tunc absenti.
Примечания источника · 1
  • Source misprint corrected: bracket read as brace at 'pere; atque {communicantibus u'

Ссылки на Писание, напечатанные в источнике: Matt.26.26-Matt.26.28; Mark.14.22-Mark.14.24; Luke.22.19-Luke.22.20; 1Cor.11.23-1Cor.11.27; Acts.20.7; 1Cor.11.20

Missæ privatæ, sive perceptio hujusce Sacramenti a solo vel Sacerdote vel alio quovis; prout etiam poculi a populo detensio, elementorum adoratio, quoque adorentur elevatio aut circumgestatio, ut et prætextu religiosi usus cujuscunque asservatio, sunt quidem omnia tum hujusce Sacramenti naturæ tum Christi institutioni plane contraria.
Ссылки на Писание, напечатанные в источнике

Ссылки на Писание, напечатанные в источнике: 1Cor.10.6; Mark.4.23; 1Cor.11.25-1Cor.11.29; Matt.15.9

In hoc Sacramento externa elementa ad usus a Christo institutos rite separata, ita ad eum crucifixum referuntur ut rerum quas repræsentat nominibus (corporis nempe ac sanguinis Christi) vere quidem, at Sacramentaliter tantum, sint nuncupata, manent siquidem adhuc quoad substantiam et naturam vere solumque panis ac vinum nihilo minus quam antea fuerant.
Ссылки на Писание, напечатанные в источнике

Ссылки на Писание, напечатанные в источнике: Matt.26.26-Matt.26.28; 1Cor.11.26-1Cor.11.28; Matt.26.29

Doctrina illa quæ substantiæ panis ac vini in substantiam corporis et sanguinis Christi conversionem (transubstantiatio vulgo dicitur) sive illam per Sacerdotis consecrationem, sive quomodocunque demum fieri statuit, non scripturæ solum, verum etiam communi omnium sensui ac rationi adversatur, sacramenti naturam evertit, superstitionis multifariæ causa extitit atque etiamnum existit, imo vero et crassissimæ idololatriæ.
Ссылки на Писание, напечатанные в источнике

Ссылки на Писание, напечатанные в источнике: Acts.3.21; 1Cor.11.24-1Cor.11.26; Luke.24.6; Luke.24.39

Digne communicantes, Elementa in hoc Sacramento visibilia dum participant, una cum iis interne Christum crucifixum et beneficia mortis ejus universa revera et realiter (modo, non carnali quidem aut corporeo, sed spirituali) per fidem recipiunt eisque vescuntur. Corpus siquidem et sanguis Christi non corporeo aut carnali modo in, cum, vel sub pane ac vino; realiter tamen, ac spiritualiter credentium fidei in hoc instituto, non minus quam externis sensibus elementa ipsa, sunt præsentia.
Ссылки на Писание, напечатанные в источнике

Ссылки на Писание, напечатанные в источнике: 1Cor.11.28; 1Cor.10.16

Homines improbi et ignari externa licet in hoc sacramento percipere possint elementa, rem tamen per ea significatam non recipiunt; verum indigne illuc accedendo, rei fiunt corporis ac sanguinis Dominici ad sui ipsorum condemnationem. Quapropter homines impii et ignari prout communioni cum Deo potiundæ nullatenus sunt idonei, ita prorsus indigni sunt qui accedant ad mensam Domini; neque sine gravi in Christum peccato, possunt (quamdiu tales esse non destiterint Sacra hæc mysteria participare; vel ad ea participandum admitti.
Ссылки на Писание, напечатанные в источнике

Ссылки на Писание, напечатанные в источнике: 1Cor.11.27-1Cor.11.29; 2Cor.6.14-2Cor.6.16; 1Cor.5.6-1Cor.5.7; 1Cor.5.13; 2Thess.3.6; 2Thess.3.14-2Thess.3.15; Matt.7.6

Источник и условия: Вестминстерское исповедание веры, латинский перевод 1656 г. · общественное достояние · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · условия

Закладки, заметки и место чтения хранятся только в этом браузере.