Skip to content

Westminster Confession of Faith, Latin translation of 1656 · Caput 6. De hominis lapsu, de peccato ejusque pœna.

Text display

Font size: 19px

Go to a reference
Same place in another edition

Anchor: WCF1646.6.1

Side by side

Tap a number or a passage to select it.

Primi parentes, Satanæ subtilitate ac tentatione seducti, fructus vetiti esu peccaverunt. Hoc eorum peccatum secundum sapiens suum sanctumque consilium Deo placuit permittere, non sine proposito illud ad suam ipsius gloriam ordinandi.
Scripture references printed in the source

Scripture references printed in the source: Gen.3.13; 2Cor.11.3; Rom.11.32

Hoc illi peccato, justitia sua originali et communione cum Deo exciderunt; itaque facti sunt in peccato mortui, atque in omnibus facultatibus ac partibus animæ corporisque penitus contaminati.
Scripture references printed in the source

Scripture references printed in the source: Gen.3.6-Gen.3.8; Eccl.7.29; Rom.3.23; Gen.2.17; Eph.2.1; Titus.1.15; Gen.6.5; Jer.17.9; Rom.3.10-Rom.3.19

Quumque illi fuerint radix totius humani generis, hujusce peccati reatus fuit imputatus, eademque in peccato mors ac natura corrupta propagata, omnibus illorum posteris, quotquot ab iis ordinaria quidem generatione procreantur.
Scripture references printed in the source

Scripture references printed in the source: Gen.1.27-Gen.1.28; Gen.2.16-Gen.2.17; Acts.17.26; Rom.5.12; Rom.5.15-Rom.5.19; 1Cor.15.21-1Cor.15.22; 1Cor.15.45; 1Cor.15.49; Ps.51.5; Gen.5.3; Job.14.4; Job.15.14

Ab hac originali labe (qua ad omne bonum facti sumus inhabiles prorsus ac impotentes, eique plane oppositi, ad malum autem omne proclives penitus) proveniunt omnia peccata actualia.
Scripture references printed in the source

Scripture references printed in the source: Rom.5.6; Rom.7.18; Rom.8.7; Col.1.21; Gen.6.5; Gen.8.21; Rom.3.10-Rom.3.12; Jas.1.14-Jas.1.15; Eph.2.2-Eph.2.3; Matt.15.19

Hæc naturæ corruptio durante hac vita manet etiam in regenitis; et quamvis per Christum et condonata sit et mortificata; nihilo minus tam ipsa, quam ejus motus universi vere sunt ac proprie peccata.
Scripture references printed in the source

Scripture references printed in the source: 1John.1.8; 1John.1.10; Rom.7.14; Rom.7.17-Rom.7.18; Rom.7.23; Jas.3.2; Prov.20.9; Eccl.7.20; Rom.7.5; Rom.7.7-Rom.7.8; Rom.7.25; Gal.5.17

Peccatum omne cum originale tum actuale, quum justæ Dei legis transgressio sit eique contraria, peccatori suapte natura reatum infert, quo ad iram Dei, ac maledictionem legis subeundam obligatur, adeoque redditur obnoxius morti simul et miseriis omnibus spiritualibus, temporalibus, ac æternis.
Scripture references printed in the source

Scripture references printed in the source: 1John.3.4; Rom.2.15; Rom.3.9; Rom.3.19; Eph.2.3; Gal.3.10; Rom.6.23; Eph.4.18; Rom.8.20; Lam.3.39; Matt.25.41; 2Thess.1.9

Source and terms: Westminster Confession of Faith, Latin translation of 1656 · public domain · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · terms

Bookmarks, notes and the reading position are stored only in this browser.