Skip to content

Westminster Confession of Faith, Latin translation of 1656 · Caput 24. De Conjugio et Divortio.

Text display

Font size: 19px

Go to a reference
Same place in another edition

Anchor: WCF1646.24.1

Side by side

Tap a number or a passage to select it.

Conjugium inter unum virum ac fœminam unam contrahi debet; neque viro ulli uxores plures, nec ulli fœminæ ultra unum maritum eodem tempore habere licet.
Scripture references printed in the source

Scripture references printed in the source: Gen.2.24; Matt.19.5; Matt.19.6; Prov.2.17

Conjugium erat institutum, cum propter mariti uxorisque auxilium mutuum, tum propter humani generis prole legitima, Ecclesiæqeu sancto semine incrementum, tum vero etiam ad impudicitiam declinandam.
Scripture references printed in the source

Scripture references printed in the source: Gen.2.18; Mal.2.15; 1Cor.7.2; 1Cor.7.9

Matrimonio jungi cuivis hominum generi licitum est, qui consensum suum præbere valent cum judicio; Veruntamen solum in Domino connubia inire debent Christiani; proindeque quotquot religionem veram reformatamque profitentur, non debent Infidelibus, Papistis, aut aliis quibuscunque idololatris connubio sociari; neque sane debent qui pii sunt impari jugo copulari, conjugium cum illis contrahendo qui aut improbitate vitæ sunt notabiles, aut damnabiles tuentur hæreses.;
Scripture references printed in the source

Scripture references printed in the source: Heb.13.4; 1Tim.4.3; 1Cor.7.36-1Cor.7.38; Gen.24.57-Gen.24.58; 1Cor.7.39; Gen.34.14; Exod.34.16; Deut.7.3-Deut.7.4; 1Kgs.11.4; Neh.13.25-Neh.13.27; Mal.2.11-Mal.2.12; 2Cor.6.14

Connubia intra consanguinitatis affinitatisque gradus in verbo Dei vetitos iniri non est licitum; neque possunt ejusmodi incesta conjugia quavis aut humana lege, aut consensione partium fieri legitima, adeo ut personis illis ad instar mariti et uxoris liceat unquam cohabitare. Non licet viro e cognatione uxoris suæ ducere, quam si æque seipsum attingeret sanguine, ducere non liceret; sicuti nec fœminæ licet viro nubere a mariti sui sanguine minus, quam a suo liceret, alieno.
Scripture references printed in the source

Scripture references printed in the source: Lev.18; 1Cor.5.1; Amos.2.7; Mark.6.18; Lev.18.24-Lev.18.28; Lev.20.19-Lev.20.21

Adulterium aut scortatio si admittatur post sponsalia, ac ante conjugium detegatur, personæ innocenti justam præbet occasionem contractum illum dissolvendi; quod si adulterium post conjugium admittatur, licebit parti innocenti divortium lege postulare ac obtinere; atque quidem post factum divortium conjugio alteri sociari, perinde acsi mortua esset persona illa quæ conjugii fidem violabat.
Scripture references printed in the source

Scripture references printed in the source: Matt.1.18-Matt.1.20; Matt.5.31-Matt.5.32; Matt.19.9; Rom.7.2-Rom.7.3

Quamvis ea sit hominis corruptio ut proclivis sit ad excogitandum argumenta, indebite illos quos Deus connubio junxit dissociandi; nihilominus tamen extra adulterium ac desertionem ita obstinatam, ut cui nullo remedio, nec ab Ecclesia nec a Magistratu civili subveniri possit, sufficiens causa nulla esse potest conjugii vinculum dissolvendi. Atque hac quidem in re procedendi ordo publicus et regularis est observandus, nec personæ illæ, quarum jus agitur, sunt suo arbitrio judiciove in causa propria permittendæ.
Scripture references printed in the source

Scripture references printed in the source: Matt.19.8; Matt.19.9; 1Cor.7.15; Matt.19.6; Deut.24.1-Deut.24.4

Source and terms: Westminster Confession of Faith, Latin translation of 1656 · public domain · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · terms

Bookmarks, notes and the reading position are stored only in this browser.