Перейти к содержанию

Вестминстерское исповедание веры, латинский перевод 1656 г. · Caput 3. De æterno Dei Decreto.

Вид текста

Размер шрифта: 19px

Перейти к месту
То же место в другом издании

Опорное место: WCF1646.3.1

Сравнить рядом

Нажмите на номер или текст фрагмента, чтобы выбрать его.

Deus, e sapientissimo sanctissimoque consilio voluntatis suæ, libere ac immutabiliter, quicquid unquam evenit, ab omni æterno ordinavit; ita tamen, id inde nec author peccati evadat Deus, nec voluntati creaturarum sit vis illata, neque libertas aut contingentia causarum secundarum ablata sit, verum potius stabilita.
Ссылки на Писание, напечатанные в источнике

Ссылки на Писание, напечатанные в источнике: Eph.1.11; Rom.11.33; Heb.6.17; Rom.9.15; Rom.9.18; Jas.1.13; Jas.1.17; 1John.1.5; Acts.2.23; Matt.17.12; Acts.4.27-Acts.4.28; John.19.11; Prov.16.33

Quamvis omnia cognoscat Deus, quæ suppositis quibusvis conditionibus sunt eventu possibilia; non tamen ideo quicquam decrevit quoniam illud præviderat aut futurum, aut positis talibus conditionibus eventurum.
Ссылки на Писание, напечатанные в источнике

Ссылки на Писание, напечатанные в источнике: Acts.15.18; 1Sam.23.11-1Sam.23.12; Matt.11.21; Matt.11.23; Rom.9.11; Rom.9.13; Rom.9.16; Rom.9.18

Deus, quo gloriam suam manifestaret, nonnullos hominum ac Angelorum decreto suo ad æternam vitam prædestinavit, alios autem ad mortem æternam præordinavit.
Ссылки на Писание, напечатанные в источнике

Ссылки на Писание, напечатанные в источнике: 1Tim.5.21; Matt.25.41; Rom.9.22-Rom.9.23; Eph.1.5-Eph.1.6; Prov.16.4

prædestinati illi et præordinati homines Angelique, particulariter sunt ac immutabiliter designati, certusque illorum est ac definitus numerus, adeo ut nec augeri possit nec imminui.
Ссылки на Писание, напечатанные в источнике

Ссылки на Писание, напечатанные в источнике: 2Tim.2.19; John.13.18

Qui ex humano genere sunt ad vitam prædestinati, illos Deus ante jacta mundi fundamenta, secundum æternum suum ac immutabile propositum, secretumque voluntatis suæ consilium et beneplacitum, elegit in Christo ad æternam gloriam, idque ex amore suo et gratia mere gratuita; nec fide, nec bonis operibus, nec in his illave perseverantia, sed neque ulla alia re in creatura, prævisis, ipsum tanquam causis aut conditionibus ad id moventibus; quo totum nempe in laudem cederet gloriosæ suæ gratiæ.
Ссылки на Писание, напечатанные в источнике

Ссылки на Писание, напечатанные в источнике: Eph.1.4; Eph.1.9; Eph.1.11; Rom.8.30; 2Tim.1.9; 1Thess.5.9; Rom.9.11; Rom.9.13; Rom.9.16; Eph.1.6; Eph.1.12

Quemadmodum autem Deus electos ad gloriam destinavit, sic omnia etiam quibus illam consequantur media præordinavit, voluntatis suæ proposito æterno simul et liberrimo. Quapropter electi, postquam lapsi essent in Adamo, a Christo sunt redempti; per Spiritum ejus opportuno tempore operantem, ad fidem in Christum vocantur efficaciter; justificantur, sanctificantur, et potentia ipsius per fidem custodiuntur ad salutem. Nec alii quivis a Christo redimuntur, vocantur efficaciter justificantur, adoptantur, sanctificantur et salvantur, præter electos solos.
Ссылки на Писание, напечатанные в источнике

Ссылки на Писание, напечатанные в источнике: 1Pet.1.2; Eph.1.4-Eph.1.5; Eph.2.10; 2Thess.2.13; 1Thess.5.9-1Thess.5.10; Titus.2.14; Rom.8.30; Eph.1.5; 1Pet.1.5; John.17.9; Rom.8.28-Rom.8.39; John.6.64-John.6.65; John.8.47; John.10.26; 1John.2.19

Reliquos humani generis Deo placuit secundum consilium voluntatis suæ inscrutabile (quo misericordiam pro libitu exhibet abstinetve) in gloriam supremæ suæ in creaturas potestatis, præterire; eosque ordinare ad ignominiam et iram pro peccatis suis, ad laudem justitiæ suæ gloriosæ.
Примечания источника · 1
  • Source misprint corrected: bracket read as brace at 'nscrutabile {quo misericordiam'

Ссылки на Писание, напечатанные в источнике: Matt.11.25-Matt.11.26; Rom.9.17-Rom.9.18; Rom.9.21-Rom.9.22; 2Tim.2.19-2Tim.2.20; Jude.1.4; 1Pet.2.8

Doctrina de sublimi hoc prædestinationis mysterio non sine summa cura et prudentia tractari debet, quo nimirum homines, dum voluntati Dei in verbo ejus revelatæ advertant animos, eique debitam exhibeant obedientiam, de efficaci sua vocatione certiores facti, ad æternæ suæ electionis assurgere possint certitudinem. Ita demum suppeditabit hæc doctrina laudandi, reverendi, admirandique Deum argumentum, quin etiam humilitatis, diligentiæ et consolationis copiosæ omnibus sincere obedientibus evangelio.
Ссылки на Писание, напечатанные в источнике

Ссылки на Писание, напечатанные в источнике: Rom.9.20; Rom.11.33; Deut.29.29; 2Pet.1.10; Eph.1.6; Rom.11.5-Rom.11.6; Rom.11.20; Rom.8.33; Luke.10.20

Источник и условия: Вестминстерское исповедание веры, латинский перевод 1656 г. · общественное достояние · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · условия

Закладки, заметки и место чтения хранятся только в этом браузере.