Skip to content

Westminster Confession of Faith, Latin translation of 1656 · Caput 11. De Justificatione.

Text display

Font size: 19px

Go to a reference
Same place in another edition

Anchor: WCF1646.11.1

Side by side

Tap a number or a passage to select it.

Quos Deus vocat efficaciter, eosdem etiam gratis justificat, non quidem justitiam iis infundendo, sed eorum peccata condonando, personasque pro justis reputando atque acceptando; neque id certe propter quicquam aut in iis productum, aut ab iis præstitum, verum Christi solius ergo; eisque ad justitiam non fidem ipsam, non credendi actum, aut aliam quamcunque obedientiam evangelicam, verum obedientiam ac satisfactionem Christi imputando, eum nempe recipientibus, eique ac justitiæ ejus per fidem innitentibus; quam illi fidem ex dono Dei, non a seipsis, habent.
Scripture references printed in the source

Scripture references printed in the source: Rom.8.30; Rom.3.24; Rom.4.5-Rom.4.8; 2Cor.5.19; 2Cor.5.21; Rom.3.22; Rom.3.24-Rom.3.25; Rom.3.27-Rom.3.28; Titus.3.5; Titus.3.7; Eph.1.7; Jer.23.6; 1Cor.1.30-1Cor.1.31; Rom.5.17-Rom.5.19; Acts.10.44; Gal.2.16; Phil.3.9; Acts.13.38-Acts.13.39; Eph.2.7-Eph.2.8

Fides hoc modo Christum recipiens, eique innitens ac justitiæ ejus, est justificationis unicum instrumentum; in homine tamen justificato hæc non est solitaria, verum gratiis aliis omnibus salutaribus semper comitata; neque est hæc fides mortua, sed quæ per charitatem operatur.
Scripture references printed in the source

Scripture references printed in the source: John.1.12; Rom.3.28; Rom.5.1; Jas.2.17; Jas.2.22; Jas.2.26; Gal.5.6

Qui hunc in modum justificantur, eorum omnium debita Christus per obedientiam suam mortemque prorsus dissolvit; eorumque vice justitiæ Patris sui realem, plenum, et proprie dictam satisfactionem præstitit. Quum tamen non propter in iis quicquam, verum gratuito Pater cum Christum ipsum pro eis dederit, tum obedientiam ejus ac satisfactionem tanquam eorum loco constituti acceptaverit; omnino a gratia gratuita est eorum justificatio; Quo nimirum Dei tum accurata justitia tum locuples gratia glorificata foret in justificatione peccatorum.
Scripture references printed in the source

Scripture references printed in the source: Rom.5.8-Rom.5.10; Rom.5.19; 1Tim.2.5; 1Tim.2.6; Heb.10.10; Heb.10.14; Dan.9.24; Dan.9.26; Isa.53.4-Isa.53.6; Isa.53.10-Isa.53.12; Rom.8.32; 2Cor.5.21; Matt.3.17; Eph.5.2; Rom.3.24; Eph.1.7; Rom.3.26; Eph.2.7

Ab æterno decrevit Deus electos omnes justificare, Christusque in temporis plenitudine mortuus est pro eorum peccatis, et in justificationem eorum resurrexit: nihilo minus tamen justificati prius non sunt, quam Christum eis in tempore suo opportuno Spiritus Sanctus actu applicuerit.
Scripture references printed in the source

Scripture references printed in the source: Gal.3.8; 1Pet.1.2; 1Pet.1.19-1Pet.1.20; Rom.8.30; Gal.4.4; 1Tim.2.6; Rom.4.25; Col.1.21-Col.1.22; Gal.2.16; Titus.3.4-Titus.3.7

Perseverat Deus eorum peccata condonare quos semel justificavit, quin et etiamsi excidere statu justificationis nunquam possint; fieri tamen potest ut iræ Dei, paternæ quidem illi, per peccata sua se exponant, nec lumen paterni vultus prius sibi habeant restitutum, quam semet ipsos humiliaverint, peccata agnoverint, imploraverint veniam, fidem denique et pœnitentiam suam renovaverint.
Scripture references printed in the source

Scripture references printed in the source: Matt.6.12; 1John.1.7; 1John.1.9; 1John.2.1-1John.2.2; Luke.22.32; John.10.28; Heb.10.14; Ps.89.31-Ps.89.33; Ps.51.7-Ps.51.12; Ps.32.5; Matt.26.75; 1Cor.11.30; 1Cor.11.32; Luke.1.20

Justificatio fidelium sub Vetere ac Novo Testamento quoad isthæc omnia est una eademque.
Scripture references printed in the source

Scripture references printed in the source: Gal.3.9; Gal.3.13-Gal.3.14; Rom.4.22-Rom.4.24; Heb.13.8

Source and terms: Westminster Confession of Faith, Latin translation of 1656 · public domain · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · terms

Bookmarks, notes and the reading position are stored only in this browser.