Перейти к содержанию

Вестминстерское исповедание веры, латинский перевод 1656 г. · Caput 16. De bonis operibus.

Вид текста

Размер шрифта: 19px

Перейти к месту
То же место в другом издании

Опорное место: WCF1646.16.1

Сравнить рядом

Нажмите на номер или текст фрагмента, чтобы выбрать его.

Bona opera ea tantum sunt quæ in verbo suo sancto præcepit Deus; minime autem ea quæ absque ulla illius authoritate, sunt ab hominibus excogitata, sive e cæco zelo id factum fuerit, seu bonæ intentionis prætextu quoviscunque.
Ссылки на Писание, напечатанные в источнике

Ссылки на Писание, напечатанные в источнике: Mic.6.8; Rom.12.2; Heb.13.21; Matt.15.9; Isa.29.13; 1Pet.1.18; Rom.10.2; John.16.2; 1Sam.15.21-1Sam.15.23

Bona hæc opera e conscientia mandatorum Dei præstita vivæ veræque fidei fructus sunt ac evidentiæ; per hæc fideles gratitudinem suam manifestant, de salute certitudinem suam augent, fratres suos ædificant, Evangelii professionem ornant, obturant ora adversantibus, ac Deum denique glorificant, cuius opificium sunt in Jesu Christo ad hæc creati, quo fructum habentes ad sanctimoniam, finem consequantur æternam vitam.
Ссылки на Писание, напечатанные в источнике

Ссылки на Писание, напечатанные в источнике: Jas.2.18; Jas.2.22; Ps.116.12-Ps.116.13; 1Pet.2.9; 1John.2.3; 1John.2.5; 2Pet.1.5-2Pet.1.10; 2Cor.9.2; Matt.5.16; Titus.2.5; Titus.2.9-Titus.2.12; 1Tim.6.1; 1Pet.2.15; 1Pet.2.12; Phil.1.11; John.15.8; Eph.2.10; Rom.6.22

Quod bonis operibus idonei sint præstandis omnino id a spiritu Christi est, nullatenus autem e seipsis. Et quo eis præstandis pares fiant, prater habitus gratiæ iam infusos, ejusdem Spiritus sancti actualis porro requiritur influentia, qua nempe in iis operetur tum velle tum etiam efficere pro suo ipsius beneplacito: sed neque tamen iis proinde socordiæ sese licet permittere; ac si nisi specialiter eos excitante Spiritu ad nulla pietatis officia præstanda tenerentur; verum sedulam debent navare operam sustitandæ illi quæ in iis est divinæ gratiæ.
Ссылки на Писание, напечатанные в источнике

Ссылки на Писание, напечатанные в источнике: John.15.4-John.15.6; Ezek.36.26-Ezek.36.27; Phil.2.13; Phil.4.13; 2Cor.3.5; Phil.2.12; Heb.6.11-Heb.6.12; 2Pet.1.3; 2Pet.1.5; 2Pet.1.10-2Pet.1.11; Isa.64.7; 2Tim.1.6; Acts.26.6-Acts.26.7; Jude.1.20-Jude.1.21

Qui gradum obedientiæ summum quidem in hac vita possibilem assequuntur, tantum abest ut supererogare quicquam possint ac plus præstare quam quod Deus requisiverit, ut multum sane subsidant infra illud, quod ex officio præstare obligantur.
Ссылки на Писание, напечатанные в источнике

Ссылки на Писание, напечатанные в источнике: Luke.17.10; Neh.13.22; Job.9.2-Job.9.3; Gal.5.17

Peccatorum veniam, aut vitam æternam de Deo mereri non valemus, ne optimis quidem operibus nostris; cum propter summam illam inter ea et futuram gloriam disparitatem; tum etiam propter infinitam distantiam quæ inter nos ac Deum intercedit; cui nos per illa nec prodesse quicquam possumus, neque pro antecedentium peccatorum nostrorum debito satisfacere; verum cum quantum possumus fecerimus, non nisi quod debemus præstiterimus, ac servi inutiles futuri sumus; tum denique quoniam a spiritu Dei in quantum bona sunt proficiscuntur, ita vero sunt coinquinata, tantumque imperfectionis ac infirmitas admistum habent, prout a nobis efficiuntur, ut strictum Dei judicium non sint ferendo.
Ссылки на Писание, напечатанные в источнике

Ссылки на Писание, напечатанные в источнике: Rom.3.20; Rom.4.2; Rom.4.4; Rom.4.6; Eph.2.8-Eph.2.9; Titus.3.5-Titus.3.7; Rom.8.18; Ps.16.2; Job.22.2-Job.22.3; Job.35.7-Job.35.8; Luke.17.10; Gal.5.22-Gal.5.23; Isa.64.6; Gal.5.17; Rom.7.15; Rom.7.18; Ps.143.2; Ps.130.3

Nihilominus tamen acceptis in gratiam per Christum fidelium personis, eorum etiam opera bona per eundem accepta sunt; non quod in hac vita sint omnis culpæ prorsus immunia, quæque in conspectu Dei nullam reprehensionem mereantur; verum quod illa respiciens in filio suo Deus, quod sincerum est, utcunque multis infirmitatibus ac imperfectionibus involutum, acceptare dignetur ac remunerari.
Ссылки на Писание, напечатанные в источнике

Ссылки на Писание, напечатанные в источнике: Eph.1.6; 1Pet.2.5; Exod.28.38; Gen.4.4; Heb.11.4; Job.9.20; Ps.143.2; Heb.13.20-Heb.13.21; 2Cor.8.12; Heb.6.10; Matt.25.21; Matt.25.23

Opera nondum regenitorum, licet, quoad materiam præcepto divino conformia esse possint, sibique ipsis et aliis item utilia; cum tamen neque a corde profluant per fidem depurato, nec secundum verbum eo quo par est præstentur modo, sed neque ad finem debitum, Dei nempe gloriam, destinentur; sunt proinde peccata, nec Deo grata esse possunt, nec reddere quenquam valent idoneum ad gratiam a Deo recipiendum. Ejusmodi tamen operum neglectu, gravius quidem illi peccant Deumque offendunt vehementius.
Ссылки на Писание, напечатанные в источнике

Ссылки на Писание, напечатанные в источнике: 2Kgs.10.30-2Kgs.10.31; 1Kgs.21.27; 1Kgs.21.29; Phil.1.15-Phil.1.16; Phil.1.18; Gen.4.3-Gen.4.5; Heb.11.4; Heb.11.6; 1Cor.13.3; Isa.1.12; Matt.6.2; Matt.6.5; Matt.6.16; Hag.2.14; Titus.1.15; Amos.5.21-Amos.5.22; Hos.1.4; Rom.9.16; Titus.3.5; Ps.14.4; Ps.36.3; Job.21.14-Job.21.15; Matt.25.41-Matt.25.45; Matt.23.23

Источник и условия: Вестминстерское исповедание веры, латинский перевод 1656 г. · общественное достояние · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · условия

Закладки, заметки и место чтения хранятся только в этом браузере.