Skip to content

Westminster Confession of Faith, Latin translation of 1656 · Caput 15. De resipiscentia ad vitam.

Text display

Font size: 19px

Go to a reference
Same place in another edition

Anchor: WCF1646.15.1

Side by side

Tap a number or a passage to select it.

Resipiscentia ad vitam est gratia Evangelica, cuius quidem doctrina pariter ac illa de fide in Christum est a singulis ministris Evangelii prædicanda.
Scripture references printed in the source

Scripture references printed in the source: Zech.12.10; Acts.11.18

Per eam peccator ex inspectu sensuque non solum periculi verum etiam turpitudinis, ac naturæ peccatorum suorum prorsus abominandæ. utpote sanctæ Dei naturæ, justæque legi adversantium, atque e perspecta ejus erga pœnitentes in Christo misericordia, ita peccata sua deflet ac detestatur, ut ab eis omnibus ad Deum convertatur cum proposito conatuque in cunctis mandatorum ejus viis cum eodem ambulandi.
Scripture references printed in the source

Scripture references printed in the source: Luke.24.47; Mark.1.15; Acts.20.21; Ezek.18.30-Ezek.18.31; Ezek.36.31; Isa.30.22; Ps.51.4; Jer.31.18-Jer.31.19; Joel.2.12-Joel.2.13; Amos.5.15; Ps.119.128; 2Cor.7.11; Ps.119.6; Ps.119.59; Ps.119.106; Luke.1.6; 2Kgs.23.25

Etsi resipiscentiæ nobis fidendum non sit, ac si ea esset ulla aut pro peccatis satisfactio, aut causa remissionis peccatorum (qui gratiæ Dei in Christo gratuitæ actus est), est nihilominus cunctis peccatoribus usque adeo necessaria, ut sine ea nulla cuivis unquam remissio sit expectanda.
Scripture references printed in the source

Scripture references printed in the source: Ezek.36.31-Ezek.36.32; Ezek.16.61-Ezek.16.63; Hos.14.2; Hos.14.4; Rom.3.24; Eph.1.7; Luke.13.3; Luke.13.5; Acts.17.30-Acts.17.31

Quemadmodum nullum est peccatum adeo exiguum ut damnationem non mereatur, ita neque magnum adeo peccatum ullum est, ut damnationem inferre possit vere pœnitentibus.
Scripture references printed in the source

Scripture references printed in the source: Rom.6.23; Rom.5.12; Matt.12.36; Isa.55.7; Rom.8.1; Isa.1.16; Isa.1.18

In resipiscentia generali acquiescendum non est, verum ad id contendere tenetur quisque, ut singulorum suorum peccatorum quam particularem agat pœnitentiam.
Scripture references printed in the source

Scripture references printed in the source: Ps.19.13; Luke.19.8; 1Tim.1.13; 1Tim.1.15

Quemadmodum autem tenetur quivis peccata sua Deo privatim confiteri, et pro remissione illorum precibus contendere: (quod si præstiterit et peccata simul dereliquerit, misericordiam consequetur) ita qui fratri suo, aut Ecclesiæ Christi, scandalo fuerit, promptus et paratus esse debet qua confessione sive privata, sive etiam publica, qua de peccatis suis dolore, resipiscentiam suam eis quibus offendiculo fuerit declarare, quo præstito illi redire cum eo in gratiam debent, eumque denuo cum charitate recipere.
Scripture references printed in the source

Scripture references printed in the source: Ps.51.4-Ps.51.5; Ps.51.7; Ps.51.9; Ps.51.14; Ps.32.5-Ps.32.6; Prov.28.13; 1John.1.9; Jas.5.16; Luke.17.3-Luke.17.4; Josh.7.19; Ps.51; 2Cor.2.8

Source and terms: Westminster Confession of Faith, Latin translation of 1656 · public domain · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · terms

Bookmarks, notes and the reading position are stored only in this browser.