Skip to content

Westminster Confession of Faith, Latin translation of 1656 · Caput 28. De Baptismo.

Text display

Font size: 19px

Go to a reference
Same place in another edition

Anchor: WCF1646.28.1

Side by side

Tap a number or a passage to select it.

Baptismus est sacramentum Novi Testamenti, a Jesu Christo institutum, non solum propter solennem personæ baptizatæ in Ecclesiam visibilem admissionem, verum etiam ut signum eidem sit, et sigillum cum fœderis gratiæ, tum suæ in Christum insitionis, regenerationis, remissionis peccatorum, ac sui ipsius Deo per Christum dedicationis, ad ambulandum in vitæ novitate. Quod quidem Sacramentum e Christi ipsius mandato est in Ecclesia ejus ad finem usque mundi retinendum.
Scripture references printed in the source

Scripture references printed in the source: Matt.28.19; 1Cor.12.13; Rom.4.11; Col.2.11-Col.2.12; Gal.3.27; Rom.6.5; Titus.3.5; Mark.1.4; Rom.6.3-Rom.6.4; Matt.28.19-Matt.28.20

Elementum externum in hoc Sacramento adhibendum est Aqua; qua baptizari debet admittendus, a ministro Evangelii legitime ad hoc vocato, in nomine Patris et filii et Spiritus Sancti.
Scripture references printed in the source

Scripture references printed in the source: Matt.3.11; John.1.33; Matt.28.19-Matt.28.20

Baptizandi in aquam immersio necessaria non est; verum baptismus rite administratur aqua superfusa vel etiam inspersa baptizando.
Scripture references printed in the source

Scripture references printed in the source: Heb.9.10; Heb.9.19-Heb.9.22; Acts.2.41; Acts.16.33; Mark.7.4

Non illi solum qui fidem in Christum eique se obedientes fore actu quidem profitentur, verum etiam infantes qui a Parente vel altero vel utroque fideli procreantur, sunt baptizandi.
Scripture references printed in the source

Scripture references printed in the source: Mark.16.15-Mark.16.16; Acts.8.37-Acts.8.38; Gen.17.7; Gen.17.9; Gal.3.9; Gal.3.14; Col.2.11-Col.2.12; Acts.2.38-Acts.2.39; Rom.4.11-Rom.4.12; 1Cor.7.14; Matt.28.19; Mark.10.13-Mark.10.16; Luke.18.15

Quamvis grave peccatum sit institutum hoc despicatui habere vel negligere; non tamen ei salus et gratia ita individue annectuntur, ut absque illo nemo unquam regenerari aut salvari possit, aut quasi indubium omnino sit regenerari omnes qui baptizantur.
Scripture references printed in the source

Scripture references printed in the source: Luke.7.30; Exod.4.24-Exod.4.26; Rom.4.11; Acts.10.2; Acts.10.4; Acts.10.22; Acts.10.31; Acts.10.45; Acts.10.47; Acts.8.13; Acts.8.23

Baptismi efficacia ei temporis momento quo administratur non adstringitur. Nihilominus tamen, usu debito hujus instituti non offertur solum promissa gratia, verum etiam omnibus (tam infantibus quam adultis) ad quos gratia illa e consilio Divinæ voluntatis pertinet, per Spiritum Sanctum in tempore suo constituto realiter confertur et exhibetur.
Scripture references printed in the source

Scripture references printed in the source: John.3.5; John.3.8; Gal.3.27; Titus.3.5; Eph.5.25-Eph.5.26; Acts.2.38; Acts.2.41

Sacramentum Baptismi eidem personæ non est nisi semel administrandum.
Scripture references printed in the source

Scripture references printed in the source: Titus.3.5

Source and terms: Westminster Confession of Faith, Latin translation of 1656 · public domain · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · terms

Bookmarks, notes and the reading position are stored only in this browser.