Перейти к содержанию

Вестминстерское исповедание веры, латинский перевод 1656 г. · Caput 18. De certitudine gratiæ et salutis.

Вид текста

Размер шрифта: 19px

Перейти к месту
То же место в другом издании

Опорное место: WCF1646.18.1

Сравнить рядом

Нажмите на номер или текст фрагмента, чтобы выбрать его.

Quamvis fieri potest ut hypocritæ aliique homines non regeniti spe vana falsisque (pro corruptæ naturæ more) opinionibus præsumptis, se decipiant, favorem Dei, statumque salutis sibi falso arrogantes; quæ illorum spes peribit: qui tamen in Dominum Jesum vere credunt, eumque sincere diligunt, studentes coram ipso in omni bona conscientia ambulare; evadere possunt in hac vita certi se in statu gratiæ esse constitutos; quin etiam lætari possunt spe gloriæ Dei, quæ quidem spes nunquam eos pudefaciet.
Ссылки на Писание, напечатанные в источнике

Ссылки на Писание, напечатанные в источнике: Job.8.13-Job.8.14; Mic.3.11; Deut.29.19; John.8.41; Matt.7.22-Matt.7.23; 1John.2.3; 1John.3.14; 1John.3.18-1John.3.19; 1John.3.21; 1John.3.24; 1John.5.13; Rom.5.2; Rom.5.5

Hæc certitudo non est persuasio mere conjecturalis et probabilis, innixa spe fallaci; verum infallibilis quædam fidei certitudo, fundamentum habens divinam promissionum salutis veritatem; gratiarum, quibus promissiones illæ fiunt internam evidentiam; testimonium denique spiritus adoptionis una cum spiritibus nostris testificantis nos esse filios Dei; qui quidem spiritus arrhabo est hæreditatis nostræ, quo in diem redemtionis sigillamur.
Ссылки на Писание, напечатанные в источнике

Ссылки на Писание, напечатанные в источнике: Heb.6.11; Heb.6.19; Heb.6.17-Heb.6.18; 2Pet.1.4-2Pet.1.5; 2Pet.1.10-2Pet.1.11; 1John.2.3; 1John.3.14; 2Cor.1.12; Rom.8.15-Rom.8.16; Eph.1.13-Eph.1.14; Eph.4.30; 2Cor.1.21-2Cor.1.22

Hæc certitudo infallibilis, non ita spectat essentiam fidei, quin vere fidelis expectare quandoque diutius, et cum variis difficultatibus confligere prius possit, quam illius compos fiat, verum poterit idem ordinariorum usu debito mediorum, absque revelatione ulla extraordinaria eam adipisci, spiritu nempe quæ Deus illi gratuito donaverit cognoscendi facultatem subministrante. Proindeque tenetur quisque, quo vocationem suam sibi et electionem certmn faciat, omnem adhibere diligentiam, unde cor suum habeat pace et gaudio in spiritu sancto, in Deum amore et gratitudine, in actibus observantiæ robore et alacritate dilatatum; qui certitudinus huius fructus proprii sunt ac genuini. Tantum abest ut homines inde ad omnem nequitiam discingantur.
Ссылки на Писание, напечатанные в источнике

Ссылки на Писание, напечатанные в источнике: 1John.5.13; Isa.50.10; Mark.9.24; Ps.88; Ps.77.1-Ps.77.12; 1Cor.2.12; 1John.4.13; Heb.6.11-Heb.6.12; Eph.3.17-Eph.3.19; 2Pet.1.10; Rom.5.1-Rom.5.2; Rom.5.5; Rom.14.17; Rom.15.13; Eph.1.3-Eph.1.4; Ps.4.6-Ps.4.7; Ps.119.32; 1John.2.1-1John.2.2; Rom.6.1-Rom.6.2; Titus.2.11-Titus.2.12; Titus.2.14; 2Cor.7.1; Rom.8.1; Rom.8.12; 1John.3.2-1John.3.3; Ps.130.4; 1John.1.6-1John.1.7

Certitudo salutis vere fidelibus multifariam concuti potest et imminui imo et quandoque interrumpi; conservandi scilicet eam incuria; lapsu in peccatum aliquod insigne, quod conscientiam vulnerat, spiritumque contristat; tentatione aliqua vehementi ac subitanea; uti etiam Deo vultus sui lumen subducente, ac permittente ut vel illi qui ipsum timent in tenebris ambulent omni prorsus lumine viduati: nunquam tamen destituuntur penitus illo Dei semine vitaque fidei. Christi illa fratrumque dilectione, ea sinceritate cordis et pietatis officia præstandi conscientia; unde per operationem spiritus eadem illa certitudo tempestive possit reviviscere: quibusque interim ne prorsus in desperationem ruant suffulciuntur.
Ссылки на Писание, напечатанные в источнике

Ссылки на Писание, напечатанные в источнике: Song.5.2-Song.5.3; Song.5.6; Ps.51.8; Ps.51.12; Ps.51.14; Eph.4.30-Eph.4.31; Ps.77.1-Ps.77.10; Matt.26.69-Matt.26.72; Ps.31.22; Ps.88; Isa.50.10; 1John.3.9; Luke.22.32; Job.13.15; Ps.73.15; Isa.1.10; Mic.7.7-Mic.7.9; Isa.54.7-Isa.54.10; Ps.22.1

Источник и условия: Вестминстерское исповедание веры, латинский перевод 1656 г. · общественное достояние · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · условия

Закладки, заметки и место чтения хранятся только в этом браузере.