Skip to content

Westminster Confession of Faith, Latin translation of 1656 · Caput 23. De Magistratu Civili.

Text display

Font size: 19px

Go to a reference
Same place in another edition

Anchor: WCF1646.23.1

Side by side

Tap a number or a passage to select it.

Supremus totius Mundi Rex ac Dominus Deus, Magistratus Civiles ordinavit qui vices ejus gerant supra populum ad suam ipsius gloriam, ac bonum publicum; in quem finem eosdem armavit potestate gladii, propter bonorum quidem animationem ac tutamen, animadversionem autem in maleficos.
Scripture references printed in the source

Scripture references printed in the source: Rom.13.1-Rom.13.4; 1Pet.2.13-1Pet.2.14

Christianis, quoties ad id vocantur, Magistratus munus et suscipere licet et exequi; in quo quidem gerendo, ut pietatem præcipue, justitiam, ac pacem secundum salubres cujusque Reipublicæ leges tueri debent, ita quo illum finem consequantur, licitum est iis vel hodie sub Novo Testamento in causis justis ac necessariis bellum gerere.
Scripture references printed in the source

Scripture references printed in the source: Prov.8.15-Prov.8.16; Rom.13.1-Rom.13.2; Rom.13.4; Ps.2.10-Ps.2.12; 1Tim.2.2; Ps.82.3-Ps.82.4; 2Sam.23.3; 1Pet.2.13; Luke.3.14; Matt.8.9-Matt.8.10; Acts.10.1-Acts.10.2; Rev.17.14; Rev.17.16

Magistratui Civili verbi et sacramentorum administrationem, aut clavium regni cœlorum potestatem assumere sibi non est licitum: nihilo tamen minus et jure potest ille, eique incumbit providere ut Ecclesiæ unitas ac tranquillitas conservetur, ut veritas Dei pura et integra custodiatur, ut supprimantur blasphemiæ omnes, hæresesque, ut in cultu ac disciplina omnes corruptelæ ac abusus aut præcaveantur aut reformentur, omnia denique instituta divina, ut rite statuminentur, administrentur, observentur. Quæ omnia quo melius præstare possit, potestatem habet tum Synodos convocandi, tum ut ipsis intersit, prospiciatque, ut quicquid in iis transigatur sit menti divinæ consentaneum.
Scripture references printed in the source

Scripture references printed in the source: 2Chr.26.18; Matt.18.17; Matt.16.19; 1Cor.12.28-1Cor.12.29; Eph.4.11-Eph.4.12; 1Cor.4.1-1Cor.4.2; Rom.10.15; Heb.5.4; Isa.49.23; Ps.122.9; Ezra.7.23-Ezra.7.28; Lev.24.16; Deut.13.5-Deut.13.6; Deut.13.12; 2Kgs.18.4; 1Chr.13.1-1Chr.13.9; 2Kgs.23.1-2Kgs.23.26; 2Chr.34.33; 2Chr.15.12-2Chr.15.13; 2Chr.19.8-2Chr.19.11; 2Chr.29; 2Chr.30; Matt.2.4; Matt.2.5

Debet populus pro Magistratibus preces fundere, personas eorum honore prosequi, tributa aliaque eis debita persolvere, obtemperare licitis eorum mandatis, ac propter conscientiam subjici illorum authoritati; quæ si justa sit ac legitima, non eam illorum infidelitas, non religio diversa cassam reddit, neque populum liberat a debitæ, illis obedientiæ præstatione, qua viri quidem Ecclesiastici non eximuntur, multo minus in ipsos magistratus, intra ditionem suam, ant ex eorum populo quemvis potestatem ullam habet aut jurisdictionem Papa Romanus, minime vero omnium vita illos aut principatu exuendi, si ipse scilicet eos hæreticos esse judicaverit, vel etiam alio prætextu quoviscunque.
Scripture references printed in the source

Scripture references printed in the source: 1Tim.2.1; 1Tim.2.2; 1Pet.2.17; Rom.13.6-Rom.13.7; Rom.13.5; Titus.1.3; 1Pet.2.13-1Pet.2.14; 1Pet.2.16; Rom.13.1; 1Kgs.2.35; Acts.25.9-Acts.25.11; 2Pet.2.1; 2Pet.2.10-2Pet.2.11; Jude.1.8-Jude.1.11; 2Thess.2.4; Rev.13.15-Rev.13.17

Source and terms: Westminster Confession of Faith, Latin translation of 1656 · public domain · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · terms

Bookmarks, notes and the reading position are stored only in this browser.