Перейти к содержанию

Вестминстерское исповедание веры, латинский перевод 1656 г. · Caput 2. De Deo et Sacro-sancta Trinitate.

Вид текста

Размер шрифта: 19px

Перейти к месту
То же место в другом издании

Опорное место: WCF1646.2.1

Сравнить рядом

Нажмите на номер или текст фрагмента, чтобы выбрать его.

Unus est unicusque, vivens ille et verus Deus: qui idem est essentia et perfectione infinitus, Spiritus purissimus, invisibilis, sine corpore, sine partibus, sine passionibus, immutabilis, immensus, æternus, incomprehensibilis, omnipotens, summe sapiens, summe sanctus, liberrimus, maxime absolutus; operans omnia secundum consilium immutabilis suæ ac justissimæ voluntatis, ad suam ipsius gloriam; idemque summa benignitate, gratia, misericordia, et longanimitate; bonitate abundans et veritate; condonans iniquitatem, transgressionem et peccatum; studiose quærentium ipsum remunerator; sed et in judiciis suis justissimus idem ac tremendus maxime; peccatum omne perosus, et qui sontem nullo unquam absolvet modo.
Ссылки на Писание, напечатанные в источнике

Ссылки на Писание, напечатанные в источнике: Deut.6.4; 1Cor.8.4; 1Cor.8.6; 1Thess.1.9; Jer.10.10; Job.11.7-Job.11.9; Job.26.14; John.4.24; 1Tim.1.17; Deut.4.15-Deut.4.16; Luke.24.39; Acts.14.11; Acts.14.15; Jas.1.17; Mal.3.6; 1Kgs.8.27; Jer.23.23-Jer.23.24; Ps.90.2; Ps.145.3; Gen.17.1; Rev.4.8; Rom.16.27; Isa.6.3; Ps.115.3; Exod.3.14; Eph.1.11; Prov.16.4; Rom.11.36; 1John.4.8; 1John.4.16; Exod.34.6-Exod.34.7; Heb.11.6; Neh.9.32-Neh.9.33; Ps.5.5-Ps.5.6; Nah.1.2-Nah.1.3; Exod.34.7

Omnem vitam, omnem gloriam, bonitatem, beatitudinemque omnem in sese habet et a seipso Deus; qui solus in se sibique est ad omnia sufficiens; creaturarum, quas ipse condidit, nullius egens, nec gloriam ab eis derivans ullam, verum in iis, per eas, iis ipsis, ac super eas propriam ipsius gloriam tantummodo manifestans. Is omnis entitatis fans est unicus, a quo, per quem et ad quem omnia; summumque in ea dominium habet, ac per illa, pro illis, in illa pro suo arbitrio quidlibet agendi potestatem. In conspectu ejus aperta sunt omnia ac manifesta; scientia ejus infinita est, infallibilis, atque a creatura independens, adeo ut illi contingens incertumve nihil sit; in omnibus ejus consiliis, operibus et mandatis est sanctissimus. Quicquid cultus, quicquid officii, quicquid obsequii ab Angelis illi, ab hominibus, aut a quavis creatura exigere placet, id illi omne jure optimo debetur.
Ссылки на Писание, напечатанные в источнике

Ссылки на Писание, напечатанные в источнике: John.5.26; Acts.7.2; Ps.119.68; 1Tim.6.15; Rom.9.5; Acts.17.24-Acts.17.25; Job.22.2; Job.22.23; Rom.11.36; Rev.4.11; Dan.4.25; Dan.4.35; Heb.4.13; Rom.11.33-Rom.11.34; Ps.147.5; Acts.15.18; Ezek.11.5; Ps.145.17; Rom.7.12; Rev.5.12-Rev.5.14

In Deitatis unitate personæ tres sunt unius ejusdemque essentiæ, potential ac æternitatis; Deus Pater, Deus Filius, ac Deus Spiritus Sanctus. Pater quidem a nullo est, nec genitus nempe nec procedens: Filius autem a Patre est æterne genitus: Spiritus autem Sanctus æterne procedens a Patre Filioque.
Ссылки на Писание, напечатанные в источнике

Ссылки на Писание, напечатанные в источнике: 1John.5.7; Matt.3.16-Matt.3.17; Matt.28.19; 2Cor.13.14; John.1.14; John.1.18; John.15.26; Gal.4.6

Источник и условия: Вестминстерское исповедание веры, латинский перевод 1656 г. · общественное достояние · The Westminster Confession of Faith, Latin translation (Cambridge 1656). In: Philip Schaff, The Creeds of Christendom, vol. 3 (Harper 1877; 4th ed. rev. D. S. Schaff 1919). Digital text: Christian Classics Ethereal Library ThML edition (ccel.org/ccel/schaff/creeds3, Rights: Public Domain). · условия

Закладки, заметки и место чтения хранятся только в этом браузере.