εν εκεινω τω καιρω ηκουσεν ηρωδης ο τετραρχης την ακοην ιυ
και ειπεν τοις παισιν αυτου ουτος εστι ιωαννης ο βαπτιστης αυτος ηγερθη απο των νεκρων και δια τουτο αι δυναμεις ενεργουσιν εν αυτω ·
ο γαρ ηρωδης κρατησας τον ιωαννην εδησεν αυτον και εθετο εν φυλακη δια ηρωιαδα την γυναικα φιλιππου του αδελφου αυτου ·
ελεγεν γαρ αυτω ο ιωαννης ουκ εξεστιν σοι εχειν αυτην
και θελων αυτον αποκτειναι εφοβηθη τον οχλον οτι ως προφητην αυτον ειχον
γενεσιων δε αγομενων του ηρωδου ωρχησατο η θυγατηρ ηρωδιαδος εν τω μεσω και ηρεσεν τω ηρωδη
οθεν μεθ ορκου ωμολογησεν δουναι αυτη ο εαν αιτησηται ·
η δε προβιβασθεισα υπο της μητρος αυτης ειπεν δος μοι φησιν ωδε επι πινακει την κεφαλην ιωαννου του βαπτιστου
και ελυπηθη ο βασιλευς δια δε τους ορκους και τους συνανακειμενους εκελευσεν δοθηναι
και πεμψας απεκεφαλισεν τον ιωαννην εν τη φυλακη
και ηνεχθη η κεφαλη αυτου επι πινακει και εδοθη τω κορασιω και ηνεγκεν τη μητρι αυτης
και προσελθοντες οι μαθηται αυτου ηραν το σωμα και εθαψαν αυτο · και ελθοντες απηγγειλαν τω ιυ ·
και ακουσας ο ις ανεχωρησεν εκειθεν εν πλοιω εις ερημον τοπον κατ ιδιαν και ακουσαντες οι οχλοι ηκολουθησαν αυτω πεζη απο των πολεων
και εξελθων ο ις ιδεν πολυν οχλον και εσπλαγχνισθη επ αυτοις και εθεραπευσεν τους αρρωστους αυτων
οψιας δε γενομενης προσηλθον αυτω οι μαθηται αυτου λεγοντες ερημος εστιν ο τοπος και η ωρα ηδη παρηλθεν απολυσον τους οχλους ινα απελθοντες εις τας κωμας αγορασωσιν εαυτοις βρωματα ·
ο δε ις ειπεν αυτοις ου χρειαν εχουσιν απελθειν δοτε αυτοις υμεις φαγειν
οι δε λεγουσιν αυτω ουκ εχομεν ωδε ει μη πεντε αρτους και δυο ιχθυας
ο δε ειπεν φερεται μοι αυτους ωδε
και κελευσας τους οχλους ανακλιθηναι επι του χορτου και λαβων τους πεντε αρτους και τους δυο ιχθυας αναβλεψας εις τον ουρανον ηυλογησεν · και κλασας εδωκεν τοις μαθηταις τους αρτους οι δε μαθηται τοις οχλοις
και εφαγον παντες και εχορτασθησαν και ηραν το περισσευον των κλασματων δωδεκα κοφινους πληρεις
οι δε εσθιοντες ησαν ανδρες πεντακισχειλιοι χωρις γυναικων και παιδιων ·
και ευθεως ηναγκασεν τους μαθητας ενβηναι εις το πλοιον και προαγειν αυτον εις το περαν εως ου απολυση τους οχλους ·
και απολυσας τους οχλους ανεβη εις το ορος κατ ειδιαν προσευξασθαι οψειας δε γενομενης μονος ην εκει ·
το δε πλοιον ηδη μεσον της θαλασσης ην βασανιζομενον υπο των κυματων · ην γαρ εναντιος ο ανεμος
τεταρτη ουν φυλακη της νυκτος απηλθεν προς αυτους περιπατων επι την θαλασσαν
και ιδοντες αυτον οι μαθηται επι την θαλασσαν περιπατουντα εταραχθησαν λεγοντες οτι φαντασμα εστιν · και απο του φοβου εκραξαν
ευθεως δε ελαλησεν αυτοις ο ις λεγων θαρσειται εγω ειμει μη φοβισθαι
αποκριθεις δε αυτω ο πετρος ειπεν κε ει συ ει κελευσον με ελθειν προς σε επι τα υδατα ·
ο δε ειπεν ελθε και καταβας απο του πλοιου ο πετρος περιεπατησεν επι τα υδατα ελθειν προς τον ιν
βλεπων δε τον ανεμον ισχυρον σφοδρα εφοβηθη ελθειν και αρξαμενος καταποντιζεσθαι εκραξεν λεγων κε σωσον με
ευθεως δε ο ις εκτινας την χειρα επελαβετο αυτου και λεγει αυτω ολιγοπιστε εις τι εδιστασας
και ενβαντων αυτων εις το πλοιον εκοπασεν ο ανεμος
οι δε εν τω πλοιω ελθοντες προσεκυνησαν αυτω λεγοντες αληθως θυ υιος ει
και διαπερασαντες ηλθον επι την γην εις γεννησαρετ
και επιγνοντες αυτον οι ανδρες του τοπου εκεινου απεστιλον εις ολην την περιχωρον εκεινην και προσηνεγκαν αυτω παντας τους κακως εχοντας
και παρεκαλουν αυτον ινα μονον αψωνται του κρασπεδου του ιματιου αυτου και οσοι ηψαντο διελωθησαν ·