Перейти к содержанию

Luke · 2

Вид текста

Размер шрифта: 19px

Перейти к месту
То же место в другом издании

Опорное место: Luke.2.1

Сравнить рядом

Нажмите на номер или текст фрагмента, чтобы выбрать его.

εγενετο δε εν ταις ημεραις εκειναις εξηλθεν δογμα παρα καισαρος αυγουστου του απογραφεσθαι πασαν την οικουμενην ·
αυτη η απογραφη πρωτη εγενετο ηγεμονευοντος της συριας κυρινου ·
και επορευοντο παντες απογραφεσθαι εκαστος εις την εαυτου πολιν
ανεβη δε και ιωσηφ απο της γαλιλαιας εκ πολεως ναζαρετ εις την ιουδαιαν εις πολιν δαυειδ ητις καλειται βηθλεεμ δια το ειναι αυτον εξ οικου και πατριας δαυειδ
απογραφεσθαι συν μαριαμ τη εμνηστευμενη αυτω ουση ενκυω ·
εγενετο δε εν τω ειναι αυτους εκει επλησθησαν αι ημεραι του τεκειν αυτην
και ετεκεν τον υιον αυτης και εσπαργανωσεν αυτον και ανεκλινεν αυτον εν φατνη · διοτι ουκ ην αυτοις τοπος εν τω καταλυματι
και ποιμενες ησαν εν τη χωρα τη αυτη αγραυλουντες και φυλασσοντες φυλακας της νυκτος επι την ποιμνην αυτων
και αγγελος κυ επεστη αυτοις και δοξα κυ περιελαμψεν αυτους και εφοβηθησαν φοβον μεγαν σφοδρα ·
και ειπεν αυτοις ο αγγελος μη φοβεισθαι · ιδου γαρ ευαγγελιζομαι υμιν χαραν μεγαλην ητις εσται παντι τω λαω ·
οτι ετεχθη υμιν σημερον σωτηρ ος εστιν κς χς εν πολει δαυειδ
και τουτο υμιν το σημιον · ευρησεται βρεφος εσπαργανωμενον και κειμενον εν φατνη ·
και εξεφνης εγενετο συν τω αγγελω πληθος στρατιας ουρανιου αινουντων τον θν και λεγοντων
δοξα εν υψιστοις θω και επι γης ειρηνη εν ανοις ευδοκειας ·
και εγενετο ως απηλθον απ αυτων εις τον ουρανον οι αγγελοι οι ποιμενες ελαλουν προς αλληλους · διελθωμεν δη εως βηθλεεμ και ιδωμεν το ρημα τουτο το γεγονος ο ο κς εγνωρισεν ημιν ·
και ηλθαν σπευσαντες και ευρον την τε μαριαμ και τον ιωσηφ και το βρεφος κειμενον εν τη φατνη ·
ιδοντες δε εγνωρισαν περι του ρηματος του λαληθεντος αυτοις περι του παιδιου τουτου ·
και παντες οι ακουσαντες εθαυμασαν περι των λαληθεντων υπο των ποιμενων προς αυτους ·
η δε μαριαμ παντα συνετηρει τα ρηματα ταυτα συνβαλλουσα εν τη καρδια αυτης
και υπεστρεψαν οι ποιμενες δοξαζοντες και αινουντες τον θν επι πασιν οις ηκουσαν και ιδον καθως ελαληθη προς αυτους ·
και οτε επλησθησαν ημεραι οκτω του περιτεμιν αυτον · και εκληθη το ονομα αυτου ις το κληθεν υπο του αγγελου προ του συνλημφθηναι αυτον εν τη κοιλια ·
και οτε επλησθησαν αι ημεραι του καθαρισμου αυτων κατα τον νομον μωυσεως ανηγαγον αυτον εις ιεροσολυμα παραστησαι τω κω
καθως γεγραπται εν νομω κυ · οτι παν αρσεν διανοιγον μητραν αγιον τω κω κληθησεται
και του δουναι θυσιαν κατα το ειρημενον εν τω νομω κυ · ζευγος τρυγονων · η δυο νοσσους περιστερων ·
και ιδου ανθρωπος ην εν ιερουσαλημ ω ονομα συμεων και ο ανθρωπος ουτος δικαιος και ευλαβης προσδεχομενος παρακλησιν του ισραηλ και πνα ην αγιον επ αυτον
και ην αυτω κεχρηματισμενον υπο του πνς του αγιου μη ιδιν θανατον πριν ειδη χν κυ
και ηλθεν εν τω πνι εις το ιερον και εν τω εισαγειν τους γονεις το παιδιον ιν του ποιησαι αυτους κατα το ειθεισμενον του νομου περι αυτου
και αυτος εδεξατο αυτο εις τας ανκαλας και ηυλογησεν τον θν και ειπεν
νυν απολυεις τον δουλον σου δεσποτα κατα το ρημα σου εν ειρηνη ·
οτι ειδον οι οφθαλμοι μου το σωτηριον σου
ο ητοιμασας κατα προσωπον παντων των λαων
φως εις αποκαλυψιν εθνων και δοξαν λαου σου ισραηλ
και ην ο πατηρ αυτου και η μητηρ θαυμαζοντες επι τοις λαλουμενοις περι αυτου ·
και ηυλογησεν αυτους συμεων και ειπεν προς μαριαμ την μρα αυτου · ιδου ουτος κειται εις πτωσιν και αναστασιν πολλων εν τω ισραηλ και εις σημιον αντιλεγομενον
και σου αυτης την ψυχην διελευσεται ρομφαια · οπως αν αποκαλυφθωσιν εκ πολλων καρδιων διαλογισμοι ·
και ην αννα προφητις θυγατηρ φανουηλ εκ φυλης ασηρ αυτη προβεβηκυια εν ημεραις πολλαις · ζησασα μετα ανδρος ετη ζ απο της παρθενιας αυτης ·
και ην αυτη χηρα ως ετων πδ η ουκ αφιστατο του ιερου νηστιαις τε και δεησεσιν λατρευουσα νυκτα και ημεραν
και αυτη τη ωρα επιστασα ανθωμολογειτο τω θω και ελαλει περι αυτου πασι τοις προσδεχομενοις λυτρωσιν ιερουσαλημ
και ως ετελεσαν παντα τα κατα τον νομον κυ επεστρεψαν εις την γαλιλαιαν εις πολιν εαυτων ναζαρετ ·
το δε παιδιον ηυξανεν και εκραταιουτο πληρουμενον σοφια και χαρις θυ ην επ αυτο ·
και επορευοντο οι γονεις αυτου καθ ετος εις ιερουσαλημ τη εορτη του πασχα ·
και οτε εγενετο ετων δεκαδυο αναβαινοντων αυτων κατα το εθος της εορτης
και τελιωσαντων τας ημερας εν τω υποστρεφειν αυτους υπεμεινεν ις ο παις εν ιερουσαλημ και ουκ εγνωσαν οι γονεις αυτου ·
νομισαντες δε αυτον ειναι εν τη συνοδια ηλθον ημερας οδον · και ανεζητουν αυτον εν τοις συγγενευσιν και τοις γνωστοις ·
και μη ευροντες υπεστρεψαν εις ιερουσαλημ αναζητουντες αυτον ·
και εγενετο μετα ημερας τρις ευρον αυτον εν τω ιερω καθεζομενον εν μεσω των διδασκαλων και ακουοντα αυτων · και επερωτωντα αυτους
εξισταντο δε παντες επι τη συνεσει και ταις αποκρισεσιν αυτου ·
και ειδοντες αυτον εξεπλαγησαν · και ειπεν προς αυτον η μητηρ αυτου τεκνον τι εποιησας ημιν ουτως ιδου ο πατηρ σου καγω οδυνουμενοι εζητουμεν σε ·
και ειπεν προς αυτους τι οτι ζητειτε με ουκ οιδατε οτι εν τοις του πατρος δει με ειναι
και αυτοι ου συνηκαν το ρημα ο ελαλησεν αυτοις
και κατεβη μετ αυτων και ηλθεν εις ναζαρετ και ην υποτασσομενος αυτοις · και η μητηρ αυτου ετηρει παντα τα ρηματα εν τη καρδια αυτης
και ο ις προεκοπτεν τη σοφια και ηλικια και χαριτι παρα θω και ανθρωποις ·

Источник и условия: Кодекс Вашингтона (W, 032): транскрипция INTF NT.VMR · CC BY 4.0 · INTF NT.VMR transcription of Codex Washingtonianus (W, 032) (docID 20032), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · условия · источник

Закладки, заметки и место чтения хранятся только в этом браузере.