Skip to content

Acts · 8

Read online only. © Codex Sinaiticus Project (www.codexsinaiticus.org). Download and printing are not available.

Read online only. © Codex Sinaiticus Project (www.codexsinaiticus.org). Download and printing are not available.

Text display

Font size: 19px

Go to a reference
Same place in another edition

Anchor: Acts.8.1

Side by side

Tap a number or a passage to select it.

ϲαυλοϲ δε ην ϲυνευδοκω̅ τη αναιρεϲι αυτου εγενετο δε εν εκινη τη ημερα διωγμοϲ μεγαϲ επι την εκκληϲιαν την εν ϊεροϲολυμοιϲ παντεϲ διεϲπαρηϲαν κατα ταϲ χωραϲ τηϲ ϊουδαιαϲ και ϲαμαριαϲ πλην των αποϲτολων ·
Notes in the source · 1
  • correction by ca: (nothing) → κ(αι)
ϲυνεκομιϲαν δε τον ϲτεφανον ανδρεϲ ευλαβειϲ και εποιηϲαν κοπετον μεγαν επ αυτω ·
ϲαυλοϲ δε ελυμαινετο την εκκληϲιαν κατα τουϲ οικουϲ ειϲπορευομενοϲ ϲυρων τε τουϲ ανδραϲ και γυναικαϲ παρεδιδου ειϲ φυλακην
Notes in the source · 1
  • correction by ca: τουϲ → (omitted)
οι μεν ουν διαϲπαρεντεϲ ηλθον ευαγγελιζομενοι τον λογον ˙
Notes in the source · 1
  • correction by ca: ηλθον → διηλθον
φιλιπποϲ δε κατελθω̅ ειϲ την πολιν τηϲ καιϲαριαϲ εκηρυϲϲεν αυτοιϲ τον χ̅ν̅ ·
Notes in the source · 1
  • correction by ca: καιϲαριαϲ → ϲαμαριαϲ
προϲειχον δε οι οχλοι τοιϲ λεγομενοιϲ ϋπο του φιλιππου ομοθυμαδον ε̅ τω ακουειν αυτου και βλεπιν τα ϲημια α εποιει
Notes in the source · 1
  • correction by ca: αυτου → αυτουϲ
πολλοι γαρ των εχοντων π̅ν̅ατα ακαθαρτα βοωντα φωνη μεγαλη εξηρχοντο πολλοι δε παραλελυμενοι και χωλοι εθεραπευθηϲαν
εγενετο δε πολλη χαρα εν τη πολι εκεινη ·
ανηρ δε τιϲ ονοματι ϲιμων προϋπηρχεν εν τη πολι μαγευων και εξϊϲτανων το εθνοϲ τηϲ ϲαμαριαϲ λεγων ειναι τινα εαυτον μεγαν ˙
ὡ προϲειχαν παντεϲ απο μικρου εωϲ μεγαλου λεγοντεϲ ουτοϲ εϲτιν η δυναμιϲ του θ̅υ̅ η καλουμενη μεγαλη ˙
προϲειχον δε αυτω δια το ϊκανω χρονω ταιϲ μαγιαιϲ εξεϲτακεναι αυτουϲ .
οτε δε επιϲτευϲαν του φιλιππου ευαγγελιζομενου περι τηϲ βαϲιλιαϲ του κ̅υ̅ και του ονοματοϲ ι̅υ̅ χ̅υ̅ εβαπτιζοντο ανδρεϲ τε και γυναικεϲ
Notes in the source · 2
  • correction by ca: του φιλιππου ευαγγελιζομενου → τω φιλιππω ευαγγελιζομενω
  • correction by ca: κ̅υ̅ → θ̅υ̅
ο δε ϲιμων και αυτοϲ επιϲτευϲε̅ και βαπτιϲθειϲ η̅ προϲκαρτερων τω φιλιππω θεορων τε ϲημια και δυναμιϲ μεγαλαϲ γεινομεναϲ εξϊϲταντο
Notes in the source · 1
  • correction by ca: εξϊϲταντο → εξϊϲτατο
ακουϲαντεϲ δε οι εν ϊεροϲολυμοιϲ αποϲτολοι οτι δεδεκται η ϲαμαρια τον λογον του χ̅υ̅ απεϲτιλαν προϲ αυτουϲ πετρον και ϊωαννην
Notes in the source · 1
  • correction by ca: χ̅υ̅ → θ̅υ̅
οιτινεϲ καταβαντεϲ προϲηυ̅ξαντο περι αυτων οπωϲ λαβωϲιν π̅ν̅α αγιον
ουδεπω γαρ η̅ επ ουδενι αυτω̅ επιπεπτωκοϲ μονον δε εβαπτιϲμενοι υ̅πηρχο̅ ειϲ το ονομα του κ̅υ̅ ι̅υ̅ ·
Notes in the source · 1
  • correction by ca: εβαπτιϲμενοι → βεβαπτιϲμενοι
τοτε επετιθεϲαν ταϲ χιραϲ επ αυτουϲ και ελαμβανον πν̅α αγιο̅
ϊδων δε ο ϲιμων οτι δια τηϲ επιθεϲεωϲ των χιρω̅ των αποϲτολω̅ διδοται το π̅ν̅α προϲηνεγκεν αυτοιϲ χρηματα
λεγων δοτε καμοι την εξουϲια̅ ταυτην ϊνα ω εα̅ επιθω ταϲ χιραϲ λαμβανη π̅ν̅α αγιον ˙
πετροϲ δε ειπεν προϲ αυτουϲ το αργυριον ϲου ϲυν ϲοι ειη ειϲ απωλιαν οτι την δωρεαν του θ̅υ̅ ενομιϲαϲ δια χρηματων κταϲθαι
Notes in the source · 1
  • correction by ca: αυτουϲ → αυτον
ουκ εϲτιν ϲοι μεριϲ ουδε κληροϲ εν τω λογω τουτω η γαρ καρδια ϲου ουκ εϲτιν ευθια εναντι του θ̅υ̅ ·
μετανοηϲον ου̅ απο τηϲ κακιαϲ ϲου ταυτηϲ και δεηθητι του κ̅υ̅ ει αρα αφεθηϲεται ϲοι η επινοια τηϲ καρδιαϲ ϲου
ειϲ γαρ χολην πικριαϲ και ϲυ̅δεϲμον αδικιαϲ ορω ϲε οντα ·
αποκριθειϲ δε ο ϲιμων ειπεν δεηθηται ϋμιϲ ϋπερ εμου προϲ τον κ̅ν̅ οπωϲ μηδεν επελθη επ εμε ων ειρηκατε
οι μεν ουν διαμαρτυρομενοι και λαληϲαντεϲ τον λογον του κ̅υ̅ ϋπεϲτρεφον ειϲ ϊεροϲολυμα πολλαϲ τε κωμαϲ των ϲαμαριτων ευηγγελιζοντο
αγγελοϲ δε κ̅υ̅ ελαληϲεν προϲ φιλιππο̅ λεγων αναϲτηθι και πορευου κατα μεϲημβριαν επι την οδον την καλουμενην καταβαινουϲαν απο ϊερουϲαλημ ειϲ γαζαν αυτη εϲτιν ερημοϲ
Notes in the source · 1
  • correction by ca: καλουμενην → (omitted)
και αναϲταϲ επορευθη · και ϊδου ανηρ αιθιοψʼ ευνουχοϲ δυναϲτηϲ κανδακηϲ βαϲιλιϲϲηϲ αιθιοπων οϲ ην επι παϲηϲ τηϲ γαζηϲ αυτηϲ · εληλυθει προϲκυνηϲων ειϲ ϊερουϲαλημʼ
Notes in the source · 1
  • correction by ca: (nothing) → οϲ
ην τε υ̅ποϲτρεφων και καθημενοϲ επι του αρματοϲ αυτου ανεγινωϲκεν το̅ προφητην ηϲαιαν ·
Notes in the source · 1
  • correction by ca: (nothing) → και
ειπεν δε το πν̅α τω φιλιππω προϲελθε και κολληθητι τω αρματι τουτω
προϲδραμων δε ο φιλιπποϲ ηκουϲεν αυτου αναγινωϲκο̅τοϲ ηϲαϊαν τον προφητην και ειπεν αρα γε γινωϲκειϲ α αναγινωϲκειϲ ˙
ο δε ειπεν πωϲ γαρ αν δυναιμην εαν μη τιϲ οδηγηϲει με · παρεκαλεϲεν τε τον φιλιππον αναβαντα καθιϲε ϲυν αυτω ˙
η δε περιοχη τηϲ γραφηϲ ην ανεγινωϲκε̅ ην αυτη ˙ ωϲ προβατον επι ϲφαγην ηχθη και ωϲ αμνοϲ εναντιον του κιραντοϲ αυτον αφωνοϲ ουτωϲ ουκ ανυγει το ϲτομα αυτου
εν τη ταπινωϲει η κριϲιϲ αυτου ηρθη · την γενεαν αυτου τιϲ διηγηϲεται οτι αιρεται απο τηϲ γηϲ η ζωη αυτου
αποκριθειϲ δε ο ευνουχοϲ τω φιλιππω ειπεν · δεομαι ϲου περι τινοϲ ο προφητηϲ λεγει τουτο περι εαυτου η περι ετερου τινοϲ
ανοιξαϲ δε ο φιλιπποϲ το ϲτομα αυτου και αρξαμενοϲ απο τηϲ γραφηϲ ταυτηϲ και ευηγγελιϲατο αυτω τον ι̅ν̅ ·
Notes in the source · 1
  • correction by ca: και → (omitted)
ωϲ δε επορευοντο κατα την οδον ηλθον επι τι υ̅δωρ και φηϲιν ο ευνουχοϲ ϊδου ϊδωρ τι κωλυει με βαπτιϲθηναι
Notes in the source · 1
  • correction by ca: ϊδωρ → υδωρ
και εκελευϲεν ϲτηναι το αρμα και κατεβηϲαν αμφοτεροι ειϲ το ϋδωρ ο τε φιλιπποϲ και ο ευνουχοϲ και εβαπτιϲεν αυτον ·
οτε δε ανεβηϲαν εκ του υ̅δατοϲ πν̅α κ̅υ̅ ηρπαϲεν τον φιλιππον και ουκ ειδεν αυτον ˙ ουκετι ο ευνουχοϲ επορευετο γαρ την οδον αυτου χαιρω̅
φιλιπποϲ δε ευρεθη ειϲ αζωτον και διερχομενοϲ ευηγγελιζετο ταϲ πολιϲ παϲαϲ εωϲ του ελθιν αυτον ειϲ καιϲαριαν ·

Source and terms: Codex Sinaiticus (א, 01): transcription of the Codex Sinaiticus Project · non-commercial use with attribution · Codex Sinaiticus Project (www.codexsinaiticus.org), "A Transcription of the Codex Sinaiticus", version 1.04 (25.3.2014); transcription: D.C. Parker, Amy Myshrall, T.A.E. Brown with members of the INTF Münster; Rachel Kevern; XML: H.A.G. Houghton; sponsor: Institute for Textual Scholarship and Electronic Editing, University of Birmingham; funded by the AHRC. Licensed Creative Commons Attribution-NonCommercial-ShareAlike 3.0 Unported. Changed: converted from XML to verse units of plain text; marginalia, layout marks and corrector readings are not in the text (corrections are listed in the notes). · terms · source

Versemora uses this text for research and comparison; it is not distributed as literature, commercially or otherwise. The source and terms of use are given below.

Bookmarks, notes and the reading position are stored only in this browser.