Skip to content

Acts · 10

Read online only. © Codex Sinaiticus Project (www.codexsinaiticus.org). Download and printing are not available.

Read online only. © Codex Sinaiticus Project (www.codexsinaiticus.org). Download and printing are not available.

Text display

Font size: 19px

Go to a reference
Same place in another edition

Anchor: Acts.10.1

Side by side

Tap a number or a passage to select it.

ανηρ δε τιϲ εν καιϲαρια ονοματι κορνηλιοϲ εκατο̅ταρχηϲ εκ ϲπειρηϲ τηϲ καλουμενηϲ ϊταλικηϲ
ευϲεβηϲ και φοβουμενοϲ τον θ̅ν̅ ϲυν παντι τω οικω αυτου ποιων ελεημοϲυναϲ πολλαϲ τω λαω και δεομενοϲ του θ̅υ̅ δια πα̅τοϲ
ωεδεν οραματι φανερωϲ ωϲ περι ωραν ενατην τηϲ ημεραϲ αγγελον του θ̅υ̅ ειϲελθοντα προϲ αυτον και ειποντα αυτω κορνηλιε
Notes in the source · 3
  • correction by S1: ωεδεν → εδεν
  • correction by ca: ωεδεν → ειδεν
  • correction by ca: ωϲ → ωϲει
ο δε ατενιϲαϲ αυτω και εμφοβοϲ γενομενοϲ ειπε̅ τι εϲτιν κ̅ε̅ ˙ ειπεν δε αυτω αι προϲευχαι ϲου και αι ελεημοϲυναι ϲου ανεβηϲαν εμπροϲθεν του θ̅υ̅ ·
Notes in the source · 1
  • correction by ca: (nothing) → ειϲ μνημοϲυνον [marginal, Acts 10:4]
και νυν πεμψον ανδραϲ ειϲ ϊοππην και μεταπεμψαι ϲιμωνα οϲ επικαλειται πετροϲ
ουτοϲ ξενιζεται παρα τινι ϲιμωνι βυρϲει ω εϲτιν οικια παρα θαλαϲϲαν
ωϲ δε απηλθεν ο αγγελοϲ ο λαλων αυτω φωνηϲαϲ δυο των οικετω̅ και ϲτρατιωτην ευϲεβη των προϲκαρτερουντων αυτω
και εξηγηϲαμενοϲ απαντα αυτοιϲ απεϲτιλεν αυτουϲ ειϲ την ϊοππην
τη δε επαυριον οδοιπορουντων αυτων και τη πολει εγγιζοντων ανεβη πετροϲ επι το δωμα προϲευξαϲθε περι ωραν εκτην
Notes in the source · 1
  • correction by ca: εκτην → ενατην
εγενετο δε προϲπινοϲ και ηθελεν γευϲαϲθε παραϲκευαζοντω̅ δε αυτων εγενετο επ αυτον εκϲταϲιϲ
και θεωρι τον ουρανον ανεωγμενον και καταβαινο̅ ϲκευοϲ τι ωϲ οθονην μεγαλην τεϲϲαρϲιν αρχαιϲ καθιεμενον επι τηϲ γηϲ
εν ω ϋπηρχεν πα̅τα τα τετραποδα και ερπετα τηϲ γηϲ και πετινα του ουρανου
και εγενετο φωνη προϲ αυτον αναϲταϲ πετρε θυϲον και φαγε
ο δε πετροϲ ειπε̅ μηδαμωϲ κ̅ε̅ οτι ουδεποτε εφαγο̅ παν κοινον και ακαθαρτον ·
και φωνη παλιν εκ δευτερου προϲ αυτον α ο θ̅ϲ̅ εκαθαριϲεν ϲυ μη κοινου
τουτο δε εγενετο επι τρειϲ και ευθυϲ ανελημφθη το ϲκευοϲ ειϲ τον ουρανο̅
ωϲ δε εν εαυτω διηπορει ο πετροϲ τι αν ειη το οραμα ο ειδεν · ϊδου οι ανδρεϲ οι απεϲταλμενοι ϋπο του κορνηλιου διερωτηϲαντεϲ την οικιαν του ϲιμωνοϲ επεϲτηϲαν επι τον πυλωνα
και φωνηϲαντεϲ επυνθανοντο ει ϲιμων ο επικαλουμενοϲ πετροϲ ενθαδε ξενιζεται
του δε πετρου διενθυμενου περι του οραματοϲ ειπεν το πν̅α̅ αυτω ϊδου ανδρεϲ τριϲ ζητου̅τεϲ ϲε
αλλα αναϲταϲ καταβηθι και πορευου ϲυν αυτοιϲ μηδεν διακρινομενοϲ οτι εγω απεϲταλκα αυτουϲ
καταβαϲ δε πετροϲ προϲ τουϲ ανδραϲ ειπεν ϊδου εγω ειμι ον ζητειτε τιϲ η αιτια δι ην παρεϲτε
οι δε ειπαν · κορνηλιοϲ εκατο̅ταρχηϲ ανηρ δικαιοϲ και φοβουμενοϲ τον θ̅ν̅ μαρτυρουμενοϲ τε ϋπο ολου του εθνουϲ τω̅ ϊουδαιων εχρηματιϲθη ϋπο αγγελου αγιου μεταπεμψαϲθαι ϲε ειϲ τον οικον αυτου και ακουϲαι ρηματα παρα ϲου
ειϲκαλεϲαμενοϲ ου̅ αυτουϲ εξενιϲεν τη δε επαυριον αναϲταϲ εξηλθεν ϲυν αυτοιϲ και τινεϲ των αδελφω̅ των απο ϊοππηϲ ϲυνηλθον αυτω
τη δε επαυριον ειϲηλθαν ειϲ την κεϲαριαν ο δε κορνηλιοϲ ην προϲδοκων αυτουϲ ϲυνκαλεϲαμενοϲ τουϲ ϲυγγενειϲ αυτου και τουϲ αναγκαιουϲ φιλουϲ
ωϲ δε εγενετο του ειϲελθιν τον πετρο̅ ϲυναντηϲαϲ αυτω ο κορνηλιοϲ πεϲων επι τουϲ ποδαϲ προϲεκυνηϲε̅
ο δε πετροϲ ηγειρεν αυτον λεγων αναϲτηθι και εγω αυτοϲ ανθρωποϲ ειμι
και ϲυνομιλων αυτω ειϲηλθεν και ευριϲκει ϲυνεληλυθοταϲ πολλουϲ
εφη τε προϲ αυτουϲ ˙ ϋμιϲ επιϲταϲθαι ωϲ αθεμιτον εϲτιν ανδρι ϊουδαιω κολλαϲθαι η προϲερχεϲθαι αλλοφυλω καμοι εδιξεν ο θ̅ϲ̅ μηδενα κοινον η ακαθαρτον λεγειν ανθρωπον ·
διο και αναντιρρητωϲ ηλθον μεταπεμφθειϲ πυνθανομε ουν τινι λογω μετεπεμψαϲθαι με ·
και ο κορνηλιοϲ εφη απο τεταρτηϲ ημεραϲ μεχρι ταυτηϲ τηϲ ωραϲ ημην τη̅ ενατην προϲευχομενοϲ εν τω οικω μου και ιδου ανηρ εϲτη ενωπιον εμου εν εϲθητι λαμπρα
και φηϲι̅ κορνηλιε ειϲηκουϲθη ϲου η προϲευχη και αι ελεημοϲυναι ϲου εμνηϲθηϲαν ενωπιο̅ του θ̅υ̅ ·
πεμψον ουν ειϲ ϊοππην και μετακαλεϲαι ϲιμωνα οϲ επικαλειται πετροϲ ουτοϲ ξενιζεται εν οικια ϲιμωνοϲ βυρϲεωϲ παρα θαλαϲϲαν
εξαυτηϲ ου̅ επεμψα προϲ ϲε ϲυ τε καλωϲ εποιηϲαϲ παραγενομενοϲ νυν ουν παντεϲ ημειϲ ενωπιον του θ̅υ̅ παρεϲμεν ακουϲαι παντα τα προϲτεταγμενα ϲοι υ̅πο του κ̅υ̅
Notes in the source · 1
  • correction by ca: υ̅πο → απο
ανοιξαϲ δε πετροϲ το ϲτομα ειπεν επ αληθειαϲ καταλαμβανομαι οτι ουκ εϲτιν προϲωπολημπτηϲ ο θ̅ϲ̅
Notes in the source · 1
  • correction by ca: (nothing) → αυτου
αλλ εν παντι εθνι ο φοβουμενοϲ αυτον και εργαζομενοϲ δικαιοϲυνην δεκτοϲ αυτω εϲτιν ·
τον λογον ον απεϲτιλεν τοιϲ ϋϊοιϲ ιϲ̅η̅λ ευαγγελιζομενοϲ ειρηνην δια ι̅υ̅ χ̅υ̅ ουτοϲ εϲτιν παντω̅ κ̅ϲ̅
Notes in the source · 1
  • correction by S1: ον → (omitted)
ϋμειϲ οιδατε το γενομενον ρημα καθ οληϲ τηϲ ϊουδαιαϲ αρξαμενοϲ απο τηϲ γαλιλαιαϲ μετα το βαπτιϲμα ο εκηρυξεν ϊωαννηϲ
ι̅ν̅ τον απο ναζαρεθʼ ωϲ εχριϲεν αυτον ο θ̅ϲ̅ πν̅ι αγιω και δυναμει ωϲ διηλθεν ευεργετων και ϊωμενοϲ πα̅ταϲ τουϲ καταδυναϲτευομενουϲ ϋπο του διαβολου οτι ο θ̅ϲ̅ ην μετ αυτου
Notes in the source · 1
  • correction by ca: ωϲ → οϲ
και ημιϲ μαρτυρεϲ παντων ω̅ εποιηϲεν εν τε τη χωρα των ϊουδαιων και εν ϊερουϲαλημʼ ον και ανιλαν κρεμαϲα̅τεϲ επι ξυλου
τουτο̅ ο θ̅ϲ̅ ηγειρεν εν τη τριτη ημερα και εδωκεν αυτον εμφανη γενεϲθαι
Notes in the source · 1
  • correction by ca: εν → (omitted)
ου παντι τω λαω αλλα μαρτυϲι τοιϲ προκεχιροτονημενοιϲ ϋπο του θ̅υ̅ ημιν οιτινεϲ ϲυνεφαγομεν κ(αι) ϲυνεπιομεν αυτω μετα το αναϲτηναι αυτον εκ νεκρω̅
και παρηγγιλεν ημιν κηρυξαι τω λαω και διαμαρτυραϲθαι οτι αυτοϲ εϲτιν ο ωριϲμενοϲ ϋπο του θ̅υ̅ κριτηϲ ζωντων και νεκρων
τουτω παντεϲ οι προφηται μαρτυρουϲιν αφεϲιν αμαρτιων λαβιν δια του ονοματοϲ αυτου παντα τον πιϲτευοντα ειϲ αυτον +
ετι λαλουντοϲ του πετρου τα ρηματα ταυτα επεπεϲε το π̅ν̅α το αγιον επι πανταϲ τουϲ ακουονταϲ τον λογον
και εξεϲτηϲαν οι εκ περιτομηϲ πιϲτοι οϲοι ϲυνηλθα̅ τω πετρω οτι και επι τα εθνη η δωρεα του αγιου π̅ν̅ϲ εκκεχυται ·
ηκουον γαρ αυτων λαλου̅των γλωϲϲαιϲ και μεγαλυνοντων τον θ̅ν̅ · … τοτε απεκριθη πετροϲ
μητι το ϋδωρ δυναται κωλυϲαι τιϲ του μη βαπτιϲθηναι τουτουϲ οιτινεϲ το πν̅α̅ το αγιον ελαβον ωϲ και ημειϲ
προϲεταξεν δε αυτοιϲ εν τω ονοματι ι̅υ̅ χ̅υ̅ βαπτιϲθηναι · τοτε ηρωτηϲαν αυτον επιμειναι ημεραϲ τιναϲ

Source and terms: Codex Sinaiticus (א, 01): transcription of the Codex Sinaiticus Project · non-commercial use with attribution · Codex Sinaiticus Project (www.codexsinaiticus.org), "A Transcription of the Codex Sinaiticus", version 1.04 (25.3.2014); transcription: D.C. Parker, Amy Myshrall, T.A.E. Brown with members of the INTF Münster; Rachel Kevern; XML: H.A.G. Houghton; sponsor: Institute for Textual Scholarship and Electronic Editing, University of Birmingham; funded by the AHRC. Licensed Creative Commons Attribution-NonCommercial-ShareAlike 3.0 Unported. Changed: converted from XML to verse units of plain text; marginalia, layout marks and corrector readings are not in the text (corrections are listed in the notes). · terms · source

Versemora uses this text for research and comparison; it is not distributed as literature, commercially or otherwise. The source and terms of use are given below.

Bookmarks, notes and the reading position are stored only in this browser.