Перейти к содержанию

Matt · 22

Вид текста

Размер шрифта: 19px

Перейти к месту
То же место в другом издании

Опорное место: Matt.22.1

Сравнить рядом

Нажмите на номер или текст фрагмента, чтобы выбрать его.

και αποκριθεις ο ιης παλιν ειπεν εν παραβολαις αυτοις λεγων
ωμοιωθη η βασιλεια των ουρανων ανθρωπω βασιλει · οστις εποιησεν γαμους τω υιω αυτου ·
και απεστειλεν τους δουλους αυτου καλεσαι τους κεκλημενους · εις τους γαμους και ουκ ηθελον ελθειν
παλιν απεστειλεν αλλους δουλους λεγων ειπατε τοις κεκλημενοις ιδου το αριστον μου ητοιμακα οι ταυροι μου και τα σειτιστα τεθυμενα και παντα ετοιμα · δευτε εις τους γαμους
οι δε αμελησαντες απηλθον οι μεν εις τον ειδιον αγρον οι δε επι την εμπορειαν αυτων
οι δε λοιποι κρατησαντες τους δουλους αυτου υβρεισαν · και απεκτειναν
εκεινος ο βασιλευς · ακουσας ωργισθη και πεμψας το στρατευμα αυτου απωλεσεν τους φονεις εκεινους και την πολιν αυτων ενεπρησεν
τοτε λεγει τοις δουλοις αυτου ο μεν γαμος ετοιμος εστιν οι δε κεκλημενοι · ουκ ησαν αξιοι
πορευεσθαι ουν · επι τας διεξοδους των οδων και οσους αν ευρητε · καλεσατε εις τους γαμους
και εξελθοντες οι δουλοι αυτου εις τας οδους συνηγαγον παντας ους ευραν πονηρους τε και αγαθους και επλησθη ο γαμος · των ανακειμενων
εισελθων δε ο βασιλευς · θεασασθαι τους ανακειμενους ειδεν εκει ανθρωπον · μη ενδεδυμενον ενδυμα γαμου ·
και λεγει αυτω ετεραι · πως ηλθες ωδε μη εχων ενδυμα γαμου ος δε εφειμω̣θη
τοτε ειπεν ο βασιλευς · τοις διακονοις αρατε αυτον · ποδων και χειρων και βαλεται αυτον · εις το σκοτος το εξωτερον εκει εσται ο κλαυθμος και ο βρυγμος των οδοντων
πολλοι γαρ εισιν κλητοι · ολιγοι δε εκλεκτοι
τοτε πορευθεντες οι φαρισαιοι συνβουλιον ελαβον · πως αυτον παγιδευσωσιν εν λογω ·
και αποστελλουσιν προς αυτον τους μαθητας αυτων μετα των ηρωδιανων λεγοντες διδασκαλε οιδαμεν οτι αληθης ει · και την οδον του θυ επ αληθεια διδασκεις · και ου μελει σοι περι ουδενος ου γαρ βλεπεις εις προσωπον ανθρωπων
Примечания источника · 1
  • correction (not in the text): corrector1 (1)
τι σοι δοκει · εξεστιν δουναι κηνσον · καισαρι η ου ·
γνους δε ο ιης την πονηριαν αυτων ειπεν τι με πειραζεται υποκρειται
επιδειξατε μοι το νομισμα του κηνσου οι δε προσηνεγκαν αυτω δηναριον
λεγει αυτοις ο ιης τινος η εικων αυτη και η επιγραφη ·
λεγουσιν αυτω καισαρος τοτε λεγει αυτοις · αποδοτε τα καισαρος τω καισαρι και τα του θυ τω θω ·
και ακουσαντες εθαυμασαν και αφεντες αυτον απηλθαν
εν εκεινη τη ημερα · προσηλθον αυτω σαδδουκαιοι λεγοντες · μη ειναι αναστασιν και επηρωτησαν αυτον
λεγοντες διδασκαλε μωυσης ειπεν · εαν τις αποθανη μη εχων τεκνα · ινα επιγαμβρευσει ο αδελφος αυτου · και αναστησει σπερμα τω αδελφω αυτου
ησαν παρ ημειν επτα αδελφοι και ο πρωτος γαμησας ετελευτησεν και μη εχων σπερμα · αφηκεν την γυναικα αυτου τω αδελφω αυτου ·
ομοιως και ο δευτερος και ο τριτος · εως των επτα
υστερον δε παντων · απεθανεν και η γυνη
εν τη αναστασει ουν τινος εστε των επτα γυνη παντες γαρ εσχον αυτην
αποκρειθεις δε ο ιης ειπεν αυτοις · πλανασθαι μη ειδοτες τας γραφας · μηδε την δυναμιν του θυ
εν γαρ τη αναστασει ουτε γαμουσιν ουτε γαμειζονται αλλα ως αγγελοι εν ουρανω εισιν
περι δε της αναστασεως των νεκρων ουκ ανεγνωτε το ρηθεν υμειν υπο του θυ λεγοντος ·
εγω ειμι ο θς αβρααμ και ο θς ισακ · και ο θς ιακωβ ουκ εστιν θς νεκρων αλλα ζωντων
και ακουσαντες οι οχλοι εξεπλησσοντο επι τη διδαχη αυτου ·
οι δε φαρεισαιοι ακουσαντες οτι εφειμωσεν τους σαδδουκαιους συνηχθησαν επ αυτον
και επηρωτησεν εις εξ αυτων νομικος πειραζων αυτον και λεγων
διδασκαλε ποια εντολη εν τω νομω μεγαλη
εφη αυτω ιης αγαπησεις κν τον θν σου εν ολη τη καρδεια σου · και εν ολη τη ψυχη σου και εν ολη τη διανοια σου ·
αυτη εστιν μεγαλη και πρωτη εντολη
δευτερα δε ομοια ταυτη αγαπησεις τον πλησιον σου ως σεαυτον
εν ταυταις ταις δυσιν εντολαις ολος ο νομος κρεμαται και οι προφηται
συνηγμενων δε των φαρισαιων επηρωτησεν αυτους ο ιης
λεγων τι υμειν δοκει περι του χρυ · τινος υιος εστιν λεγουσιν αυτω του δαυειδ
λεγει αυτοις πως ουν δαυειδ εν πνι καλει αυτον κν λεγων
ειπεν κς τω κω μου · καθου εκ δεξιων μου εως αν θω τους εκθρους σου υποκατω των ποδων σου
ει ουν δαυειδ εν πνι καλει αυτον κν πως υιος αυτου εστιν ·
και ουδεις εδυνατο αποκρειθηναι αυτω λογον ουδε ετολμησεν τις · απ εκεινης της ωρας επερωτησε αυτον ουκετι ·

Источник и условия: Кодекс Безы (D, 05): транскрипция INTF NT.VMR · CC BY 4.0 · INTF NT.VMR transcription of Codex Bezae (D, 05) (docID 20005), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · условия · источник

Закладки, заметки и место чтения хранятся только в этом браузере.