Перейти к содержанию

Matt · 16

Вид текста

Размер шрифта: 19px

Перейти к месту
То же место в другом издании

Опорное место: Matt.16.1

Сравнить рядом

Нажмите на номер или текст фрагмента, чтобы выбрать его.

και προσελθοντες οι φαρισαιοι και σαδδουκαιοι πειραζοντες αυτον επηρωτησαν σημειον εκ του ουρανου επιδειξαι αυτοις
ο δε αποκριθεις ειπεν οψειας γενομενη̣ς λεγεται ευδεια πυρραζει γαρ ο ουρανος
και πρωει σημερον χειμων πυρραζει γαρ στυγναζων ο αηρ το μεν προσωπον του ουρανου γεινωσκεται διακρεινειν τα δε σημια των καιρων ου δυνασθαι
γενεα πονηρα ζητει σημιον και σημιαν ου δοθησεται αυτη ει μη το σημιον ιωνα και καταλιπων αυτους απηλθεν
Примечания источника · 1
  • correction (not in the text): corrector1 (1), corrector2 (1)
και ελθοντες εις το περαν επελαθοντο οι μαθηται αρτους λαβειν
ο δε ιης ειπεν αυτοις ορατε και προσεχετε απο της ζυμης των φαρισαιων και σαδδουκαιων
τοτε διελογιζοντο εν εαυτοις λεγοντες οτι αρτους ουκ ελαβομεν
γνους δε ο ιης ειπεν · τι διαλογιζεσθαι εν εαυτοις ολιγοπιστοι · οτι αρτους ουκ εχεται
ουπω νοειτε · ουδε μνημονευετε οτε τους πεντε αρτ̣ους τοις πεντακισχιλειοις και ποσους κοφινους ελαβεται
ουδε τους επτα αρτους τοις τετρακεισχειλειοις και ποσας σφυριδας ελαβετε
πως ου νοειτε οτι ου περι αρτου ειπον προσεχετ[ε] απο της ζυμης των φαρισαιων και σαδδουκαιων
Примечания источника · 1
  • correction (not in the text): corrector3 (1)
τοτε συνηκαν · οτι ουκ ειπεν προσεχειν απο της ζυμης · αλλα απο της διδαχης των φαρισαιων και σαδδουκαιων
ελθων δε ο ιης εις τα μερη καισαριας της φιλιππου · ηρωτα τους μαθητας λεγων τινα με οι ανθρωποι λεγουσιν ειναι υιον του ανθρωπου
οι δε ειπον ιωαννην τον βαπτιστην αλλοι δε ηλειαν · ετεροι δε ιηρεμειαν η ενα των προφητων ·
λεγει αυτοις υμεις δε τινα με λεγεται ειναι
αποκριθεις δε σιμων πετρος ειπεν αυτω συ ει ο χρς ο υιος του θυ το σωζοντος
Примечания источника · 1
  • correction (not in the text): corrector1 (1), corrector2 (1)
αποκριθεις δε ο ιης ειπεν μακαριος ει σιμων βαριωνα οτι σαρξ και αιμα · ουκ απεκαλυψεν σοι αλλ ο πατηρ μου ο εν τοις ουρανοις
καγω δε σοι λεγω · οτι συ ει πετρος και επι ταυτην την πετραν οικοδομησω την εκκλησιαν μου · και πυλαι αδου ου κατισχυσουσιν αυτης
σοι δωσω τας κλεις της βασιλειας των ουρανων και ο αν δησης επι της γης εσται δεδεμενον εν τοις ουρανοις και ο αν λυσης επι της γης εστε λελυμενον εν τοις ουρανοις
τοτε επετειμησεν τοις μαθηταις ινα μηδενι ειπωσιν · οτι ουτος εστιν ο χρς ιης
απο τοτε ηρξατο ιης δικνυειν τοις μαθηταις αυτου οτι δι αυτον · εις ιεροσολυμα απελθειν και πολλα παθειν υπο των πρεσβυτερων και αρχειεραιων και γραμματαιων και αποκτανθηναι και μετα τρεις ημερας αναστηναι
Примечания источника · 1
  • correction (not in the text): corrector1 (1)
και προσλαβομενος αυτον ο πετρος ηρξατο αυτω επειτειμαν και λεγειν ειλεος σοι κε ου μη εστε τουτο σοι
Примечания источника · 1
  • correction (not in the text): corrector1 (1)
ο δε επιστραφεις ειπεν τω πετρω υπαγε οπισω μου σατανα · σκανδαλον ει εμοι οτι ου φρονεις τα του θυ · αλλα του ανθρωπου
τοτε ο ιης ειπεν · τοις μαθηταις αυτου ει τεις θελει οπισω μου ελθειν απαρνησασθω εαυτον και αρατω τον σταυρον αυτου και ακολουθειτω μοι ·
ος γαρ αν θελη την ψυχην αυτου σωσαι · απολεσει αυτην ος δ αν απολεσει την ψυχην αυτου ενεκεν εμου · ευρησει αυτην
τι γαρ ωφελειται ανθρωπος εαν τον κοσμον ολον κερδηση την δε ψυχην αυτου ζημιωθη η τι δωσει ανθρωπος ανταλλαγμα της ψυχης αυτου
μελλει γαρ ο υιος του ανθρωπου ερχεσθαι εν τη δοξη του πατρος αυτου μετα των αγιων αγγελων αυτου και τοτε αποδωσει εκαστω κατα την πραξιν αυτου
αμην λεγω υμειν εισιν τινες των ωδε εστωτων οιτινες ου μη γευσωνται θανατου εως αν ειδωσιν τον υιον του ανθρωπου ερχομενον εν τη βασιλεια αυτου

Источник и условия: Кодекс Безы (D, 05): транскрипция INTF NT.VMR · CC BY 4.0 · INTF NT.VMR transcription of Codex Bezae (D, 05) (docID 20005), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · условия · источник

Закладки, заметки и место чтения хранятся только в этом браузере.