Skip to content

Matt · 13

Text display

Font size: 19px

Go to a reference
Same place in another edition

Anchor: Matt.13.1

Side by side

Tap a number or a passage to select it.

ες δε τη ημερα εκεινη εξηλθεν ο ιης και εκαθητο παρα την θαλασσαν
Notes in the source · 1
  • correction (not in the text): corrector1 (1)
και συνηχθησαν προς αυτον οχλοι πολλοι ωστε αυτον εις το πλοιον ενβαντα καθησθαι · και πας ο οχλος επι τον αιγιαλον εστηκει ·
Notes in the source · 1
  • correction (not in the text): corrector2 (1)
και ελαλησεν αυτοις πολλα · εν παραβολαι̣ς λεγων ιδου εξηλθεν ο σπειρων σπειραι
και εν τω σπειριν αυτον α μεν επεσεν παρα την οδον και ηλθον τα πετεινα · και κατεφαγεν αυτα
α δε επεσεν επει τα πετρωδη οπου ουκ ειχεν γην πολλην και ευθυς εξανετειλεν δια το μη εχειν βαθος γης
του δε ηλιου ανατειλαντος · εκαυματισθησαν και δια το μη εχειν ριζαν · εξηρανθησαν
αλλα δε επεσεν εις τας ακανθας και ανεβησαν αι ακανθαι · και επνιξαν αυτα
αλλα δε επεσεν επι την γην την καλην και εδιδουν καρπον ο μεν ρ ο δε ξ ο δε λ
ο εχων ωτα ακουειν ακουετω
και προσελθοντες οι μαθηται ειπον αυτω δια τι εν παραβολαις λαλεις αυτοις
ο δε αποκριθεις ειπεν αυτοις οτι υμειν δεδοται γνωναι τα μυστηρια της βασιλειας των ουρα̣[νων] εκεινοις δε ου δεδοται
οστις γαρ εχει δοθησεται αυτω και περισσευθησεται οστις δε ουκ εχει · και ο εχει αρθησεται απ αυτου
δια τουτο εν παραβολαις λαλει αυτοις ινα βλεποντες μη βλεπωσιν και ακουοντες μη ακουσωσιν και μη συνωσιν · μηποτε επιστρεψωσιν
Notes in the source · 1
  • correction (not in the text): corrector1 (1)
και τοτε πληρωθησεται επ αυτοις η προφητια του ησαιου λεγουσα πορευθητι και ειπε τω λαω τουτω ακοη ακουσεται · και ου μη συνηται και βλεποντες βλεψεται · και ου μη ιδητε
επαχυνθη γαρ η καρδια του λαου τουτου και τοις ωσιν βαρεως ηκουσαν και τους οφθαλμους αυτων εκαμμυσαν μηποτε ιδωσιν τοις οφθαλμοις και τοις ωσιν ακουσωσιν · και τη καρδια συνωσιν και επιστρεψωσιν και ιασομαι αυτους
υμων δε μακαριοι οφθαλμοι · οτι βλεπουσιν και ωτα υμων οτι ακουουσιν
αμην γαρ λεγω υμειν οτι πολλοι προφηται και δικαιοι επεθυμησαν ειδειν α βλεπεται και ουκ ηδυνηθησαν ειδειν και ακουσαι α ακουεται · και ουκ ηκουσαν
υμεις ουν ακουσατε την παραβολην του σπειροντος
παντος ακουοντος τον λογον της βασιλειας και μη συνιοντος ερχεται ο πονηρος και αρπαζει το σπειρομενον εν τη καρδια αυτων ουτος εστιν ο παρα την οδον σπαρεις
ο δε επει τα πετρωδη σπαρεις ουτος εστιν · ο τον λογον ακουων και ευθυς μετα χαρας · λαμβανων αυτον
ουκ εχει δε ριζαν εαυτω αλλα προσκαιρος εστιν γενομενης δε θλειψαιως η διωγμου δια τον λογον ευθεως σκανδαλιζεται
Notes in the source · 1
  • correction (not in the text): corrector1 (1)
ο δε εις τας ακανθας σπειρομενος ουτος εστιν ο τον λογον ακουων και η μεριμνα του αιωνος και η απατη του πλουτους · συνπνειγει τον λογον και ακαρπος γεινεται
Notes in the source · 1
  • correction (not in the text): corrector1 (1)
ο δε επι την γην την καλην σπαρεις ουτος εστιν ο ακουων τον λογον και συνιεις τοτε καρποφορει και ποιει ο μεν ρ ο δε ξ ο δε λ
αλλην παραβολην παρεθηκεν αυτοις λεγων ωμοιωθη η βασιλεια των ουρανων ανθρωπω σπειροντι · καλον σπερμα εν τω ιδιω αγρω
εν δε τω καθευδειν τους ανθρωπους ηλθεν αυτου ο εκθρος · και εσπειρεν ζιζανια ανα μεσον του σειτου απηλθεν
Notes in the source · 1
  • correction (not in the text): corrector1 (1)
οτε δε εβλαστησεν ο χορτος και καρπον εποιησεν · τοτε εφανη τα ζιζανια
προσελθοντες δε οι δουλοι του οικοδεσποτου εκεινου ειπον αυτω κυριε ουχι καλον σπερμα εσπειρες εν τω σω αγρω ποθεν ουν εχει ζιζανια
ο δε εφη αυτοις · εχθρος ανθρωπος τουτο εποιησεν · λεγουσιν αυτω οι δουλοι θελεις απελθοντες συνλεξωμεν αυτα
λεγει αυτοις ου · μηποτε συνλεγοντες τα ζιζανια εκριζωσητε αμα και τον σειτον συν αυτοις
αφετε αμφοτερα συναυξανεσθαι εως του θερισμου · και εν καιρω του θερισμου ερω τοις θερισταις συνλεξατε πρωτον τα ζιζανια και δησατε δεσμας προς το κατακαυσαι τον δε σειτον συνλεγεται εις την αποθην μου
Notes in the source · 1
  • correction (not in the text): corrector1 (1)
αλλην παραβολην ελαλησεν αυτοις λεγων ομοια εστιν η βα̣σ̣ιλει̣α̣ των ουρανων κοκκω σιναπεως ον λαβ̣ων ανθρωπος εσπειρεν εν τω αγρω αυτου
ο μεικροτερον μ̣εν εστιν παντων σπερματων οταν δε αυξηση · μειζων των λαχανων εστιν και γεινεται δενδρον ωστε ελθειν τα πετεινα του ουρανου και κατασκηνοιν εν τοις κλαδοις αυτου
Notes in the source · 1
  • correction (not in the text): corrector1 (1)
αλλην παραβολην · ομοια εστιν η βασιλεια των ουρανων · ζυμη ην λαβουσα γυνη · ενεκρυψεν εις αλευρου σατα τρεια εως ου εζυμωθη ολον
ταυτα παντα ελαληνσεν ο ιης εν παραβολαις τοις οχλοις και χωρις παραβολης ουκ ελαλει αυτοις
Notes in the source · 1
  • correction (not in the text): corrector1 (1)
οπως πληρωθη το ρηθεν δια του προφητου λεγοντος ανοιξω εν παραβολαις το στομα μου ερευξομαι κεκρυμμενα απο καταβολης κοσμου
τοτε αφεις τους οχλους ηλθεν εις την οικειαν και προσηλθον αυτω · οι μαθηται αυτου λεγοντες φρασον ημειν την παραβολην των ζιζανιων του αγρου
ο δε αποκριθεις ειπεν ο σπειρων το καλον σπερμα εστιν ο υιος του ανθρωπου
ο δε αγρος εστιν ο κοσμος · το δε καλον σπερμα ουτοι εισιν οι υιο της βας της βασιλειας τα δε ζιζανια εισιν · οι υιοι του πονηρου
Notes in the source · 1
  • correction (not in the text): corrector1 (1)
ο δε εχθρος ο σπειρας αυτα εστιν ο διαβολος · ο δε θερισμος συντελεια αιωνος εστιν οι δε θερεισται ανγελοι εισιν
ωσπερ ουν συνλεγονται τα ζιζανια και πυρι κατακαιονται · ουτως εσται εν τη συντελεια του αιωνος
αποστελει ο υιος του ανθρωπου τους αγγελους αυτου και συνλεξουσιν εκ της βασιλειας αυτου παντα τα σκανδαλα και τους ποιουντας την ανομιαν
και βαλλουσιν αυτους εις την καμινον του πυρος · εκει εσται ο κλαυθμος · και ο βρυγμος των οδοντων
τοτε οι δικαιοι λαμψουσιν ως ο ηλιος εν τη βασιλεια του πρς αυτων ο εχων ωτα ακουειν ακουετω ·
ομοια εστιν η βασιλεια των ουρανων θηνσαυρω κεκρυμμενω εν αγρω ον ευρων τις εκρυψεν · και απο της χαρας αυτου · υπαγ̣ει και πωλει · παντα οσα εχει · και αγοραζει τον αγρον εκεινον
Notes in the source · 1
  • correction (not in the text): corrector1 (1)
παλιν ομοια εστιν η βασιλεια των ουρανων ανθρωπω ενπορω ζητουντι καλους μαργαρειτας
ευρων δε πολυτειμον μαργαρειτην απελθων επωλησεν α ειχεν · και ηγορασεν αυτον
παλειν ομοια εστιν η βασιλια των ουρανων σαγηνη βληθειση εις την θαλασσαν και εκ παντος γενους συναγαγουση
οτε δε επληρωθη · ανεβιβασαν αυτην επι τον αιγιαλον και καθισαντες συνελεξαν τα καλλιστα εις τα αγγια τα δε σαπρα εξω εβαλαν
ουτως εστε · εν τη συντελεια του κοσμου εξελευσονται οι ανγελοι και αφοριουσιν τους πονηρους εκ μεσου των δικαιων ·
και βαλλουσιν αυτους εις την καμεινον του πυρος εκει εσται ο κλαυθμος και ο βρυγμος των οδοντων
Notes in the source · 1
  • correction (not in the text): corrector1 (1)
συνηκατε ταυτα παντα · λεγουσιν αυτω ναι
λεγει αυτοις · δια τουτο πας γραμματευς μαθηθευθεις · εν τη βασιλεια των ουρανων ομοιος εστιν ανθρωπω οικοδεσποτη οστις εκβαλλει εκ του θησαυρου αυτου καινα και παλαια
και εγενετο οτε ετελεσεν ο ιης τας παραβολας ταυτας · μετηρεν εκειθεν
και ελθων εις την πατριδα αυτου εδιδασκεν αυτους εν τη συναγωγη αυτων ωστε εκπλησσεσθαι αυτους και λεγειν ποθεν τουτω πασα η σοφεια αυτη και αι δυναμεις
ουχ ουτος εστιν · ο του τεκτονος υιος ουχι η μητηρ αυτου λεγεται μαριαμ και οι αδελφοι αυτου ιακωβος και ιωαννης και σιμων και ιουδας ·
και αι αδελφαι αυτου ουχι πασαι προς ημας εισιν ποθεν ουν τουτω παντα ταυτα
και εσκανδαλιζοντο εν αυτω ο δε ιης ειπεν αυτοις ουκ εστιν προφητης ατειμος ει μη εν τη πατριδι και εν τη οικεια αυτου
και ουκ εποιησεν εκει δυναμεις πολλας δια τας απιστειας αυτων

Source and terms: Codex Bezae (D, 05): INTF NT.VMR transcription · CC BY 4.0 · INTF NT.VMR transcription of Codex Bezae (D, 05) (docID 20005), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · terms · source

Bookmarks, notes and the reading position are stored only in this browser.