Skip to content

Mark · 6

Text display

Font size: 19px

Go to a reference
Same place in another edition

Anchor: Mark.6.1

Side by side

Tap a number or a passage to select it.

και εξηλθεν εις την πατριδα αυτου και ακολουθουσιν αυτω οι μαθηται αυτου
και γενομενου σαββατου ηρξαντο εν τη συναγωγη διδασκειν και πολλοι ακουοντες εξεπλησσοντο λεγοντες ποθεν τουτω ταυτα και τις η σοφια η δοθεισα αυτω και δυναμις τοιαυται · δια των χειρων αυτου γεινονται ·
ουχ ουτος εστιν ο τεκτων ο υιος της μαριας αδελφος δε ιακωβου και ιωση και ιουδα και σιμωνος και ουκ εισιν αι αδελφε αυτου ωδε προς ημας και εσκανδαλιζοντο εν αυτω
ελεγεν δε ο ις οτι ουκ εστιν προφητης ατιμος ει μη εν τη πατριδι αυτου και εν τοις συνγενεσιν και εν τη οικεια αυτου
και ουκ εδυνατο ουκετι ποιησαι δυναμιν ει μη ολειγοις αρρωστοις επιθεις τας χειρας εθεραπευσεν
και εθαυμαζεν δια την απιστιαν αυτων και περιηγεν τας κυκλω κωμας διδασκων
και προσκαλειται τους ιβ και ηρξατο αυτους αποστελλειν δυο δυο και εδωκεν αυτοις εξουσιαν των πνευματων των ακαθαρτων
και παρηγγελλεν αυτοις ινα μηδεν αρωσιν εις οδον ει μη ραβδον μονον μη πηραν μη αρτον μη εις την πηραν χαλκον
αλλ υποδεδεμενους σανδαλια και μη ενδυσησθαι δυο χειτωνας
και ελεγεν οπου αν εισελθητε εις οικειαν εκει μενετε εως αν εξελθητε εκειθεν
και ος αν τοπος μη δεξηται υμας μηδε ακουση υμων εκπορευομενοι εκειθεν εκτιναξατε τον χουν τον υποκατω των ποδων υμων εις μαρτυριον αυτων
και εξελθοντες εκηρυσσον ινα μετανοωσιν
και δαιμονια πολλα εξεπεμπον και ηλιφον ελαιω πολλους αρρωστους και εθεραπευον αυτους
και ηκουσεν ο βασιλευς ηρωδης φανερον γαρ εγενετο το ονομα αυτου και ελεγον οτι ιωαννης ο βαπτιστης εκ νεκρων ηγερθη και δια τουτο ενεργουσιν αι δυναμεις αυτου
Notes in the source · 1
  • correction (not in the text): corrector (1)
αλλοι δε ελεγον οτι ηλιας εστιν αλλοι δε ελεγον οτι προφητης ως εις των προφητων
ακουσας δε ο ηρωδης ειπεν οτι εγω ον απεκεφαλισα ιωαννην ουτος ηγερθη
Notes in the source · 1
  • correction (not in the text): corrector (1)
αυτος γαρ ηρωδης αποστιλας εκρατησε τον ιωαννην και εδησεν αυτον εν τη φυλακη δια ηρωδιαδα την γυναικα φιλιππου του αδελφου αυτου οτι αυτην εγαμησεν
ελεγεν γαρ ο ιωαννης τω ηρωδη οτι ουκ εξεστιν σοι γυναικα εχειν του αδελφου σου
η δε ηρωδιας ενειχεν αυτω και ηθελεν αυτον αποκτειναι και ουκ ηδυνατο
ο γαρ ηρωδης εφοβειτο τον ιωαννην ιδως αυτον ανδρα δικαιον και αγιον και συνετηρι αυτον και ακουσας αυτου πολλα ηπορειτο και ηδεως αυτου ηκουεν
και γενομενης ημερας ευκαιρου οτε ηρωδης τοις γενεσιοις αυτου διπνον εποιησεν τοις μεγιστασιν αυτου και τοις χειλιαρχοις και τοις πρωτοις της γαλιλαιας
και εισελθουσης της θυγατρος αυτης ηρωδιαδος και ορχησαμενης και αρεσασης τω ηρωδη και τοις συνανακειμενοις ειπεν ο βασιλευς τω κορασιω ετησαι με ο δ αν θελης και δωσω σοι
εως ημισυ της βασιλειας
η δε εξελθουσα ειπεν τη μητρι αυτης τι αιτησωμαι η δε ειπεν αιτησε την κεφαλην ιωαννου του βαπτιστου
και εισελθουσα ευθυς μετα σπουδης θελω ινα μοι δωσης επι πινακει την κεφαλην ιωαννου του βαπτιστου
και περιλυπος γενομενος ο βασιλευς δια τους ορκους και τους ανακειμενους ουκ ηθελησεν αυτην αθετησαι ·
και ευθεως αποστιλας σφεκουλατορα επεταξεν ενεχθηναι την κεφαλην αυτου επι πινακει και απελθων απεκεφαλισεν αυτον εν τη φυλακε̣ι
Notes in the source · 1
  • correction (not in the text): corrector (1)
και ηνεγκεν την κεφαλην αυτου επι πινακει και εδωκεν τω κορασιω και το κορασιον εδωκεν αυτην τη μητρι αυτης
και ακουσαντες οι μαθηται αυτου ηλθον κηδευσαι το πτωμα αυτου και εθηκαν αυτον εν μνημιω ·
και συναγονται οι αποστολοι προς τον ιν και απηγγειλον αυτω παντα και οσα εποιησο̣ν και εδιδασκεν
και ειπεν αυτοις δευτε υμεις κατ ιδιαν εις ερημον τοπον και αναπαυεσθαι λοιπον ησαν γαρ οι ερχομενοι και υπαγοντες πολλοι και ουδε φαγειν ηυκερουν
κα απηλθον εις ερημον τοπον τω πλοιω κατ ιδιαν ·
Notes in the source · 1
  • correction (not in the text): corrector (1)
και ιδον αυτον υπαγοντες οι οχλοι και επεγνωσαν πολλοι και πεζη απο πασων των πολεων συνεδραμον εκει
και εξελθων ειδεν πολυν οχλον και εσπλανχνισθη επ αυτοις οτι ησαν ως προβατα μη εχοντα ποιμενα και ηρξαντο διδασκειν αυτους πολλα ·
και ηδη ωρας πολλης γενομενης προσελθοντες αυτω οι μαθηται λεγουσιν οτι ερημος εστιν ο τοπος και ηδη ωρα παρηλθεν
απολυσον αυτους ινα απελθοντες εις τους κυκλω αγρους και κωμας αγορασωσιν εαυτοις τι φαγωσιν
ο δε αποκριθεις ειπεν αυτοις δοτε αυτοις υμεις φαγειν και λεγουσιν αυτω απελθοντες αγορασωμεν δηναριων ρ αρτους και δωμεν αυτοις φαγειν ινα εκαστος αυτων βραχυ τι λαβη
ο δε λεγει αυτοις ποσους αρτους εχετε υπαγεται ειδεται και γνοντες λεγουσιν πεντε και δυο ιχθυας
και επεταξεν αυτοις ανακλιναι παντας συνποσια επι τω χλωρω χορτω
και ανεπεσαν πρασιαι πρασιαι ανδρες ρ και ανα ν
και λαβων τους πεντε αρτους και τους δυο ιχθυας αναβλεψας εις τον ουρανον ηυλογησεν και κατεκλασεν τους πεντε αρτους και εδιδου τοις μαθηταις αυτου ινα παρατιθωσιν αυτοις και τους δυο ιχθυας εμερισεν πασιν
και εφαγον παντες και εχορτασθησαν
και ηραν κλασματων ιβ κοφινους πληρωματα και απο των ιχθυων
και ησαν οι φαγοντες πεντακεισχειλιοι ανδρες
και ευθυς ηναγκασε τους μαθητας αυτου ενβηναι εις το πλοιον και προαγειν προς βηθαιδαν εως αν αυτος απολυση τον οχλον
και αποταξαμενος αυτοις απηλθεν εις το ορος προσευξασθαι ·
και οψειας γενομενης ην το πλοιον εν μεσω της θαλασσης και αυτος μονος επι της γης ·
και ιδων αυτους βασανιζομενους εν τω ελαυνειν ην γαρ ο ανεμος εναντιος αυτοις σφοδρα και περι τεταρτην φυλακην της νυκτος ερχετε περιπατων επι της θαλασσης και ηθελεν παρελθειν αυτους
οι δε ιδοντες αυτον περιπατουντα επι της θαλασσης φαντασμα εδοξαν ειναι και ανεκραξαν
παντες γαρ αυτον ειδον και εταραχθησαν · και ευθεως ελαλησεν μετ αυτων και λεγει αυτοις θαρσιτε μη φοβεισθαι εγω ειμι
και ανεβη προς αυτους εις το πλοιον και εκοπασεν ο ανεμος και εκ περισσου εν αυτοις εξισταντο και εθαυμαζον
ου γαρ συνηκον επι τοις αρτοις ην γαρ αυτων η καρδια πεπωρωμενη
και διαπερασαντες ηλθαν επι την γην εις γεννησαρετ
και εξελθοντων αυτων εκ του πλοιου ευθυς επιγνοντες αυτον οι ανδρες του τοπου
περιεδραμον εις ολην την περιχωρον εκεινην · και ηρξαντο επι κρεβαττοις τους κακως εχοντας περιφερειν οτι ηκουον · οτι εστιν εκει
και οποταν εισεπορευοντο εις κωμας η πολεις η αγρους εν ταις αγοραις ετιθουν τους ασθενουντας και παρεκαλουν αυτον ινα καν του κρασπεδου του ιματιου αυτου αψωνται και οσοι αν ηψαντο αυτου εσωζοντο

Source and terms: Codex Washingtonianus (W, 032): INTF NT.VMR transcription · CC BY 4.0 · INTF NT.VMR transcription of Codex Washingtonianus (W, 032) (docID 20032), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · terms · source

Bookmarks, notes and the reading position are stored only in this browser.