γινωϲκοντεϲ οτι το δοκιμειον ϋμων τηϲ πιϲτεωϲ κατεργαζεται υ̅πομονην ·
η δε ϋπομονη εργον τελιον εχετω ϊνα ητε τελιοι και ολοκληροι εν μηδενι λειπομενοι
ει δε τιϲ ϋμων λειπεται ϲοφιαϲ αιτιτω παρα του διδοντοϲ θ̅υ̅ παϲιν απλωϲ και μη ονιδιζοντοϲ κ(αι) δοθηϲεται αυτω
αιτειτω δε εν πιϲτι μηδεν διακρινομενοϲ ο γαρ διακρινομενοϲ εοικεν κλυδωνι θαλαϲϲηϲ ανεμιζομενω και ριπιζομενω
μη γαρ οιεϲθω ο ανθρωποϲ εκεινοϲ οτι λημψετε παρα του κ̅υ̅
ανηρ διψυχοϲ ακαταϲτατοϲ εν παϲαιϲ ταιϲ οδοιϲ αυτου
καυχαϲθω δε ο αδελφοϲ ο ταπινοϲ εν τω ϋψει αυτου
ο δε πλουϲιοϲ εν τη ταπινωϲει αυτου οτι ωϲ ανθοϲ χορτου παρελευϲεται
ανετιλεν γαρ ο ηλιοϲ ϲυν τω καυϲωνι και εξηρανεν τον χορτον και το ανθοϲ αυτου εξεπεϲεν και η ευπρεπια του προϲωπου αυτου απωλετο ουτωϲ και ο πλουϲιοϲ εν ταιϲ ποριαιϲ αυτου μαρανθηϲεται ˙
μηδιϲ πιραζομενοϲ λεγετω οτι ϋπο θ̅υ̅ πειραζομαι ο γαρ θ̅ϲ̅ απειραϲτοϲ εϲτιν κακων πειραζει δε αυτοϲ ουδενα
εκαϲτοϲ δε πιραζετε ϋπο τηϲ ϊδιαϲ επιθυμιαϲ εξελκομενοϲ και δελεαζομενοϲ
ειτα η επιθυμια ϲυλλαβουϲα τικτει αμαρτιαν η δε αμαρτια αποτελεϲθιϲα αποκυει θανατον
μη πλαναϲθαι αδελφοι μου αγαπητοι
παϲα δοϲιϲ αγαθη και παν δωρημα τελειον ανωθε̅ εϲτιν καταβενον απο του πατροϲ τω̅ φωτων παρ ω ουκ εϲτιν παραλλαγη η τροπηϲ αποϲκιαϲματοϲNotes in the source · 1
correction by ca: αποϲκιαϲματοϲ → αποϲκιαϲμα
βουληθιϲ απεκυηϲεν ημαϲ λογω αληθιαϲ ειϲ το ειναι ημαϲ απαρχην τινα τω̅ αυτου κτιϲματω̅Notes in the source · 1
correction by ca: αυτου → εαυτου
ϊϲτω αδελφοι μου αγαπητοι · εϲτω δε παϲ ανθρωποϲ ταχυϲ ειϲ το ακουϲαι βραδυϲ ειϲ το λαληϲαι · βραδυϲ ειϲ οργη̅Notes in the source · 1
correction by ca: ϊϲτω → ϊϲτε
οργη γαρ ανδροϲ δικαιοϲυνην θ̅υ̅ ουκ εργαζεται ·
διο αποθεμενοι παϲαν ρυπαριαν και περιϲϲιαν κακιαϲ εμ πραϋτητι δεξαϲθαι τον εμφυτον λογον τον δυναμενον ϲωϲαι ταϲ ψυχαϲ υμων ·
γεινεϲθαι δε ποιηται λογου και μη μονον ακροαται παραλογιζομενοι εαυτουϲ
οτι ει τιϲ ακροατηϲ λογου εϲτι̅ και ου ποιητηϲ ουτοϲ εοικεν ανδρι κατανοουντεϲ το προϲωπον τηϲ γενεϲεωϲ αυτου εν εϲοπτρωNotes in the source · 1
correction by ca: κατανοουντεϲ → κατανοουντει
κατενοηϲεν γαρ εαυτον και απεληλυθεν και ευθεωϲ επελαθετο οποιοϲ ην
ο δε παρακυψαϲ ειϲ νομον τελειον τον τηϲ ελευθεριαϲ και παραμιναϲ ουκ ακροατηϲ επιληϲμονηϲ γενομενοϲ αλλα ποιητηϲ εργου ουτοϲ μακαριοϲ εν τη ποιηϲει αυτου εϲται
ει τιϲ δοκει θρηϲκοϲ ειναι μη χαλιναγωγων γλωϲϲαν αυτου αλλα απατω̅ καρδιαν αυτου του ματαιοϲ η θρηϲκια ·Notes in the source · 1
correction by ca: του → τουτου
θρηϲκια καθαρα και αμιαντοϲ παρα θ̅ω̅ και πατρι αυτη εϲτιν · επιϲκεπτεϲθε ορφανουϲ και χηραϲ εν τη θλιψει αυτων · αϲπιλο̅ εαυτον τηριν απο του κοϲμου ·Notes in the source · 1
correction by ca: (nothing) → τω
Source and terms: Codex Sinaiticus (א, 01): transcription of the Codex Sinaiticus Project · non-commercial use with attribution · Codex Sinaiticus Project (www.codexsinaiticus.org), "A Transcription of the Codex Sinaiticus", version 1.04 (25.3.2014); transcription: D.C. Parker, Amy Myshrall, T.A.E. Brown with members of the INTF Münster; Rachel Kevern; XML: H.A.G. Houghton; sponsor: Institute for Textual Scholarship and Electronic Editing, University of Birmingham; funded by the AHRC. Licensed Creative Commons Attribution-NonCommercial-ShareAlike 3.0 Unported. Changed: converted from XML to verse units of plain text; marginalia, layout marks and corrector readings are not in the text (corrections are listed in the notes). · terms · source
§Versemora uses this text for research and comparison; it is not distributed as literature, commercially or otherwise. The source and terms of use are given below.
Bookmarks, notes and the reading position are stored only in this browser.