Skip to content

Bava Batra · 172b

Text display

Font size: 19px

Go to a reference
Same place in another edition

Anchor: BT.BavaBatra.172b.1

Tap a number or a passage to select it.

Nezikin

אמר רב הונא ממך אפילו מריש גלותא ואפילו משבור מלכא
אמר ליה רב חסדא לרבה פוק עיין בה דלאורתא בעי לה רב הונא מינך
נפק דק ואשכח דתניא גט שיש עליו עדים ואין בו זמן אבא שאול אומר אם כתוב בו גרשתיה היום כשר
אלמא היום ההוא יומא דנפיק ביה משמע הכא נמי ממך מההוא גברא דנפיק מתותי ידיה משמע
אמר ליה אביי ודלמא אבא שאול כרבי אליעזר סבירא ליה דאמר עדי מסירה כרתי אבל הכא ליחוש לנפילה
אמר ליה לנפילה לא חיישינן ומנא תימרא דלא חיישינן לנפילה
דתנן שנים שהיו בעיר אחת שם אחד יוסף בן שמעון ושם אחר יוסף בן שמעון אינן יכולין להוציא שטר חוב זה על זה ולא אחר יכול להוציא עליהן שטר חוב הא הם על אחרים יכולין ואמאי ליחוש לנפילה אלא לאו שמע מינה לנפילה לא חיישינן
ואביי לנפילה דחד לא חיישינן לנפילה דרבים חיישינן

Source and terms: Babylonian Talmud (37 tractates), text of the Vilna edition (Hebrew Wikisource) · CC BY-SA 4.0 · Talmud Bavli, Vilna edition, text from Hebrew Wikisource (he.wikisource.org, תלמוד בבלי), via Sefaria-Export (licence field 'CC-BY-SA'). · terms · source

Bookmarks, notes and the reading position are stored only in this browser.