Skip to content

Luke · 11

Text display

Font size: 19px

Go to a reference
Same place in another edition

Anchor: Luke.11.1

Side by side

Tap a number or a passage to select it.

και εγενετο εν τω ειναι αυτον εν τοπω τινι προσευχομενον και ως επαυσατο ειπεν τις των μαθητων αυτου προς αυτον κε διδαξ̣ον ημας προσευχεσθαι καθως και ιωανης εδιδαξεν τους μαθητας αυτου
ο δε ειπεν οταν προσευχησθε μη βαττολογειτε ως οι λοιποι δοκουσιν γαρ τινες οτι εν τη πολυλογεια αυτων εισακουσθησονται αλλα προσευχομενοι λεγετε πατερ ημων ο εν τοις ουρανοις αγιασθητω ονομα σου εφ ημας ελθετω σου η βασιλεια γενηθητω το θελημα σου ως εν ουρανω και επι γης
τον αρτον ημων τον επιουσιον δος ημειν σημερον ·
και αφες ημειν τα οφιλεματα ημων ως και ημεις αφειομεν τοις οφειλεταις ημων και μη εισενεγκης ημας εις πειρασμον αλλα ρυσαι ημας απο του πονηρου
και ειπεν τις εξ υμων εξει φιλον και πορευσεται προς αυτον μεσανυκτιου και ερει αυτω φιλε χρησον μοι τρεις αρτους
Notes in the source · 1
  • correction (not in the text): corrector1 (1)
επειδη φιλος μοι παρεστιν απ αγρου και ουκ εχω ο παραθησω αυτω
εκεινος δε εσωθεν αποκρειθεις ερει μη μοι κοπους παρεχε ηδη η θυρα κεκλισται και τα παιδια μου μετ εμου εν τη κοιτη εστιν ου δυναμαι αναστας δουναι σοι
λεγω υμειν ου δωσει αυτω αναστας δια το ειναι αυτον φιλον αυτου δια γε την αναιδιαν αυτου εγερθεις δωσει οσον χρηζει ·
καγω υμειν λεγω αιτειτε και δοθησεται υμειν ζητειτε και ευρησεται κρουετε και ανοιχθησεται υμειν
πας γαρ ο αιτων λαμβανει και ο ζητων ευρισκει και τω κρουοντι ανοιγεται
τις δε εξ υμων τον πατερα ο υιος αιτησει αρτον · μη λιθον αυτω επιδωσει η και ιχθυν αιτησει μη αντι ιχθυος οφιν αυτω επιδωσει
εαν δε και ωον αιτησει μη σκορπιον αυτω επειδωσει
ει ουν υμεις πονηροι οντες οιδατε δοματα αγαθα διδοναι τοις τεκνοις υμων ποσω μαλλον ο πατηρ ο εξ ουρανου δωσει αγαθον δομα τοις αιτουσιν αυτον
ταυτα δε ειποντος αυτου προσφερετε αυτω δαιμονιζομενος κωφος και εκβαλοντος αυτου παντες εθαυμαζον ·
και τινες εξ αυτων ειπον εν βεελζεβουλ αρχοντι των δαιμονιων εκβαλλει τα δαιμονια · ο δε αποκριθεις ειπεν πως δυναται σατανας σαναν εκβαλειν ·
ετεροι δε πειραζοντες σημειον εξ ουρανου εζητουν παρ αυτου ·
αυτος δε ειδως αυτων τα διανοηματα ειπεν αυτοις πασα βασιλεια διαμερισθεισα εφ εαυτην ερημουται και οικος επ οικον πεσιται
ει δε και ο σατανας εφ εαυτον διεμερισθη ου σταθησεται η βασιλεια αυτου οτι λεγετε εν βεελζεβουλ εκβαλλειν με τα δαιμονια
ει δε εγω εν βεελζεβουλ εκβαλλω τα δαιμονια υιοι υμων εν τι εκβαλλουσιν δια τουτο αυτοι υμων κριται εσονται ·
ει δε εγω εν δακτυλω θυ εκβαλλω τα δαιμονια αρ̣α εφθασεν εφ υμας η βασιλεια του θυ ·
οταν ο ισχυρος καθωπλισμενος φυλασσει την αυλην αυτου εν ιρηνη εστιν τα υπαρχοντα αυτου
εαν δε ισχυροτερος επελθων την πανοπλιαν αυτου αιρει εφ η πεποιθεν και τα σκυλα αυτο διαδιδωσιν
Notes in the source · 1
  • correction (not in the text): corrector1 (1)
ο μη ων μετ εμου κατ εμου εστιν και ο μη συναγων μετ εμου σκορπιζει
οταν δε το ακαθαρτον πνευμα εξελθη απο του ανθρωπου διερχεται δια των υδρων τοπων ζητουν αναπαυσιν και μη ευρισκον λεγει υποστρεψω εις τον οικον μου οθεν εξηλθον
και ελθων ευρισκι σεσαρωμενον κεκοσμημενον
πορευεται και παραλαμβανει αλλα επτα πνευματα πονηροτερα εαυτου και εισελθοντα κατοικει και γεινεται τα εσχατα του ανθρωπου εκεινου χειρονα των πρωτων ·
εγενετο δε εν τω λεγειν αυτον ταυτα γυνη τις επαρασα φωνην εκ του οχλου ειπεν αυτω μακαρια η κοιλια η βαστασασα σε και μασθοι ους εθηλασας ·
ο δε ειπεν μενουν γε μακαριοι οι ακουοντες τον λογον του θυ και φυλασσοντες
των δε οχλων επαθροζομενων ηρξατο λεγειν η γενεα αυτη γενεα πονηρα εστιν σημειον επειζητει και σημειον ου δοθησεται αυτη ει μη το σημειον ιωνα
Notes in the source · 1
  • correction (not in the text): corrector1 (1)
καθως γαρ εγενετο ιωνας σημιον τοις νινευταις ουτως εσται και ο υιος του ανθρωπου τη γενεα ταυτη και καθως ιωνας εν τη κοιλια του κητους εγενετο τρις ημερας και τρεις νυκτας ουτως και ο υιος του ανθρωπου εν τη γη
βασιλισσα νοτου εγερθησεται μετα των ανδρων της γενεας ταυτης και κατακρινει αυτους οτι ηλθεν εκ των περατων της γης ακουσαι την σοφιαν σολομωνος και ιδου πλεον σολομωνος ωδε ·
ουδεις λυχνον αψας εις κρυπτην τιθησιν ουδε υπο τον μοδιον αλλα επι την λυχνιαν ινα οι εισπορευομενοι το φως βλεπωσιν ·
ο λυχνος του σωματος σου εστιν ο οφθαλμος σου οταν η ο οφθαλμος σου απλους παν το σωμα σου φωτινον εστιν οταν δε πονηρος η και το σωμα σου εστιν σκοτινον εστιν
Notes in the source · 1
  • correction (not in the text): corrector1 (1)
ει ουν το φως το εν σοι σκοτος το σκοτος ποσον
εδεηθη δε αυτου τις φαρισαιος ινα αριστηση μετ αυτου εισελθων δε ανεπεσεν
ο δε φαρισαιος ηρξατο διακρεινομενος εν εαυτω λεγειν δια τι ου πρωτον εβαπτισθη προ του αριστου
ειπεν δε ο κς προς αυτον νυν υμεις οι φαρισαιοι υποκριται το εξωθεν του ποτηριου και του πινακος καθαριζετε το δε εσωθεν υμων γεμει αρπαγης και πονηριας
αφρονες ουχ ο ποιησας το εσωθεν και το εξωθεν εποιησεν
πλην τα ενοντα δοτε ελεημοσυνην και ιδου παντα καθαρα εσται υμειν
αλλα ουαι υμειν τοις φαρισαιοις οτι αποδεκατουτε το ηδυοσμον και το πηγανον και παν λαχανον και παρερχεσθαι την κρισιν και την αγαπην του θυ ·
ουαι υμειν φαρισαιοι οτι αγαπατε την πρωτοκαθεδριαν εν ταις συναγωγαις και τους ασπασμους εν ταις αγοραις και πρωτοκλισιας εν τοις δειπνοις
ουαι υμειν γραμματεις και φαρισαιοι οτι εστε μνημεια αδηλα και οι ανθρωποι επανω περιπατουντες ουκ οιδασιν ·
αποκριθεις δε τις των νομικων λεγει αυτω διδασκαλε ταυτα λεγων και ημας υβρειζεις
ο δε ειπεν και υμειν ουαι τοις νομικοις οτι φορτιζετε τους ανθρωπους φορτια δυσβακτατα και αυτοι ενι των δακτυλων υμων ου προσψ[…]υετε ·
Notes in the source · 2
  • correction (not in the text): corrector1 (2)
  • lacuna: […] marks missing text (nothing restored)
ουαι υμειν οτι οικοδομειτε τα μνημεια των προφητων οι δε πατερες υμων απεκτειναν αυτους
αρα μαρτυρειτε μη συνευδοκειν τοις εργοις των πατερων υμων οτι αυτοι μεν απεκτειναν αυτους υμεις δε οικοδομειτε ·
δια τουτο αποστελλω εις αυτους προφητας και αποστολους και εξ αυτων αποκτενουσιν και εκδιωξουσιν
ινα εκζητηθη το αιμα παντων των προφητων το εκχυννομενον απο καταβολης κοσμου εως της γενεας ταυτης
απο αιματος αβελ εως αιματος ζαχαριου υιου βαραχειου ον εφονευσαν ανα μεσον του θυσιαστηριου και του ναου ναι λεγω υμειν εζητησ̣εται απο της γενεας ταυτης ·
Notes in the source · 1
  • correction (not in the text): corrector1 (1)
ουαι υμειν τοις νομικοις οτι εκρυψατε την κλειν της γνωσεως και αυτοι ουκ ισηλθατε και τους εισπορευομενους εκωλυσατε
λεγοντε̣ς δε ταυτα προς αυτους ενωπιον παντος του λαου ηρξαντο οι φαρισαιοι και οι νομικοι δεινως εχειν και συνβαλλειν αυτω περι πλειονων
Notes in the source · 1
  • correction (not in the text): corrector1 (1)
ζητουντες αφορμην τινα λαβειν αυτου ινα ευρωσιν κατηγορησαι αυτου

Source and terms: Codex Bezae (D, 05): INTF NT.VMR transcription · CC BY 4.0 · INTF NT.VMR transcription of Codex Bezae (D, 05) (docID 20005), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · terms · source

Bookmarks, notes and the reading position are stored only in this browser.