[το λο]ιπον αδελφοι μου χαιρετε [εν] κω τα αυτα γραφειν υμιν εμοι [με]ν ουκ οκνηρον υμιν δε [ασ]φαλες ·
βλεπετε τους κυ[να]ς · βλεπετε τους κακους εργα[τ]α̣ς · βλεπετε την κατατομην
[η]μεις γαρ εσμεν η περιτομη [ο]ι πνι θυ λατρευοντες και καυχωμενοι εν χω ιυ · και ουκ εν σαρκι πεποιθοτες ·
καιπερ εγω εχων πεποιθησιν και εν σαρκι ει τις δοκει αλλος πεποιθεναι εν σαρκι · εγω μαλλον
περιτομη οκταημερος · εκ γενους ιηλ φυλης βενιαμειν · εβραιος εξ εβραιων κατα νομον φαρισαιος
κατα ζηλος διωκων την εκκλησιαν κατα δικαιοσυνην την εν νομω γενομενος αμεμπτος
ατινα ην μοι κερδη ταυτα ηγημαι δια τον χν ζημιαν ·
αλλα μενουνγε και ηγουμαι παντα ζημιαν ειναι δια το υπερεχον της γνωσεως ιυ χυ του κυ ημων δι ον τα παντα εζημιωθην · και ηγουμαι σκυβαλα ειναι ινα χν κερδησω ·
και ευρεθω εν αυτω μη εχων εμην δικαιοσυνην την εκ νομου αλλα την δια πιστεως χυ την εκ θυ δικαιοσυνην επι τη πιστει
του γνωναι αυτον και την δυναμιν της αναστασεως αυτου και κοινωνιαν των παθηματων αυτου · συμμορφιζομενος τω θανατω αυτου ·
ει πως καταντησω εις την εξαναστασιν την εκ νεκρων
ουχ οτι ηδη ελαβον η ηδη τετελειωμαι διωκω δε ει και καταλαβω εφ ω και κατελημφθην υπο χυ ιυ ·
αδελφοι εγω εμαυτον ουπω λογιζομαι κατειληφεναι · εν δε τα μεν οπισω επιλανθανομενος τοις δε εμπροσθεν επεκτεινομενος ·
κατα σκοπον διωκω εις το βραβειον της ανω κλησεως του θυ εν χω ιυ ·
οσοι ουν τελειοι τουτο φρονωμεν και ει τι ετερως φρονειτε και τουτο ο θς υμιν αποκαλυψει
πλην εις ο εφθασαμεν τω αυτω στοιχειν
συμμιμηται μου γεινεσθε αδελφοι · και σκοπειτε τους ουτω περιπατουντας καθως εχετε τυπον ημας ·
πολλοι γαρ περιπατουσιν ους πολλακεις ελεγον υμιν · νυν δε και κλαιων λεγω τους εκχθρους του σταυρου του χυ
ων το τελος απωλεια · ων ο θς η κοιλια και η δοξα εν τη αισχυνη αυτων οι τα επιγεια φρονουντες
ημων γαρ το πολιτευμα εν ουνοις υπαρχει εξ ου και σωτηρα απεκ̣δεχομεθα κν ιν χν ·
ος μετασχηματισει το σωμα της ταπεινωσεως ημων · συμμορφον τω σωματι της δοξης αυτου κατα την ενεργειαν του δυνασθαι αυτον και υποταξαι αυτω τα παντα ·