Перейти к содержанию

Mark · 4

Вид текста

Размер шрифта: 19px

Перейти к месту
То же место в другом издании

Опорное место: Mark.4.1

Сравнить рядом

Нажмите на номер или текст фрагмента, чтобы выбрать его.

και παλιν ηρξατο διδασκειν παρα την θαλασσαν και συνηχθησαν προς αυτον οχλος πολυς · ωστε αυτον εμβαντα εις το πλοιον καθησθαι εν τη θαλασση · και πας ο οχλος προς την θαλασσαν επι της γης ην ·
και εδιδασκεν αυτους εν παραβολαις πολλα · και ελεγεν αυτοις εν τη διδαχη αυτου
ακουετε· ιδου εξηλθεν ο σπειρων του σπειραι ·
και εγενετο εν τω σπιρειν · ο μεν επεσεν παρα την οδον · και ηλθεν τα πετεινα και κατεφαγεν αυτο ·
αλλο δε επεσεν επι το πετρωδες · οπου ουκ ειχεν γην πολλην και ευθεως εξανετειλεν δια το μη εχειν βαθος γης ·
ηλιου δε ανατειλαντος εκαυματισθη και δια το μη εχειν ριζαν εξηρανθη ·
και αλλο επεσεν εις τας ακανθας και ανεβησαν αι ακανθαι · και συνεπνιξαν αυτο · και καρπον ουκ εδωκεν ·
και αλλο επεσεν εις την γην την καλην και εδιδου καρπον αναβαινοντα και αυξανομενον · και εφερεν εν τριακοντα και εν εξηκοντα και εν εκατον ·
και ελεγεν ο εχων ωτα ακουειν ακουετω ·
οτε δε εγενετο κατα μονας ηρωτων αυτον οι περι αυτον συν τοις δωδεκα την παραβολην
και ελεγεν αυτοις υμιν δεδοται το μυστηριον της βασιλειας του θυ · εκεινοις δε τοις εξω εν παραβολαις τα παντα γεινεται ·
ινα βλεποντες βλεπωσιν και μη ιδωσιν και ακουοντες ακουωσιν και μη συνιωσιν · μηποτε επιστρεψωσιν και αφαιθησεται αυτοις τα αμαρτηματα ·
και λεγει αυτοις ουκ οιδατε την παραβολην ταυτην και πως πασας τας παραβολας γνωσεσθαι
ο σπειρων τον λογον σπειρει ·
ουτοι δε εισιν οι παρα την οδον οπου σπειρεται ο λογος · και οταν ακουσωσιν ευθεως ερχεται ο σατανας · και αιρει τον λογον τον εσπαρμενον απο της καρδιας αυτων ·
και ουτοι εισιν ομοιως οι επι τα πετρωδη σπειρομενοι οι οταν · ακουσωσιν τον λογον ευθεως μετα χαρας λαμβανουσιν αυτον ·
και ουκ εχουσιν ριζαν εν εαυτοις αλλα προσκαιροι εισιν · ειτα γενομενης θλιψεως η διωγμου δια τον λογον ευθεως σκανδαλιζονται
και ουτοι εισιν οι εις τας ακανθας σπειρομενοι οι τον λογον ακουοντες ·
και αι μεριμναι του αιωνος τουτου · και η απατη του πλουτου · και αι περι τα λοιπα επιθυμιαι εισπορευομεναι συνπνειγουσιν τον λογον και ακαρπος γεινεται ·
και ουτοι εισιν οι επι την γην την καλην σπαρεντες · οιτεινες ακουουσιν τον λογον · και παραδεχονται · και καρποφορουσιν εν τριακοντα · και εν εξηκοντα · και εν εκατον ·
και ελεγεν αυτοις μητι ο λυχνος ερχεται · ινα υπο τον μοδιον τεθη · η υπο την κλεινην · ουχ ινα επι την λυχνιαν επιτεθη
ου γαρ εστιν τι κρυπτον εαν μη φανερωθη · ουδε εγενετο αποκρυφον · αλλα ινα εις φανερον ελθη ·
ει τις εχει ωτα ακουειν ακουετω ·
και ελεγεν αυτοις βλεπετε τι ακουετε · εν ω μετρω μετριται μετρηθησεται υμιν · και προστεθησεται υμειν τοις ακουουσιν ·
ος γαρ αν εχη δοθησεται αυτω και ος ουκ εχει · και ο εχει αρθησεται απ αυτου ·
και ελεγεν ουτως εστιν η βασιλεια του θυ · ως εαν ανος βαλη τον σπορον επι της γης ·
και καθευδη · και εγειρητε νυκτα και ημεραν · και ο σπορος βλαστανη και μηκυνηται · ως ουκ οιδεν αυτος ·
αυτοματη η γη καρποφορει πρωτον χορτον · ειτα σταχυν · ειτα πληρη σιτον εν τω σταχυι ·
οταν δε παραδω ο καρπος ευθεως αποστελλει το δρεπανον οτι παρεστηκεν ο θερισμος ·
και ελεγεν τινι ομοιωσωμεν την βασιλειαν του θυ · η εν ποια παραβολη παρααλωμεν αυτην
Примечания источника · 1
  • correction (not in the text): corrector (1)
ως κοκκον σιναπεως · ος οτ̣αν σπαρη επι της γης · μεικροτερος παντων των σπερματων των επι της γης εστιν ·
και οταν σπαρη αναβαινει και γεινεται παντων των λαχανων μειζον · και ποιει κλαδους μεγαλους ωστε δυνασθαι υπο την σκειαν αυτου τα πετεινα του ουνου κατασκηνουν
και τοιαυταις παραβολαις πολλαις ελαλει αυτοις τον λογον · καθως εδυναντο ακουειν ·
χωρεις δε παραβολης ουκ ελαλει αυτοις κατ ιδιαν δε τοις μαθηταις αυτου επελυεν παντα ·
και λεγει αυτοις εν εκεινη τη ημερα οψειας γενομενης διελθωμεν εις το περαν ·
και αφεντες αυτον παραλαμβανουσιν αυτον ως ην εν τω πλοιω · και αλλα δε πλοια ην μετ αυτου ·
και γεινεται λαιλαψ ανεμου μεγαλη · τα δε κυματα επεβαλλεν εις το πλοιον · ωστε αυτο ηδη γεμιζεσθαι ·
και ην αυτος εν τη πρυμνη επι το προσκεφαλαιον καθευδων · και διεγειρουσιν αυτον · και λεγουσιν αυτω · διδασκαλε · ου μελει σοι οτι απολλυμεθα ·
και διεγερθεις επετιμησεν τω ανεμω και ειπεν τη θαλασση σιωπα πεφειμωσο · και εκοπασεν ο ανεμος · και εγενετο γαληνη μεγαλη ·
και ειπεν αυτοις · τι δειλοι εσται ουτως · πως ουκ εχεται πιστιν ·
και εφοβηθησαν φοβον μεγαν · και ελεγον προς αλληλους τις αρα ουτος εστιν · οτι και ο ανεμος και η θαλασσα υπακουουσιν αυτω ·

Источник и условия: Александрийский кодекс (A, 02): транскрипция INTF NT.VMR · CC BY 4.0 · INTF NT.VMR transcription of Codex Alexandrinus (A, 02) (docID 20002), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · условия · источник

Закладки, заметки и место чтения хранятся только в этом браузере.