Skip to content

Mark · 15

Text display

Font size: 19px

Go to a reference
Same place in another edition

Anchor: Mark.15.1

Side by side

Tap a number or a passage to select it.

και ευθεως επι̣ το πρωι συμβουλιον ποιησαντες μετα των πρεσβυτερων και γραμματαιων · και ολον το συνεδριον δησαντες τον ιν απηνεγκαν και παρεδωκαν τω πειλα̣τω
Notes in the source · 1
  • correction (not in the text): corrector (1)
κ̣αι επηρωτησεν αυτον ο πειλατος συ ει ο βασιλευς των ιουδαιων · ο δε αποκριθεις ειπεν αυτω συ λεγεις ·
και κατηγορουν αυ̣του οι αρχιερεις πολλα
ο δε πειλατος παλιν επηρωτησεν αυτον λεγων · ουκ αποκρινη ουδεν ιδε ποσα σου καταμαρτυρουσιν ·
ο δε ις ουκετι ουδεν απεκριθη ωστε θαυμαζειν τον πειλατον ·
κατα δε εορτην απελυεν αυτοις ενα δεσμιον ον παρητουντο ·
ην δε ο λεγομενος βαραββας μετα των συνστασιαστων δεδεμενος · οιτεινες εν τη στασει φονον πεποιηκεισαν
και αναβοησας ο οχλος ηρξατο αιτεισθαι καθως αει εποιει αυτοις ·
ο δε πειλατος απεκριθη αυτοις λεγων · θελετε απολυσω υμιν τον βασιλεα των ιουδαιων ·
επεγεινωσκεν γαρ οτι δια φθονον παρεδωκεισαν αυτον οι αρχιερεις
οι δε αρχιερεις ανεσισαν τον οχλον ινα μαλλον τον βαραββαν απολυση αυτοις ·
ο δε πειλατος αποκριθεις παλιν ειπεν αυτοις · τι ουν θελεται ποιησω τον βασιλεα των ιουδαιων ·
οι δε παλιν εκραξαν λεγοντες σταυρωσον αυτον ·
ο δε πειλατος ελεγεν αυτοις τι γαρ κακον εποιησεν οι δε περισσως εκραζον σταυρωσον αυτον ·
ο δε πειλατος βουλομενος τω οχλω το ικανον ποιησαι · απελυσεν αυτοις τον βαραββαν · και παρεδωκεν τον ιν φραγελλωσας ινα σταυρωθη ·
οι δε στρατιωται απηγαγον αυτον εσω της αυλης · ο εστιν πραιτωριον · και συνκαλουσιν ολην την σπειραν ·
και ενδυουσιν αυτον πορφυραν και περιτιθεασιν αυτω πλεξαντες ακανθινον στεφανον ·
και ηρξαντο ασπαζεσθαι αυτον · χαιρε ο βασιλευς των ιουδαιων
και ετυπτον αυτου την κεφαλην καλαμω και ενεπτυον αυτω · και τιθεντες τα γονατα προσεκυνουν αυτω ·
και οτε ενεπεξαν αυτω εξεδυσαν αυτον την πορφυραν και ενεδυσαν αυτον τα ιματια τα ιδια και αγουσιν αυτον ινα σταυρωσουσιν αυτον
και αγγαρευουσιν παραγοντα τινα σιμωνα κηρυναιον ερχομενον απ ακρου τον πρα αλεξανδρου · και ρουφου ινα αρη το̣[ν] σταυρον αυτου
Notes in the source · 1
  • correction (not in the text): corrector (1)
και φερουσιν αυτον επι γολγοθα τοπον · ο εστιν μεθερμηνευομενος κρανιου τοπος
και εδιδουν αυτω πιειν εσμυρνισμενον οινον · ο δε ουκ ελαβεν ·
και σταυρωσαντες αυτον · διαμεριζονται τα ειματια αυτου βαλλοντες κληρον επ αυτα τις τι αρη ·
ην δε τριτη ωρα · και εσταυρωσαν αυτον ·
και ην η επιγραφη της αιτιας αυτου επιγεγραμμενη ο βασιλευς των ιουδαιων ·
και συν αυτω σταυρουσιν δυο ληστας ενα εκ δεξιων και ενα εξ ευωνυμων αυτου ·
και οι παραπορευομενοι εβλασφημουν αυτον κεινουντες τας κεφαλας αυτων · και λεγοντες · ουα ο καταλυων τον ναον και τρισιν ημεραις οικοδομων
σωσον σεαυτον · και καταβα απο του σταυρου ·
ομοιως και οι αρχιερεις εμπαιζοντες προς αλληλους μετα των γραμματαιων ελεγον αλλους εσωσεν εαυτον ου δυναται σωσαι ·
ο χς ο βασιλευς του ιηλ καταβατω νυν απο του σταυρου ινα ιδωμεν και πιστευσωμεν · και οι συνεσταυρωμενοι αυτω ωνειδιζον αυτον ·
γενομενης δε ωρας εκτης σκοτος εγενετο εφ ολην την γην · εως ωρας ενατης ·
και τη ωρα τη ενατη εβοησεν ο ις φωνη μεγαλη λεγων · ελωι · ελωι· λιμα σιβακθανει · ο εστιν μεθερμηνευομενον · ο θς ο θς μου εις τι με ενκατελειπες
και τινες των εκει εστηκοτων ακουσαντες ελεγον ιδου ηλειαν φωνει ·
δραμων δε εις και γεμισας σπογγον οξους · περιθεις τε καλαμω εποτιζεν αυτον · λεγων· αφετε ιδωμεν ει ερχεται ηλιας καθελειν αυτον ·
ο̣ δε ις αφεις φωνην μεγαλην εξεπνευσεν ·
και το καταπετασμα του ναου εσχισθη εις δυο · απο ανωθεν εως κατω ·
ιδων δε ο κεντυριων ο παρεστηκως εξ εναντιας αυτου οτι ουτως κραξας εξεπνευσεν ειπεν · αληθως ο ανος ουτος υς ην θυ ·
ησαν δε και γυναικες απο μακροθεν θεωρουσαι · εν αις ην και μαρια η μαγδαληνη · και μαρια η του ιακωβου του μεικρου · και ιωση μηρ · και σαλωμη
και οτε ην εν τη γαλιλαια ηκολουθουν αυτω · και διηκονουν αυτω · και αιτεραι πολλαι αι συναναβασαι αυτω εις ιεροσολυμα ·
και ηδη οψειας γενομενης επειδη ην παρασκευη ο εστιν προς σαββατον ·
ελθων ιωσηφ ο απο αριμαθαιας ευσχημων βουλευτης · ος και αυτος ην προσδεχομενος την βασιλειαν του θυ · τολμησας εισηλθεν προς πειλατον · και ητησατο το σωμα του ιυ ·
ο δε πειλατος εθαυμασεν ει ηδη τεθνηκεν · και προσκαλεσαμενος τον κεντυριωνα επηρωτησεν αυτον ει παλαι απεθανεν ·
και γνους απο του κεντυριωνος εδωρησατο το σωμα το ιωσηφ ·
Notes in the source · 1
  • correction (not in the text): corrector (1)
και αγορασας σινδονα · και καθελων αυτον ενειλησεν τη σινδονι · και καθηκεν αυτο εν μνημειω ο ην λελατομημενον εκ πετρας · και προσεκυλισεν λιθον επι την θυραν του μνημειου ·
η δε μαρια η μαγδαληνη · και μαρια η ιωσηφ εθεωρουν που τεθειτε

Source and terms: Codex Alexandrinus (A, 02): INTF NT.VMR transcription · CC BY 4.0 · INTF NT.VMR transcription of Codex Alexandrinus (A, 02) (docID 20002), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · terms · source

Bookmarks, notes and the reading position are stored only in this browser.