Перейти к содержанию

John · 12

Вид текста

Размер шрифта: 19px

Перейти к месту
То же место в другом издании

Опорное место: John.12.1

Сравнить рядом

Нажмите на номер или текст фрагмента, чтобы выбрать его.

ο ουν ις προ εξ ημερων του πασχα ηλθεν εις βηθανιαν οπου ην λαζαρος ο τεθνηκως ον ηγειρεν εκ νεκρων ο ις ·
εποι̣ησαν ουν αυτω διπνον εκει · και η μαρθα διηκονει · ο δε λαζαρος εις ην των ανακειμενων συν αυτω ·
η ουν μαρια λαβουσα λιτραν μυρου ναρδου πιστικης πολυτιμου ηλειψεν τους ποδας του ιυ · και εξεμαξεν ταις θρηξιν αυτης τους ποδας αυτου η δε οικια επληρωθη εκ της οσμης του μυρου
λεγει ουν εις εκ των μαθητων αυτου ιουδας σιμωνος ισκαριωτης · ο μελλων αυτον παραδιδοναι
δια τι τουτο το μυρον ουκ επραθη τριακοσιων δηναριων και εδοθη πτωχοις
ειπεν δε τουτο ουχ οτι περι των πτωχων εμελεν αυτω αλλ οτι κλεπτης ην · και το γλωσσοκομον ειχεν · και τα βαλλομενα εβασταζεν ·
ειπεν ουν ο ις αφες αυτην εις την ημεραν του ενταφιασμου μου τετηρηκεν αυτο ·
τους πτωχους γαρ παντοτε εχετε μεθ εαυτων εμε δε ου παντοτε εχετε ·
εγνω ουν οχλος πολυς εκ των ιουδαιων οτι εκει εστιν · και ηλθον ου δια τον ιν μονον · αλλ ινα και τον λαζαρον ιδωσιν ον ηγειρεν εκ νεκρων ο ις ·
εβουλευσαντο δε οι αρχιερεις ινα και τον λαζαρον αποκτεινωσιν ·
οτι πολλοι δι αυτον υπηγον των ιουδαιων και επιστευον εις τον ιν
τη επαυριον οχλος πολυς ο ελθων εις την εορτην ακουσαντες οτι ις ερχεται εις ιεροσολυμα
ελαβον τα βαια των φοινικων και εξηλθον εις απαντησιν αυτω · και εκραζον λεγοντες ωσαννα ευλογημενος ο ερχομενος εν ονοματι κυ βασιλευς του ιηλ ·
ευρων δε ο ις οναριον · εκαθεισεν επ αυτο καθως εστιν γεγραμμεν[ον]
μη φοβου θυγατηρ σειων [ιδου] ο βασιλευς ερχεται καθημενος επι πωλον ονου ·
ταυτα δε ουκ εγνωσαν οι μαθηται αυτου το πρωτον αλλ οτε εδοξασθη ις · τοτε εμνησθησαν οτι ταυτα ην επ αυτω γεγραμμενα · και ταυτα εποιησαν αυτω ·
εμαρτυρει ουν ο οχλος ο ων μετ αυτου οτε τον λαζαρον εφωνησεν εκ του μνημειου και ηγειρεν αυτον εκ νεκρων ·
δια τουτο και υπηντησεν αυτω ο οχλος · οτι ηκουσαν τουτο αυτον πεποιηκεναι το σημειον
οι ουν φαρισαιοι ειπον προς εαυτους θεωρειτε οτι ουκ ωφελειτε ουδεν ιδε ο κοσμος οπισω αυτου απηλθεν ·
ησαν δε τινες ελληνες εκ των αναβαινοντων ινα προσκυνησωσιν εν τη εορτη
ουτοι ουν προσηλθον φιλιππω τω απο βηθσαιδα της γαλιλαιας · και ηρωτων αυτον λεγοντες κε θελομεν τον ιν ιδειν ·
ερχεται φιλιππος και λεγει τω ανδρεα · ερχετε ανδρεας και φιλιππος και λεγουσιν τω ιυ ·
ο δε ις απεκρινατο αυτοις λεγων · εληλυθεν η ωρα ινα δοξασθη ο υιος του ανου ·
αμην αμην λεγω υμιν εαν μη ο κοκκος του σιτου πεσων εις την γην αποθανη αυτος μονος μενει · εαν δε αποθανη πολυν καρπον φερει ·
ο φιλων την ψυχην αυτου απολεσει αυτην · και ο μισων την ψυχην αυτου εν τω κοσμω τουτω εις ζωην αιωνιον φυλαξει αυτην ·
εαν εμοι τις διακονη · εμοι ακολουθειτω και οπου ειμι εγω εκει · και ο διακονος ο εμος εσται · και εαν τις εμοι διακονη τιμησει αυτον ο πηρ ·
νυν η ψυχη μου τεταρακται · και τι ειπω περ σωσον με εκ της ωρας ταυτης · αλλα δια τουτο ηλθον εις την ωραν ταυτην ·
π̣ερ δοξασον σου το ονομα η̣λθεν ουν φωνη εκ του ουνου · και εδοξασα και παλιν δοξασω ·
ο ουν οχλος ο εστηκως και ακουσας ελεγεν βροντην γεγονεναι αλλοι ελεγον αγγελος αυτω λελαληκεν
απεκριθη ο ις και ειπεν · ου δι εμε η φωνη αυτη γεγονεν αλλα δι υμας ·
νυν κρισις εστιν του κοσμου τουτου · νυν ο αρχων του κοσμου τουτου εκβληθησεται εξω ·
καγω εαν υψωθω εκ της γης παντας ελκυσω προς εμαυτον ·
τουτο δε ελεγεν σημαινων ποιω θανατω ημελλεν αποθνησκειν ·
απεκριθη αυτω ο οχλος ημεις ηκουσαμεν εκ του νομου οτι ο χς μενει εις τον αιωνα · και πως συ λεγεις οτι δει υψωθηναι τον υιον του ανου τις εστιν ουτος ο υιος του ανου ·
ειπεν ουν αυτοις ο ις · ετι μικρον χρονον το φως μεθ υμων εστιν περιπατειτε ως το φως εχετε ινα μη σκοτια υμας καταβη και ο περιπατων εν τη σκοτια ουκ οιδεν που υπαγει ·
ως το φως εχετε πιστευεται εις το φως · ινα υιοι φωτος γενησθε ταυτα ελαλησεν ο ις και απελθων εκρυβη απ αυτων ·
τοσαυτα δε αυτου σημεια πεποιηκοτος εμπροσθεν αυτων ουκ επιστευον εις αυτον
ινα ο λογος ησαιου του προφητου πληρωθη ον ειπεν · κε τις επιστευσεν τη ακοη ημων · και ο βραχιων κυ τινι απεκαλυφθη ·
δια τουτο ουκ ηδυναντο πιστευειν · οτι παλιν ειπεν ησαιας ·
τετυφλωκεν αυτων τους οφθαλμους · και επωρωσεν αυτων την καρδιαν · ινα μη ιδωσιν τοις οφθαλμοις · και νοησωσιν τη καρδια και επιστραφωσιν και ιασομαι αυτους
ταυτα ειπεν ησαιας οτι ιδεν την δοξαν αυτου και ελαλησεν περι αυτου ·
ομως μεντοι και εκ των αρχοντων πολλοι επιστευσαν εις αυτον · αλλα δια τους φαρισαιους ουχ ωμολογουν ινα μη αποσυναγωγοι γενωνται
ηγαπησαν γαρ την δοξαν των ανων μαλλον ηπερ την δοξαν του θυ
ις δε εκραζεν και ειπεν ο πιστευων εις εμε ου πιστευει εις εμε αλλ εις τον πεμψαντα με
Примечания источника · 1
  • correction (not in the text): corrector (1)
και ο θεωρων εμε θεωρει τον πεμψαντα με ·
εγω φως εις τον κοσμον εληλυθα · ινα πας ο πιστευων εις εμε εν τη σκοτια μη μεινη ·
και εαν τις μου ακουση των ρηματων και μη φυλαξη εγω ου κρινω αυτον · ου γαρ ηλθον ινα κρινω τον κοσμον αλλ ινα σωσω τον κοσμον ·
ο αθετων εμε και μη λαμβανων τα ρηματα μου εχει τον κρινοντα αυτον · ο λογος ον ελαλησα εκεινος κρινει αυτον εν τη εσχατη ημερα ·
οτι εγω εξ εμαυτου ουκ ελαλησα αλλ ο πεμψας με πηρ αυτος μοι εντολην δεδωκεν τι ειπω και τι λαλησω ·
και οιδα οτι η εντολη αυτου ζωη αιωνιος εστιν α ουν εγω λαλω καθως ειρηκεν μοι ο πηρ ουτως λαλω ·

Источник и условия: Александрийский кодекс (A, 02): транскрипция INTF NT.VMR · CC BY 4.0 · INTF NT.VMR transcription of Codex Alexandrinus (A, 02) (docID 20002), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · условия · источник

Закладки, заметки и место чтения хранятся только в этом браузере.