ως δε εκριθη του αποπλειν ημας εις την ιταλειαν παρεδιδου τον τε παυλον · και τεινας ετερους δεσμωτας · εκατονταρχη ονοματι ιουλιω σπειρης σεβαστης ·
επιβαντες δε πλοιω αδραμυντηνω μελλοντι πλειν εις τους κατα την ασιαν τοπους ανηχθημεν · οντος συν ημιν αρισταρχου μακεδονος θεσσαλονικεως ·
τη τε ετερα κατηχθημεν εις σιδωνα · φιλανθρωπως τε ο ιουλιανος τω παυλω χρησαμενος · επετρεψεν προς τους φιλους πορευθεντι επιμελειας τυχειν ·
κακειθεν αναχθεντες υπεπλευσαμεν την κυπρον δια το τους ανεμους ειναι εναντιους ·
το τε πελαγος το κατα την κιλικιαν και παμφυλιαν διαπλευσαντες · κατηλθαμεν εις λυστρα της λικυας ·
κακειθεν ευρων ο εκατονταρχης πλοιον αλεξανδρινον πλεον εις την ιταλιαν · ενεβιβασεν ημας εις αυτο ·
εν ικαναις δε ημεραις βραδυπλοουντες και μολις γενομενοι κατα την κνιδον μη προσεωντος ημας του ανεμου υπεπλευσαμεν την κρητην κατα σαλμωνην ·
μολις τε παραλεγομενοι αυτην ηλθομεν εις τοπον καλουμενον καλους λιμενας · ω εγγυς πολις ην αλασσα ·
ικανου δε χρονου διαγενομενου · και οντος ηδη επισφαλους του πλοος · δια το και την νηστειαν ηδη παρεληλυθεναι παρηνει ο παυλος
λεγων αυτοις · ανδρες θεωρω οτι μετα υβρεως και πολλης ζημιας · ου μονον του φορτιου και του πλοιου · αλλα και των ψυχων ημων μελλειν εσεσθαι τον πλουν
ο δε εκατονταρχης τω κυβερνητη και τω ναυκληρω μαλλον επιθετο η τοις υπο παυλου λεγομενοις ·
ανευθετου δε του λιμενος υπαρχοντος προς παραχιμασιαν οι πλειονες εθεντο βουλην αναχθηναι εκειθεν · ει πως δυνανται καταντησαντες εις φοινικα παραχειμασαι · λιμενα της κρητης βλεποντα κατα λιβα και κατα χωρον ·
υποπνευσαντος δε νοτου δοξαντες της προθεσεως κεκρατηκεναι · αραντες ασσον παρελεγοντο την κρητην
μετ ου πολυ δε εβαλεν κατ αυτης ανεμος τυφωνικος ο καλουμενος ευρακυλων ·
συναρπασθεντος δε του [πλοιου] και μη δυναμενου αντο[φθαλ]μειν τω ανεμω · επειδον[τες] εφερομεθα
νησιον δε τι υ̣[πο]δραμοντες καλουμενον κλα[υδα] ισχυσαμεν μολις περικρατεις γενεσθαι της σκαφης ·
ην αραντες βοηθειαις εχρωντο υποζωννυντες το πλοιον φοβουμενοι τε μη εις την συρτιν εκπεσωσιν · χαλασαντες το σκευος ουτως εφεροντο ·
σφοδρως τε χειμαζομενων ημων τη εξης εκβολην εποιουντο ·
και τη τριτη αυτοχειρες την σκευην του πλοιου ερριψαν ·
μητε δε ηλιου μητε αστρων επιφαινοντων επι πλειονας ημερας · χειμωνος τε ουχ ολιγου επικειμενου · λοιπον περιηρειτο ελπις πασα του σωζεσθαι ημας
πολλης τε ασιτιας υπαρχουσης · σταθεις ο παυλος εμμεσω αυτων ειπεν · εδει μεν ω ανδρες πειθαρχησαντας μοι μη αναγεσθαι απο της κρητης · κερδησαι τε την υβριν ταυτην και την ζημιαν
και τα νυν παραινω υμας ευθυμειν · αποβολη γαρ ψυχης ουδεμια εσται εξ υμων πλην του πλοιου ·
παρεστη γαρ μοι ταυτη τη νυκτι του θυ ου ειμι εγω ω και λατρευω αγγελος
λεγων μη φοβου παυλε καισαρι σε δει παραστηναι · και ιδου κεχαρισται σοι ο θς παντας τους πλεοντας μετα σου
διο ευθυμειτε ανδρες · πιστευω γαρ τω θω οτι ουτως εσται καθ ον τροπον λελαληται μοι ·
εις νησον δε τινα δει ημας εκπεσειν ·
ως δε τεσσαρεσκαιδεκατη νυξ επεγενετο διαφερομενων ημων εν τω αδρια κατα μεσον της νυκτος υπενοουν οι ναυται προσαγειν τινα αυτοις χωραν .
και βολισαντες ευρον οργυιας εικοσι · βραχυ δε διαστησαντες και βαλιν βολισαντες ευρον οργυιας δεκαπεντε .
[φ]οβουμενοι τε μηπω κατα τ̣ραχεις τοπους εκπεσωμεν εκ πρυμνης ριψαντες αγκυρας τεσσαρας ηυχοντο ημεραν γενεσθαι ·
των δε ναυτων ζητουντων εκφυγειν εκ του πλοιου και χαλασαντων την σκαφην εις την θαλασσαν προφασει ως εκ πρωρης αγκυρας μελλοντων εκτινειν
ειπεν ο παυλος τω εκατονταρχη και τοις στρατιωταις εαν μη ουτοι μεινωσιν εν τω πλοιω υμεις σωθηναι ου δυνασθαι ·
τοτε απεκοψαν οι στρατιωται τα σχοινια της σκαφης · και ιασαν αυτην εκπεσειν
αχρι δε ου ημερα εμελλεν γεινεσθαι παρεκαλει ο παυλος απαντας μεταλαβειν τροφης λεγων τεσσαρεσκαιδεκατην σημερον ημεραν προσδοκωντες ασιτοι διατελειτε · μηθεν προσλαμβανομενοι
διο παρακαλω υμας μεταλαβειν τροφης · τουτο γαρ προς της ημετερας σωτηριας υπαρχει · ουθενος γαρ υμων θριξ απο της κεφαλης απολειται
ειπας δε ταυτα · και λαβων αρτον ευχαριστησεν τω θω ενωπιον παντων · και κλασας ηρξατο εσθιειν ·
ευθυμοι δε γενομενοι παντες και αυτοι προσελαβον τροφης ·
ημεθα δε πασαι ψυχαι εν τω πλοιω διακοσιαι εβδομηκοντα πεντε ·
κορεσθεντες δε τροφης εκουφιζον το πλοιον εκβαλλομενοι τον σιτον εις την θαλασσαν ·
οτε δε ημερα εγενετο την γην ουκ επεγινωσκον · κολπον δε τινα κατενοουν εχοντα αιγιαλον προς ον εβουλοντο ει δυναιντο εξωσαι το πλοιον ·
και τας αγκυρας περιελοντες ειων εις την θαλασσαν · αμα ανεντες τας ζευκτηριας των πηδαλιων · και επαραντες τον αρτεμωνα τη πνευουση κατειχον εις τον αιγιαλον ·
περιπεσοντες δε εις τοπον διθαλασσον επεκειν την ναυν · και η μεν πρωτη ερισασα εμενεν ασαλευτος · η δε πρυμνα ελυετο υπο της βιας ·
Примечания источника · 1
- correction (not in the text): corrector (1)
των δε στρατιωτων βουλη εγενετο ινα τους δεσμωτας αποκτεινωσιν · μη τις εκκολυμβησας διαφυγη
ο δε εκατονταρχης βουλομενος τον παυλον διασωσαι εκωλυσεν αυτους του βουληματος · εκελευσεν τε τους δυναμενους κολυμβαν απορριψαντας πρωτους επι την γην εξιεναι ·
και τους λοιπους ους μεν επι σανισιν · ους δε επι τινων των απο του πλοιου και ουτως εγενετο παντας διασωθηναι επι την γην