Skip to content

Acts · 19

Text display

Font size: 19px

Go to a reference
Same place in another edition

Anchor: Acts.19.1

Side by side

Tap a number or a passage to select it.

εγενετο δε εν τω τον απολλω ειναι εν κορινθω παυλον διελθοντα τα ανωτερικα μερη · κατελθειν εις εφεσον και ευρειν τινας μαθητας ·
Notes in the source · 1
  • correction (not in the text): corrector (1)
ειπεν τε προς αυτους · ει πνα αγιον ελαβετε πιστευσαντες · οι δε προς αυτον · αλλ ουδ ει πνα αγιον εστιν ηκουσαμεν ·
ο δε ειπεν εις τι ουν εβαπτισθητε · οι δε ειπαν εις το ιωαννου βαπτισμα ·
ειπεν δε παυλος · ιωαννης εβαπτισεν βαπτισμα μετανοιας τω λαω λεγων εις τον ερχομενον μετ αυτον · ινα πιστευσωσιν τουτ εστιν εις τον ιν ·
ακουσαντες δε εβαπτισθησαν εις το ονομα του κυ ιυ ·
και επιθεντος αυτοις του παυλου χειρας · ηλθε το πνα το αγιον επ αυτους · ελαλουν τε γλωσσαις · και επροφητευον ·
ησαν δε οι παντες ανδρες ωσει δωδεκα ·
εισελθων δε εις την συναγωγην · επαρρησιαζετο επι μηνας τρεις διαλεγομενος και πειθων τα περι της βασιλειας του θυ ·
ως δε τινες εσκληρυνοντο και ηπειθουν · κακολογουντες την οδον ενωπιον του πληθους αποστας απ αυτων αφωρισεν τους μαθητας · καθ ημεραν διαλεγομενος εν τη σχολη τυραννου ·
τουτο δε εγενετο επι ετη δυο · ωστε παντας τους κατοικουντας την ασιαν ακουσαι [τ]ον λογον του κυ ιουδαιους τε κ̣αι ελληνας ·
δυναμεις τε ο̣υ τας τυχουσας ο θς εποιει δια των χειρων παυλου ·
ωστε και επι τους ασθενουντας αποφερεσθαι απο του χρωτος αυτου · σουδαρια η σιμικινθια και απαλλασσεσθαι απ αυτων τας νοσους · τα τε πνατα τα πονηρα εκπορευεσθαι ·
επεχειρησαν δε τεινες και των περιερχομενων ιουδαιων εξορκιστων ονομαζειν επι τους εχοντας τα πνευματα τα πονηρα το ονομα του ιυ ιυ λεγοντες · ορκιζω υμας τον ιν ον παυλος κηρυσσει ·
Notes in the source · 1
  • correction (not in the text): corrector (1)
ησαν δε τινες σκευια ιουδαιου αρχιερεως επτα υιοι τουτο ποιουντες ·
αποκριθεν δε το πνα το πονηρον ειπεν αυτοις · τον ιν γινωσκω · και τον παυλον επισταμαι · υμεις δε τεινες εστε ·
και εφαλομενος ο ανος επ αυτους εν ω ην το πνα το πονηρον κατακυριευσαν αμφοτερων ισχυσεν κατ αυτων · ωστε γυμνους και τετραυματισμενους εκφυγειν αυτους εκ του οικου εκεινου ·
τουτο δε εγενετο γνωστον πασιν · ιουδαιοις τε και ελλησιν τοις κατοικουσιν εφεσον · και επεσεν φοβος επι παντας αυτους · και εμεγαλυνετο το ονομα του κυ ιυ ·
Notes in the source · 1
  • correction (not in the text): corrector (1)
πολλοι τε των πεπιστευκοτων ηρχοντο εξομολογουμενοι και αναγγελλοντες τας πραξεις αυτων ·
ικανοι δε των τα περιεργα πραξαντων · συνενεγκαντες τας βιβλους κατεκαιον ενωπιον παντων · και συνεψηφισαν τας τιμας αυτων και ευρον αργυριου μυριαδας πεντε ·
ουτως κατα κρατος του κυ ο λογος ηυξανε και ισχυεν
ως δε επληρωθη ταυτα · εθετο ο παυλος εν τω πνι διελθειν την μακαιδονιαν και την αχαιαν πορευεσθαι εις ιεροσολυμα ειπων οτι μετα το γενεσθαι με εκει δι με και ρωμην ιδειν ·
αποστειλας δε εις την μακαιδονιαν δυο των διακονουν αυτων τιμοθεον · και εραστον · αυτος επεσχεν χρονον εις την ασιαν ·
εγενετο δε κατα τον καιρον εκεινον ταραχος ουχ ολιγος περι της οδου ·
δημητριος γαρ τις ονοματι αργυροκοπος · ποιων ναους αργυρους αρτεμιδος παρειχε τοις τεχνιταις · ουκ ολιγην εργασιαν ·
Notes in the source · 1
  • correction (not in the text): corrector (1)
ους συναθροισας · και τους περι τα τοιαυτα εργατας · ειπεν · ανδρες επιστασθε οτι εκ ταυτης της εργασιας η ευπορια ημιν εστιν
και θεωρειτε και ακουετε · οτι ου μονον εφεσου · αλλα και σχεδον πασης της ασιας · ο παυλος ουτος πεισαν μετεστησεν ικανον οχλον λεγων · οτι ουκ εισιν θεοι οι δια χειρων γινομενοι ·
ου μονον δε τουτο το μερος κινδυνευει ημιν εις απελεγμον ελθειν · αλλα και το της μεγαλης θεας αρτεμιδος ιερον εις ουθεν λογισθησεται · μελλει τε · και καθερεισθε της μεγαλειοτητος αυτης · ην ολη η ασια · και η οικουμενη σεβεται
Notes in the source · 1
  • correction (not in the text): corrector (1)
ακουσαντες δε και γενομενοι πληρης θυμου εκραζον λεγοντες μεγαλη η αρτεμις εφεσιων ·
και επλησθη η πολις της συγχυσεως · ωρμησαν τε ομοθυμαδον εις το θεατρον · συναρπασαντες γαιον · και αρισταρχον μακεδονας · συνεκδημους παυλου ·
παυλου δε βουλομενου εισελθειν εις τον δημον ουκ ειων αυτον οι μαθηται ·
τινες δε και των ασιαρχων οντες αυτω φιλοι πεμψαντες προς αυτον παρεκαλουν μη δουναι εαυτον εις το θεατρον ·
αλλοι μεν ουν αλλο τι εκραζον · ην γαρ η εκκλησια συνκεχυμενη · και οι πλειους ουκ ηδεισαν τινος ενεκα συνεληλυθεισαν
εκ δε του οχλου συνεβιβασαν αλεξανδρον προβαλοντων αυτον των ιουδαιων · ο ουν αλεξανδρος κατασεισας την χειρα ηθελεν απολογεισθε τω δημω ·
επιγνοντες δε οτι ιουδαιος εστιν φωνη εγενετο μια εκ παντων ως επι ωρας δυο κραζοντες · μεγαλη η αρτεμις εφεσιων ·
καταστειλας δε ο γραμματευς τον οχλον φησιν · ανδρες εφεσιοι τις γαρ εστιν ανων · ος ου γινωσκει την εφεσιων πολιν νεωκορον ουσαν της μεγαλης αρτεμιδος · και του διοπετους
αναντιρρητων ουν τουτων οντων · δεον εστιν υμας κατεσταλμενους υπαρχειν · και μηδεν προπετες πρασσειν ·
ηγαγετε γαρ τους ανδρας τουτους ουτε ιεροσυλους · ουτε βλασφημουντας την θεον ημων ·
ει μεν ουν δημητριοις και οι συν αυτω τεχνιται εχουσιν προς τινα λογον αγοραιοι αγονται · και ανθυπατοι εισιν · εγκαλειτωσαν αλληλοις
Notes in the source · 1
  • correction (not in the text): corrector (1)
ει δε τι περι ετερων επιζητειτε εν τη εννομω εκκλησια επιλυθησεται ·
και γαρ κινδυνευομεν εγκαλεισθαι στασεως περι της σημερον μηδενος αιτιου υπαρχοντος · περι ου ου δυνησομεθα αποδουναι λογον περι της συστροφης ταυτης και ταυτα ειπων απελυσεν την εκκλησιαν ·

Source and terms: Codex Alexandrinus (A, 02): INTF NT.VMR transcription · CC BY 4.0 · INTF NT.VMR transcription of Codex Alexandrinus (A, 02) (docID 20002), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · terms · source

Bookmarks, notes and the reading position are stored only in this browser.