Skip to content

2Cor · 3

Text display

Font size: 19px

Go to a reference
Same place in another edition

Anchor: 2Cor.3.1

Side by side

Tap a number or a passage to select it.

αρχομεθα παλιν εαυτους συνιστανειν · ει μη χρηζομεν ωσπερ τινες συστατικων επιστολων προς υμας η εξ υμων ·
η επιστολη ημων υμεις εστε ενγεγρα̣μμενη εν ταις καρδιαις ημων · γινωσκομενη και αναγινωσκομενη υπο παντων ανων ·
φανερουμενοι οτι εσται επιστολη χυ διακονηθεισα υφ ημων ενγεγραμμενη ου μελανι αλλα πνι θυ ζωντος ουκ εν πλαξιν λιθιναις αλλ εν πλαξιν κ̣αρδιαις σαρκιναις
πεποιθησιν δε τοιαυτην εχω δια του χυ προς τον θν ·
ουχ οτι ικανοι εσμεν λογισασθαι τι αφ εαυτων ως εξ ε̣αυτων · αλλ η ικανοτης ημων εκ του θυ ·
ος και ικανωσεν ημας διακονους καινης διαθηκης ου γραμματος αλλα πνς · το γαρ γραμμα αποκτενει το δε πνα ζωοποιει ·
ει δε η διακονια του θανατου εν γραμμασιν εντετυπωμενη λιθοις · εγενηθη εν δοξη · ωστε μη δυνασθαι ατενισαι τους υιους ιηλ εις το προσωπον μωσεως δια την δοξαν του προσωπου αυτου την καταργουμενην ·
πως ουχι μαλλον η διακονια του πνς εσται εν δοξη ·
ει γαρ τη διακονια της κατακρισεως δοξα πολλω μαλλον περισσευει η διακονια της δικαιοσυνης δοξη ·
και γαρ ου δεδοξασται το δεδοξασμενον εν τουτω τω μερει · εινεκεν της υπερβαλλουσης δοξης ·
ει γαρ το καταργουμενον δια δοξης πολλω μαλλον το μενον εν δοξη
εχοντες ουν τοιαυτην ελπιδα πολλη παρρησια χρωμεθα ·
και ου καθαπερ μωσης ετιθει καλυμμα επι το προσωπον αυτου προς το μη ατενισαι τους υιους ιηλ εις το προσωπον του καταργουμενου
αλλ επωρωθη τα νοηματα αυτων · αχρι γαρ της σημερον ημερας το αυτο καλυμμα επι τη αναγνωσει της παλαιας διαθηκης μενει μη ανακαλυπτομε̣νον οτι εν χω καταργειται ·
αλλ εως σημερον ηνικα αν αναγινωσκητ̣αι μωσης καλυμμα επι την καρδιαν αυτων κειται ·
ηνικα δε εαν επιστρεψη προς κν περιαιρειτε το καλυμμα ·
ο δε κς το πνα εστιν · ου δε το πνα κυ ελευθερια ·
ημεις δε παντες ανακεκαλυμμενω προσωπω την δοξαν κυ κατοπτριζομενοι · την αυτην εικονα μεταμορφουμενοι απο δοξης εις δοξαν καθαπερ απο κυ πνς ·

Source and terms: Codex Alexandrinus (A, 02): INTF NT.VMR transcription · CC BY 4.0 · INTF NT.VMR transcription of Codex Alexandrinus (A, 02) (docID 20002), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · terms · source

Bookmarks, notes and the reading position are stored only in this browser.