Перейти к содержанию

Книга Иова · Глава 17

Вид текста

Размер шрифта: 19px

Перейти к месту
То же место в другом издании

Опорное место: Job.17.1

Сравнить рядом

Нажмите на номер или текст фрагмента, чтобы выбрать его.

Тлѣ́ю дꙋ́хомъ носи́мь, прошꙋ́ же гро́ба и҆ не ѹ҆лꙋча́ю.
Молю̀ болѣ́знꙋѧ, и҆ что̀ сотворю̀; ѹ҆крадо́ша же мѝ и҆мѣ́нїе чꙋжді́и.
Кто́ є҆сть се́й; рꙋко́ю мое́ю свѧ́занъ да бꙋ́детъ.
Ꙗ҆́кѡ се́рдце и҆́хъ сокры́лъ є҆сѝ ѿ мꙋ́дрости, сегѡ̀ ра́ди да не вознесе́ши и҆́хъ.
Ча́сти возвѣсти́тъ ѕлѡ́бы: ѻ҆́чи же на сынѣ́хъ и҆ста́ѧста.
Положи́лъ же мѧ̀ є҆сѝ въ при́тчꙋ во ꙗ҆зы́цѣхъ, смѣ́хъ же бы́хъ и҆̀мъ.
Ѡ҆слѣпо́ста бо ѿ гнѣ́ва ѻ҆́чи моѝ, повоева́нъ бы́хъ вельмѝ ѿ всѣ́хъ:
чꙋ́до ѡ҆б̾ѧ̀ и҆́стинныхъ ѡ҆ се́мъ, пра́ведникъ же на беззако́нника да воста́нетъ:
да содержи́тъ же вѣ́рный пꙋ́ть сво́й, чи́стый же рꙋка́ма да прїи́метъ де́рзость.
Но ѻ҆ба́че всѝ належи́те и҆ прїиди́те, не бо̀ ѡ҆брѣта́ю въ ва́съ и҆́стины.
Дні́е моѝ преидо́ша въ тече́нїи, расторго́шасѧ же ѹ҆́дове се́рдца моегѡ̀.
Но́щь въ де́нь преложи́хъ: свѣ́тъ бли́з̾ ѿ лица̀ тмы̀.
А҆́ще бо стерплю̀, а҆́дъ мѝ є҆́сть до́мъ, въ сꙋмра́цѣ же постла́сѧ мѝ посте́лѧ.
Сме́рть назва́хъ ѻ҆тца̀ моего̀ бы́ти, ма́терь же и҆ сестрꙋ́ ми гно́й.
Гдѣ̀ ѹ҆́бѡ є҆щѐ є҆́сть мѝ наде́жда, и҆лѝ блага̑ѧ моѧ̑ ѹ҆зрю̀;
и҆лѝ со мно́ю во а҆́дъ сни́дꙋтъ, и҆лѝ вкꙋ́пѣ въ пе́рсть сни́демъ.

Источник и условия: Церковнославянская Библия, Елизаветинская редакция (1751/1756) · CC BY-SA 4.0 · Бі́блїа, си́рѣчь кни̑ги сщ҃е́ннагѡ писа́нїѧ ве́тхагѡ и҆ но́вагѡ завѣ́та (Church Slavonic Bible, Elizabethan redaction, Moscow 1751, corrected 1756). Transcription by Wikisource contributors, wikisource.org page 'Бі́блїа' (index revision 936404) and its 76 book pages, each tagged {{PD-old}}. Changes: wiki markup, verse numerals and page templates removed, drop capitals joined to the verse. · условия · источник

Закладки, заметки и место чтения хранятся только в этом браузере.