Перейти к содержанию

Acts · 25

Вид текста

Размер шрифта: 19px

Перейти к месту
То же место в другом издании

Опорное место: Acts.25.1

Сравнить рядом

Нажмите на номер или текст фрагмента, чтобы выбрать его.

φηστος ουν επιβας τη επαρχια μετα τρεις ημερας ανεβη εις ιεροσολυμα απο καισαρειας
ενεφανισαν τε αυτω οι αρχιερεις και οι πρωτοι των ιουδαιων κατα του παυλου και παρεκαλουν αυτον
αιτουμενοι χαριν παρ αυτου οπως μεταπεμψηται αυτου εις ιλημ ενεδραν ποιουντες ανελειν αυτον κατα την οδον
Примечания источника · 1
  • correction (not in the text): corrector3 (1)
ο μεν ουν φηστος απεκριθη τηρεισθαι τον παυλον εις καισαρειαν εαυτον δε μελλειν εν ταχει εκπορευεσθαι
οι ουν εν υμιν φησιν δυνατοι συνκαταβαντες ει τι εστιν εν τω ανδρι ατοπον κατηγορειτωσαν αυτου
διατριψας δε εν αυτοις ημερας · ου πλειους οκτω η δεκα καταβας εις καισαρειαν · τη επαυριον καθισας επι του βηματος εκελευσεν τον παυλον αχθηναι
παραγενομενου δε αυτου περιεστησαν αυτον οι απο ιεροσολυμων καταβεβηκοτες ιουδαιοι πολλα και βαρεα αιτιωματα καταφεροντες α ουκ ισχυον αποδειξαι ·
του παυλου απολογουμενου οτι ουτε εις τον νομον των ιουδαιων ουτε εις το ιερον ουτε εις καισαρα τι ημαρτον
ο φηστος δε θελων τοις ιουδαιοις χαριν καταθεσθαι αποκριθεις τω παυλω ειπεν . θελεις εις ιεροσολυμα αναβας εκει περι τουτων κριθηναι επ εμου
ειπεν δε ο παυλος επι του βηματος καισαρος εστως ειμι ου με δει κρινεσθαι ιουδαιους ουδεν ηδικησα ως και συ καλλιον γινωσκεις .
ει μεν ουν αδικω και αξιον θανατου πεπραχα τι ου παραιτουμαι το αποθανιν · ει δε ουδεν εστιν ων ουτοι κατηγορουσιν μου · ουδεις με δυναται τουτοις χαρισασθαι καισαρα επικαλουμαι ·
τοτε ο φηστος συνλαλησας μετα του συνεδριου απεκριθη καισαρα επικεκλησαι · επι καισαρα πορευση
ημερων δε διαγενομενων τινων αγριππας ο βασιλευς και βερη̣νικη κατηντησεν εις καισαρειαν […] μενοι τον φηστον .
Примечания источника · 2
  • correction (not in the text): corrector2 (2)
  • lacuna: […] marks missing text (nothing restored)
ως δε πλειους ημερας διετριβον εκει ο φηστος τω βασιλει ανεθετο τα κατα τον παυλον λεγων ανηρ τις εστιν καταλελειμμενος υπο φηλικος δεσμιος
περι ου γενομενου μου εις ιεροσολυμα ενεφανισαν οι αρχιερεις και οι πρεσβυτεροι των ιουδαιων αιτουμενοι κατ αυτου καταδικην ·
προς ους απεκριθην οτι ουκ εστιν εθος ρωμαιοις χαριζεσθαι τινι ανον πριν η ο κατηγορουμενος κατα προσωπον εχοι τους κατηγορους τοπον τε απολογιας λαβοι περι του ενκληματος .
συνελθοντων ουν ενθαδε αυτων αναβολην μηδεμιαν ποιησαμενος τη εξης καθισας επι του βηματος εκελευσα αχθηναι τον ανδρα ·
περι ου σταθεντες οι κατηγοροι ουδεμιαν αιτιαν εφερον ων εγω υπενοουν πονηραν .
Примечания источника · 1
  • correction (not in the text): corrector2 (1)
ζητηματα δε τινα περι της ιδιας δεισιδαιμονιας ειχον προς αυτον και περι τινος ιυ τεθνηκοτος ον εφασκεν ο παυλος ζην
απορουμενος δε εγω εις την περι τουτων ζητησιν ελεγον ει βουλοιτο πορευεσθαι εις ιεροσολυμα κακει κρινεσθαι περι τουτων
του δε παυλου επικαλεσαμενου τηρεισθαι αυτον εις την του σεβαστου διαγνωσιν εκελευσα τηρεισθαι αυτον εως ου αναπεμψω αυτον προς καισαρα
αγριππας δε προς τον φηστον εφη εβουλομην και αυτος του ανου ακουσαι ο δε αυριον φησιν ακουση αυτου ·
τη ουν επαυριον ελθοντος του αγριππα και της βερονικης μετα πολλης φαντασιας και εισελθοντων εις το ακροατηριον συν τε χιλιαρχοις ανδρασιν τοις καθ εξοχην της πολεως και κελευσαντος του φηστου ηχθη ο παυλος
και φησιν ο φηστος αγριππα βασιλευ και παντες οι συνπαροντες ημιν ανδρες θεωρειτε τουτον περι ου απαν το πληθος των ιουδαιων ενετυχον μοι εν τε ιεροσολυμοις και ενθαδε επιβοωντες μη δειν αυτον ζην μηκετι ·
εγω δε κατελαβομην μηδεν αξιον αυτον θανατου πεπραχεναι αυτου δε τουτου επικαλεσαμενου τον σεβαστον εκρινα πεμπειν
περι ου ασφαλως τι γραψαι τω κυριω ουκ εχω διο προηγαγον αυτον εφ υμων · και μαλιστα επι σου βασιλευ αγριππα οπως της ανακρισεως γενομενης σχω τι γραψω
αλογον γαρ μοι δοκει πεμποντα δεσμιον μη και τας κατ αυτου αιτιας σημαναι

Источник и условия: Кодекс Ефрема Сирина, палимпсест (C, 04): транскрипция INTF NT.VMR · CC BY 4.0 · INTF NT.VMR transcription of Codex Ephraemi Rescriptus (C, 04) (docID 20004), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · условия · источник

Закладки, заметки и место чтения хранятся только в этом браузере.