Skip to content

Matt · 2

Text display

Font size: 19px

Go to a reference
Same place in another edition

Anchor: Matt.2.1

Side by side

Tap a number or a passage to select it.

του δε ιυ γεννηθεντος εν βηθλεεμ της ιουδαιας εν ημεραις ηρωδου του βασιλεως ιδου μαγοι απο ανατολων παρεγενοντο εις ιεροσολυμα
λεγοντες που εστιν ο τεχθεις βασιλευς των ιουδαιων ειδομεν γαρ αυτου τον αστερα εν τη ανατολη και ηλθομεν προσκυνησαι αυτω
ακουσας δε ο βασιλευς ηρωδης εταραχθη και πασα ιεροσολυμα μετ αυτου
και συναγαγων παντας τους αρχιερεις και γραμματεις του λαου επυνθανετο παρ αυτων που ο χς γενναται
οι δε ειπαν αυτω εν βηθλεεμ της ιουδαιας ουτως γαρ γεγραπται δια του προφητου
και συ βηθλεεμ γη ιουδα ουδαμως ελαχιστη ει εν τοις ηγεμοσιν ιουδα εξ σου γαρ εξελευσεται ηγουμενος οστις ποιμανει τον λαον μου τον ισραηλ
Notes in the source · 1
  • correction (not in the text): corrector2 (1)
τοτε ηρωδης λαθρα καλεσας τους μαγους ηκρειβωσεν παρ αυτων τον χρονον του φαινομενου αστερος
Notes in the source · 1
  • correction (not in the text): corrector2 (1)
και πεμψας αυτους εις βηθλεεμ ειπεν πορευθεντες εξετασατε ακρειβως περι του παιδιου επαν δε ευρητε απαγγειλατε μοι οπως καγω ελθων προσκυνησω αυτω
Notes in the source · 1
  • correction (not in the text): corrector2 (2)
οι δε ακουσαντες του βασιλεως επορευθησαν και ιδου ο αστηρ ον ειδον εν τη ανατολη προηγεν αυτους εως ελθων εσταθη επανω ου ην το παιδιον
ιδοντες δε τον αστερα εχαρησαν χαραν μεγαλην σφοδρα
και ελθοντες εις την οικιαν ειδον το παιδιον μετα μαριας της μητρος αυτου και πεσοντες προσεκυνησαν αυτω και ανοιξαντες τους θησαυρους αυτων προσηνεγκαν αυτω δωρα χρυσον και λιβανον και σμυρναν
και χρηματισθεντες κατ οναρ μη ανακαμψαι προς ηρωδην δι αλλης οδου ανεχωρησαν εις την χωραν αυτων
αναχωρησαντων δε αυτων εις την χωραν αυτων ιδου αγγελος κυ κατ οναρ εφανη τω ιωσηφ λεγων εγερθεις παραλαβε το παιδιον και την μητερα αυτου και φευγε εις αιγυπτον και ισθι εκει εως αν ειπω σοι μελλει γαρ ηρωδης ζητειν το παιδιον του απολεσαι αυτο
ο δε εγερθεις παρελαβε το παιδιον και την μητερα αυτου νυκτος και ανεχωρησεν εις αιγυπτον
και ην εκει εως της τελευτης ηρωδου ινα πληρωθη το ρηθεν υπο κυ δια του προφητου λεγοντος εξ αιγυπτου εκαλεσα τον υιον μου
τοτε ηρωδης ιδων οτι ενεπαιχθη υπο των μαγων εθυμωθη λειαν και αποστειλας ανειλεν παντας τους παιδας τους εν βηθλεεμ και εν πα̣σιν τοις οριοις αυτης απο διετους και κατωτερω κατα τον χρονον ον ηκρειβωσεν παρα των μαγων
Notes in the source · 1
  • correction (not in the text): corrector2 (4)
τοτε επληρωθη το ρηθεν δια ιερεμιου του προφητου λεγοντος
φωνη εν ραμα ηκουσθη κλαυθμος και οδυρμος πολυς ραχηλ κλαιουσα τα τεκνα αυτης και ουκ ηθελεν παρακληθηναι οτι ουκ εισιν
Notes in the source · 1
  • correction (not in the text): corrector2 (1)
τελευτησαντος δε του ηρωδου ιδου αγγελος κυ φαινεται κατ οναρ τω ιωσηφ εν αιγυπτω
λεγων εγερθεις παραλαβε το παιδιον και την μητερα αυτου και πορευου εις γην ισραηλ τεθνηκασιν γαρ οι ζητουντες την ψυχην του παιδιου
Notes in the source · 1
  • correction (not in the text): corrector2 (1)
ο δε εγερθεις παρελαβε το παιδιον και την μητερα αυτου και εισηλθεν εις γην ισραηλ
ακουσας δε οτι αρχελαος βασιλευει της ιουδαιας αντι του πατρος αυτου ηρωδου εφοβηθη εκει απελθειν χρηματισθεις δε κατ οναρ ανεχωρησεν εις τα μερη της γαλειλαιας
Notes in the source · 1
  • correction (not in the text): corrector2 (1)
και ελθων κατωκησεν εις πολιν λεγομενην ναζαρετ οπως πληρωθη το ρηθεν δια των προφητων οτι ναζωραιος κληθησεται

Source and terms: Codex Vaticanus (B, 03): INTF NT.VMR transcription · CC BY 4.0 · INTF NT.VMR transcription of Codex Vaticanus (B, 03) (docID 20003), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · terms · source

Bookmarks, notes and the reading position are stored only in this browser.