ουδεν αρα νυν κατακριμα τοις εν χω ιυ · μη κατα σαρκα περιπατουσιν ·
ο γαρ νομος του πνς της ζωης εν χω ιυ · ηλευθερωσεν με απο του νομου της αμαρτιας και του θανατου
[τ]ο γαρ αδυνατον του νομου εν ω ησθενει δια της σαρκος ο θς τον εαυτου υν πεμψας εν ομοιωματι σαρκος αμαρτιας · και περι αμαρτιας κατεκρινεν την αμαρτιαν εν τη σαρκι
ινα το δικαιωμα του νομου πληρωθη εν ημιν τοις μη κατα σαρκα περιπατουσιν αλλα κατα πνα ·
οι γαρ κατα σαρκα οντες τα της σαρκος φρονουσιν οι δε κατα πνα τα του πνς
το γαρ φρονημα της σαρκος θανατος το δε φρονημα του πνς ζωη και ειρηνη ·
διοτι το φρονημα της σαρκος εχθρα εις θν · τω γαρ νομω του θυ ουχ υποτασσεται ουδε γαρ δυναται ·
οι δε εν σαρκι οντες θω αρεσαι ου δυνανται ·
υμεις δε ουκ εσται εν σαρκι · αλλ εν πνι · ειπερ πνα θυ οικει εν υμιν · ει δε τις πνα χυ ουκ εχει · ουτος ουκ εστιν αυτου
ει δε χς εν υμιν το μεν σωμα νεκρον δια αμαρτιαν το δε πνα ζωη δια δικαιοσυνην ·
ει δε το πνα του εγειραντος τον ιν εκ νεκρων οικει εν υμιν ο εγειρας εκ νεκρων χν ιν ζωοποιησει τα θνητα σωματα υμων δια του ενοικουντος αυτου πνς εν υμιν
αρα ουν αδελφοι οφιλετε εσμεν ου τη σαρκι του κατα σαρκα ζην ·
ει γαρ κατα σαρκα ζητε μελλετε αποθνησκειν · ει δε πνι τας πραξεις του σωματος θανατουτε ζησεσθαι
οσοι γαρ πνι θυ αγονται ουτοι υιοι θυ εισιν
ου γαρ ελαβετε πνα δουλειας παλιν εις φοβον αλλα ελαβετε πνα υιοθεσιας εν ω κραζομεν αββα ο πηρ
αυτο το πνα συνμαρτυρει τω πνι ημων οτι εσμεν τεκνα θυ ·
ει δε τεκνα και κληρονομοι · κληρονομοι μεν θυ συνκληρονομοι δε χυ ειπερ συνπασχωμεν ινα και συνδοξασθωμεν ·
λογιζομαι δε οτι ουκ αξια τα παθηματα του νυν καιρου προς την μελλουσαν δοξαν αποκαλυφθηναι εις ημας
η γαρ αποκαραδοκια της κτισεως την αποκαλυψιν των υιων του θυ απεκδεχεται ·
τη γαρ ματαιοτητι η κτισεις υπεταγη ουχ εκουσα αλλα δια τον υποταξαντα επ ελπιδι ·
οτι και αυτη η κτισεις ελευθερωθησεται απο της δουλειας της φθορας εις την ελευθεριαν της δοξης των τεκνων του θυ
οιδαμεν δε οτι πασα η κτισεις συστεναζει και συνωδινει αχρι του νυν ·
ου μονον δε αλλα και αυτοι την απαρχην του πνς εχοντες ημεις · και αυτοι εν εαυτοις στεναζομεν υιοθεσιαν απεκδεχομενοι την απολυτρωσιν του σωματος ημων ·
τη γαρ ελπιδι εσωθημεν ελπις δε βλεπομενη ουκ εστιν ελπις · ο γαρ βλεπει τις τι και υπομενει
ει δε ο ου βλεπομεν ελπιζομεν δι υπομονης απεκδεχομεθα ·
ωσαυτως δε και το πνα συναντιλαμβανετε τη ασθενεια ημων · το γαρ τι προσευξωμεθα καθο δει ουκ οιδαμεν · αλλ αυτο το πνα υπερεντυγχανει στεναγμοις αλαλητοις ·
ο δε ερευνων τας καρδιας οιδεν τι το φρονημα του πνς οτι κατα θν εντυγχανει υπερ αγιων ·
οιδαμεν δε οτι τοις αγαπωσιν τον θν παντα συνεργει ο θς εις αγαθον τοις κατα προθεσιν κλητοις ουσιν ·
οτι ους προεγνω και προωρισεν συμμορφους της εικονος του υιου αυτου · εις το ειναι αυτον πρωτοτοκον εν πολλοις αδελφοις ·
ους δε προεγνω τουτους και εκαλεσεν · και ους εκαλεσεν τουτους και εδικαιωσεν · και ους εδικαιωσεν τουτους και εδοξασεν ·
τι ουν ερουμεν προς ταυτα ει ο θς υπερ ημων τις καθ ημων ·
ος γε του ιδιου υιου ουκ εφεισατο · αλλ υπερ ημων παντων παρεδωκεν αυτον πως ουχι και συν αυτω τα παντα ημιν χαρισεται
τις εγκαλεσει κατα εκλεκτων θυ θς ο δικαιων ·
τις ο κατακρινων χς ις ο αποθανων μαλλον δε εγερθεις εκ νεκρων · ος εστιν εν δεξια του θυ ος και εντυγχανει υπερ ημων ·
τις ημ[ας χω]ριση απο της αγαπης του [χυ] θλιψις · η στενοχωρια · η [δι]ωγμος · η λιμος · η γυμνο̣[της] η κινδυνος η μαχαιρα ·
καθ[ως] γεγραπται· οτι ενεκεν σο̣[υ] θανατουμεθα ολην την ημ[ε]ραν · ελογισθημεν ως προβατ[α] σφαγης ·
αλλ εν τουτοις πασιν υπερνικωμεν δια του αγαπησαντος ημας
πεπεισμαι γαρ οτι ουτε θανατος ουτε ζωη ουτε αγγελοι ουτε αρχαι ουτε ενεστωτα · ουτε μελλοντα · ουτε δυναμεις ·
ουτε υψωμα ουτε βαθος · ουτε τις κτισεις ετερα δυνησεται ημας χωρισαι απο της αγαπης του θυ · της εν χω ιυ του κυ ημων ·