Перейти к содержанию

Matt · 27

Вид текста

Размер шрифта: 19px

Перейти к месту
То же место в другом издании

Опорное место: Matt.27.1

Сравнить рядом

Нажмите на номер или текст фрагмента, чтобы выбрать его.

πρωιας δε γενομενης · συμβουλιον ελαβον παντες οι αρχιερεις · και οι πρεσβυτεροι του λαου κατα του ιυ ωστε θανατωσαι αυτον ·
και δησαντες αυτον απηγαγον · και παρεδωκαν αυτον ποντιω πιλατω τω ηγεμονι
τοτε ιδων ιουδας ο παραδιδους αυτον οτι κατεκριθη μεταμεληθεις απεστρεψεν τα τριακοντα αργυρια τοις αρχιερευσιν · και τοις πρεσβυτεροις
λεγων ημαρτον παραδους αιμα αθωον · οι δε ειπον · τι προς ημας συ οψη ·
και ριψας τα αργυρια εν τω ναω ανεχωρησεν · και απελθων απηγξατο ·
οι δε αρχιερεις λαβοντες τα αργυρια ειπον · ουκ εξεστιν βαλειν αυτα εις τον κορβαναν · επι τιμη αιματος εστιν
συμβουλιον δε λαβοντες ηγορασαν εξ αυτων τον αγρον του κεραμεως εις ταφην τοις ξενοις ·
διο εκληθη ο αγρος εκεινος αγρος αιματος εως της σημερον ·
τοτε επληρωθη το ρηθεν δια ιηρεμιου του προφητου λεγοντος και ελαβον τα τριακοντα αργυρια την τιμην του τετιμημενου ον ετιμησαντο απο υιων ιηλ ·
και ε̣δ̣ω̣κ̣ε̣ν̣ αυτα εις τον αγρον του κεραμεως καθα συνεταξεν μοι κς ·
Примечания источника · 1
  • correction (not in the text): corrector (1)
ο δε ις εστη εμπροσθεν του ηγεμονος και επηρωτησεν αυτον ο ηγεμων λεγων · συ ει ο βασιλευς των ιουδαιων · ο δε ις εφη αυτω συ λεγεις .
και εν τω κατηγορεισθαι αυτον υπο των αρχιερεων και των πρεσβυτερων ουδεν απεκρινατο
τοτε λεγει αυτω ο πειλατος ουκ ακουεις ποσα σου καταμαρτυρουσιν
και ουκ απεκριθη αυτω προς ουδε εν ρημα ωστε θαυμαζειν τον ηγεμονα λιαν ·
κατα δε εορτην ειωθει ο ηγεμων απολυειν ενα τω οχλω δεσμιον ον ηθελον
ειχον δε τοτε δεσμιον επισημον λεγομενον βαραββαν ·
συνηγμενων ουν αυτων ειπεν αυτοις ο πειλατος τινα θελετε απολυσω υμιν βαραββαν η ιν τον λεγομενον χν ·
ηδει γαρ οτι δια φθονον παρεδωκαν αυτον ·
καθημενου δε αυτου επι του βηματος απεστειλεν προς αυτον η γυνη αυτου λεγουσα · μηδεν σοι και τω δικαιω εκεινω πολλα γαρ επαθον σημερον · κατ οναρ δι αυτον ·
οι δε αρχιερεις και οι πρεσβυτεροι επεισαν τους οχλους ινα αιτησωνται τον βαραββαν · τον δε ιν απολεσωσιν ·
αποκριθεις δε ο ηγεμων ειπεν αυτοις τινα θελετε απο των δυο απολυσω υμιν οι δε ειπον βαραββαν ·
λεγει αυτοις ο πειλατος τι ουν ποιησω ιν τον λεγομενον χν · λεγουσιν παντες σταυρωθητω ·
ο δε ηγεμων εφη · τι γαρ κακον εποιησεν · οι δε περισσως εκραζον λεγοντες σταυρωθητω
ιδων δε ο πειλατος οτι ουδεν ωφελει · αλλα μαλλον θορυβος γεινεται · λαβων υδωρ απενιψατο τας χειρας απεναντι του οχλου λεγων · αθωος ειμι απο του αιματος τουτου του δικαιου · υμεις οψεσθε ·
και αποκριθεις πας ο λαος ειπεν · το αιμα αυτου εφ ημας · και επι τα τεκνα ημων ·
τοτε απελυσεν αυτοις τον βαραββαν τον δε ιν φραγελλωσας παρεδωκεν ινα σταυρωθη ·
τοτε οι στρατιωται του ηγεμονος παραλαβοντες τον ιν εις το πραιτωριον · συνηγαγον επ αυτον ολην την σπειραν ·
και εκδυσαντες αυτον περιεθηκαν αυτω χλαμυδα κοκκινην ·
και πλεξαντες στεφανον εξ ακανθων επεθηκαν επι την κεφαλην αυτου και καλαμον εν τη δεξια αυτου · και γονυπετησαντες εμπροσθεν αυτου ενεπεζον αυτω δεροντες χαιρε ο βασιλευς των ιουδαιων
και εμπτυσαντες εις αυτον ελαβον τον καλαμον και ετυπτον εις την κεφαλην αυτου ·
και οτε ενεπεξαν αυτω εξεδυσαν αυτον την χλαμυδα · και ενεδυσαν αυτον τα ειματια αυτου · και απηγαγον αυτον εις το σταυρωσαι ·
εξερχομενοι δε ευρον ανον κυρηναιον ονοματι σιμωνα τουτον ηγγαρευσαν ινα αρη τον σταυρον αυτου ·
και ελθοντες εις τοπον λεγομενον γολγοθα · ος εστιν λεγομενος κρανιου τοπος ·
εδωκαν αυτω πιειν οξος μετα χολης μεμιγμενον και γευσαμενος ουκ ηθελεν πιειν ·
σταυρωσαντες δε αυτον διεμερισαντο τα ειματια αυτου βαλοντες κληρον ·
και καθημενοι ετηρουν αυτον εκει ·
και επεθηκαν επανω της κεφαλης αυτου την αιτιαν αυτου γεγραμμενην ουτος εστιν ις ο βασιλευς των ιουδαιων ·
τοτε σταυρουνται συν αυτω δυο λησται · εις εκ δεξιων και εις εξ ευωνυμων
οι δε παραπορευομενοι εβλασφημουν αυτον κεινουντες τας κεφαλας αυτων ·
και λεγοντες ο καταλυων τον ναον · και εν τρισιν ημεραις οικοδομων σωσον σεαυτον ει υς ει του θυ και καταβηθι απο του σταυρου ·
ομοιως οι αρχιερεις εμπαιζοντες μετα των γραμματαιων και πρεσβυτερων ελεγον ·
αλλους εσωσεν εαυτον ου δυναται σωσαι · ει βασιλευς ιηλ εστιν · καταβατω νυν απο του σρου · και πιστευομεν αυτω ·
πεποιθεν επι τον θν ρυσασθω αυτον ει θελει · αυτον ειπεν γαρ οτι θυ ειμι υς ·
το δ αυτο και οι λησται οι συνσταυρωθεντες αυτω ωνειδιζον αυτον ·
απο δε εκτης ωρας σκοτος εγενετο επι πασαν την γην εως ωρας ενατης ·
περι δε την ενατην ωραν ανεβοησεν ο ις φωνη μεγαλη λεγων · ηλι ηλι λιμα σαβαχθανει · τουτ εστιν θε μου · θε μου · ινατι με ενκατελειπες ·
τινες δε των εκει εστωτων ακουσαντες ελεγον οτι ηλειαν φωνει ουτος ·
και ευθεως δραμων εις εξ αυτων και λαβων σπογγον πλησας τε οξους · και περιθεις καλαμω εποτιζεν αυτον ·
οι δε λοιποι ελεγον αφες ιδωμεν ει ερχεται ηλιας σωσων αυτον ·
ο δε ις παλιν κραξας φωνη μεγαλη αφηκεν το πνα
και ιδου το καταπετασμα του ναου εσχισθη εις δυο απο ανωθεν εως κατω · και η γη εσεισθη · και αι πετραι εσχισθησαν ·
και τα μνηματα ανεωχθη · και πολλα σωματα των κεκοιμημενων αγιων ηγερθη ·
και εξελθοντες εκ των μνημειων μετα την εγερσιν αυτου εισηλθον εις την αγιαν πολιν · και ενεφανισθησαν πολλοις ·
ο δε εκατονταρχος και οι μετ αυτου τηρουντες τον ιν · ιδοντες τον σεισμον και τα γενομενα εφοβηθησαν σφοδρα λεγοντες αληθως θυ υς ην ουτος ·
ησαν δε εκει γυναικες πολλαι μακροθεν θεωρουσαι αιτεινες ηκολουθησαν τω ιυ απο της γαλιλαιας διακονουσαι · αυτω·
εν αις ην μαρια η μαγδαληνη · και μαρια · η του ιακωβου και ιωση μηρ και η μηρ των υιων ζεβεδαιου
οψιας γ̣ενομενης ηλθεν ανος πλουσιος απο αριμαθαιας τουνομα ιωσηφ · ος και αυτος εμαθητευσεν τω ιυ ·
Примечания источника · 1
  • correction (not in the text): corrector (1)
ουτος προσελθων τω πειλατω ητησατο το σωμα του ιυ · τοτε ο πειλατος εκελευσεν αποδοθηναι το σωμα
και λαβων το σωμα ο ιωσηφ ενετυλιξεν αυτο σινδονι καθαρα ·
και εθηκεν αυτο εν τω καινω αυτου μνημειω ο ελατομησεν εν τη πετρα και προσκυλισας λιθον μεγαν επι τη θυρα του μνημειου απηλθεν
ην δε εκει μαρια η μαγδαληνη · και αλλη μαρια · καθημεναι απεναντι του ταφου
τη δε επαυριον ητις εστιν μετα την παρασκευην · συνηχθησαν οι αρχιερεις και οι φαρισαιοι προς πειλατον
λεγοντες· κε εμνησθημεν οτι εκεινος ο πλανος ειπεν ετι ζων μετα τρεις ημερας εγειρομαι ·
κελευσον ουν ασφαλισθηναι τον ταφον εως της τριτης ημερας · μηποτε ελθοντες οι μαθηται αυτου κλεψωσιν αυτον · και ειπωσιν τω λαω ηγερθη απο των νεκρων · και εσται η εσχατη πλανη χειρων της πρωτης ·
εφη δε αυτοις ο πειλατος εχετε κουστωδιαν υπαγετε ασφαλισασθε ως οιδατε
οι δε πορευθεντες ησφαλισαντο τον ταφον · σφραγισαντες τον λιθον μετα της κωστουδιας

Источник и условия: Александрийский кодекс (A, 02): транскрипция INTF NT.VMR · CC BY 4.0 · INTF NT.VMR transcription of Codex Alexandrinus (A, 02) (docID 20002), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · условия · источник

Закладки, заметки и место чтения хранятся только в этом браузере.