Перейти к содержанию

Heb · 2

Вид текста

Размер шрифта: 19px

Перейти к месту
То же место в другом издании

Опорное место: Heb.2.1

Сравнить рядом

Нажмите на номер или текст фрагмента, чтобы выбрать его.

δια τουτο δει περισσοτερως προσεχειν ημας τοις ακουσθεισιν μηποτε παραρυωμεν ·
ει γαρ ο δι αγγελων λαληθεις λογος εγενετο βεβαιος και πασα παραβασεις και παρακοη ελαβεν ενδικον μισθαποδοσιαν ·
πως ημεις εκφευξομεθα τηλικαυτης αμελησαντες σωτηριας ητις αρχην λαβουσα λαλεισθε δια του κυ υπο των ακουσαντων εις ημας εβεβαιωθη ·
συνεπιμαρτυρουντος του θυ σημειοις τε και τερασιν · και ποικιλαις δυναμεσιν · και πνς αγιου μερισμοις κατα την αυτου θελησιν ·
ου γαρ αγγελοις υπεταξεν την οικουμενην την μελλουσαν περι ης λαλουμεν ·
διεμαρτυρατο δε που τις λεγων τι εστιν ανος οτι μημνησκη αυτου · η υιος ανου οτι επισκεπτη αυτον ·
ηλαττωσας αυτον βραχυ τι παρ αγγελους · δοξη και τιμη εστεφανωσας αυτον · και κατεστησας αυτον επι τα εργα των χειρων σου ·
παντα υπεταξας υποκατω των ποδων αυτου · εν γαρ τω υποταξαι αυτω τα παντα · ουδεν αφηκεν αυτω ανυποτακτον · νυν δε ουπω ορωμεν αυτω τα παντα υποτεταγμενα ·
τον δε βραχυ τι παρ αγγελους ηλαττωμενον βλεπομεν ιν δια το παθημα του θανατου δοξη και τιμη εστεφανωμενον · οπως χαριτι θυ υπερ παντος γευσηται θανατου
επρεπεν γαρ αυτω δι ον τα παντα και δι ου τα παντα πολλους υιους εις δοξαν αγαγοντα · τον αρχηγον της σωτηριας αυτων δια παθηματων τελειωσαι ·
ο τε γαρ αγιαζων και οι α[γιαζομε]νοι εξ ενος παντες · δι η̣[ν αιτιαν] ουκ αιπαισχυνεται αδελφ̣[ους αυ]τους καλειν
λεγων απαγγελω το ονομα σου τοι[ς αδελ]φοις μου εμμεσω εκκλη[σιας] υμνησω σε ·
και παλιν εγω εσομαι πεποιθως επ [αυτω] και παλιν ιδου εγω και τα πα[ιδια] α μοι εδωκεν ο θς ·
επει ουν τα παιδια κεκοινω[νηκεν] αιματος και σαρκος · και αυτ[ος] παραπλησιως μετεσχεν τω[ν] αυτων · ινα δια του θανατου κα[ταρ]γηση τον το κρατος εχοντα του θ[α]νατου · τουτ εστιν τον διαβολον
και αποκαταλλαξη τουτους · οσοι φοβω θανατου δια παντος του ζην̣ ενοχοι ησαν δουλειας ·
ου γαρ δηπου αγγελων επιλαμβανετε · αλλα σπερματος αβρααμ επιλαμβανεται
οθεν ωφειλεν κατα παντα τοις αδελφοις ωμοιωθηναι · ινα ελεημων γενηται και πιστος αρχιερευς τα προς τον θν εις το ειλασκεσθε ταις αμαρτιαις του λαου ·
εν ω γαρ πεπονθεν αυτος πειρασθεις δυναται τοις πειραζομενοις βοηθησαι

Источник и условия: Александрийский кодекс (A, 02): транскрипция INTF NT.VMR · CC BY 4.0 · INTF NT.VMR transcription of Codex Alexandrinus (A, 02) (docID 20002), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · условия · источник

Закладки, заметки и место чтения хранятся только в этом браузере.