Skip to content

1Cor · 14

Read online only. © Codex Sinaiticus Project (www.codexsinaiticus.org). Download and printing are not available.

Read online only. © Codex Sinaiticus Project (www.codexsinaiticus.org). Download and printing are not available.

Text display

Font size: 19px

Go to a reference
Same place in another edition

Anchor: 1Cor.14.1

Side by side

Tap a number or a passage to select it.

διωκετε την αγαπην ζηλουτε δε τα π̅ν̅ικα μαλλον δε ϊνα προφητευητε
ο γαρ λαλων γλωϲϲη ουχ ανθρωποιϲ λαλει αλλα θ̅ω̅ ουθιϲ γαρ ακουει π̅ν̅ι δε λαλει μυϲτηρια
Notes in the source · 1
  • correction by ca: (nothing) → τω
ο δε προφητευω̅ ανθρωποιϲ λαλει οικοδομην και παρακληϲιν και παραμυθιαν
ο λαλων γλωϲϲη εαυτον οικοδομει ο δε προφητευω̅ εκκληϲιαν οικοδομει
θελω δε πανταϲ ϋμαϲ λαλιν γλωϲϲαιϲ μαλλον δε ϊνα προφητευητε μειζων δε ο προφητευων η ο λαλων γλωϲϲαιϲ εκτοϲ ει μη διερμηνευη ϊνα η εκκληϲια οικοδομην λαβη
Notes in the source · 1
  • correction by ca: δε → γαρ
νυν δε αδελφοι εαν ελθω προϲ ϋμαϲ γλωϲϲαιϲ λαλων τι υμαϲ ωφεληϲω εαν μη ϋμιν λαληϲω εν αποκαλυψει η εν γνωϲει η εν προφητια η διδαχη
Notes in the source · 1
  • correction by ca: (nothing) → εν
ομωϲ τα αψυχα φωνην διδοντα ειτε αυλοϲ ειτε κιθαρα · εαν διαϲτολη̅ τοιϲ φθογγοιϲ μη δω πωϲ γνωϲθηϲεται το αυλουμενον η το κιθαριζομενον
και γαρ εαν αδηλον ϲαλπιγξ φωνην δω · τιϲ παραϲκευαϲεται ειϲ πολεμον
ουτωϲ και ϋμιϲ δια τηϲ γλωϲϲηϲ εα̅ μη ευϲημον λογο̅ δωτε πωϲ γνωϲθηϲεται το λαλουμενον εϲεϲθε γαρ ειϲ αερα λαλουντεϲ
τοϲαυτα ει τυχοι γενη φωνων ειϲιν ε̅ κοϲμω και ουδε̅ αφωνον
Notes in the source · 1
  • correction by ca: (nothing) → αυτων
εαν ου̅ μη ειδω την δυναμιν τηϲ φωνηϲ εϲομαι τω λαλουντι βαρβαροϲ και ο λαλων εν εμοι βαρβαροϲ
ουτωϲ και ϋμειϲ επι ζηλωται εϲτε π̅ν̅ατων προϲ τη̅ οικοδομην τηϲ εκκληϲιαϲ ζητιτε ϊνα περιϲϲευητε
διο ο λαλων γλωϲϲη προϲευχεϲθω ϊνα διερμηνευη
Notes in the source · 1
  • correction by ca: διο → διοπερ
εαν γαρ προϲευχωμαι γλωϲϲη το π̅ν̅α μου προϲευχεται ο δε νουϲ μου ακαρποϲ εϲτι̅
τι ουν εϲτιν προϲευξωμαι τω π̅ν̅ι προϲευξομαι δε και τω νοι · ψαλω τω π̅ν̅ι ψαλω δε και τω νοι
επει εαν ευλογηϲ π̅ν̅ι ο αναπληρω̅ τον τοπον του ϊδιωτου πωϲ ερει το αμην επι τη ϲη ευχαριϲτια επειδη τι λεγειϲ ουκ οιδεν
Notes in the source · 1
  • correction by ca: (nothing) → ε̅
ϲυ μεν γαρ καλωϲ ευχαριϲτιϲ αλλ ο ετεροϲ ουκ οικοδομειται
ευχαριϲτω τω θ̅ω̅ παντων ϋμων μαλλον γλωϲϲη λαλω
εν εκκληϲια θελω πεντε λογουϲ τω νοϊ μου λαληϲαι ϊνα και αλλουϲ κατηχηϲω η μυριουϲ λογουϲ εν γλωϲϲη
Notes in the source · 2
  • correction by S1: (nothing) → αλλ
  • correction by ca: (nothing) → αλλ
αδελφοι μη παιδια γεινεϲθε ταιϲ φρεϲιν αλλα τη κακια νηπιαζετε ταιϲ δε φρεϲιν τελειοι γινεϲθε
εν τω νομω τι γεγραπται οτι εν ετερογλωϲϲοιϲ και εν χειλεϲιν ετερων λαληϲω τω λαω τουτω και ουδ ουτωϲ ειϲακουϲονται μου λεγει κ̅ϲ̅
Notes in the source · 1
  • correction by ca: τι → (omitted)
ωϲτε αι γλωϲϲαι ειϲ ϲημιον ειϲιν ου τοιϲ πιϲτευουϲιν αλλα τοιϲ απιϲτοιϲ η δε προφητια ου τοιϲ απιϲτοιϲ αλλα τοιϲ πιϲτευουϲιν
εαν ουν ϲυνελθη η εκκληϲια ολη επι το αυτο και πα̅τεϲ λαλωϲιν γλωϲϲαιϲ ειϲελθωϲιν δε ϊδιωται η απιϲτοι ουκ ερουϲιν οτι μαινεϲθε
εαν δε παντεϲ προφητευωϲιν ειϲελθη δε τιϲ απιϲτοϲ η ϊδιωτηϲ ελεγχεται ϋπο πα̅των ανακρινεται ϋπο παντων
τα κρυπτα τηϲ καρδιαϲ αυτου φανερα γεινεται και ουτωϲ πεϲων επι προϲωπον προϲκυνηϲει τω θ̅ω̅ απαγγελλω̅ οτι οντωϲ θ̅ϲ̅ εν υμιν εϲτιν
Notes in the source · 1
  • correction by ca: (nothing) → ο
τι ουν εϲτιν αδελφοι οταν ϲυνερχηϲθε εκαϲτοϲ ψαλμον εχει διδαχην εχει αποκαλυψιν εχει γλωϲϲαν εχει ερμηνιαν εχει παντα προϲ οικοδομην γινεϲθω
Notes in the source · 1
  • correction by ca: (nothing) → υμων
ειτε γλωϲϲη τιϲ λαλι κατα δυο η το πλιϲτον τριϲ και ανα μεροϲ και ειϲ διερμηνευετω
εαν δε μη η διερμηνευτηϲ ϲιγατω εν εκκληϲια εαυτω δε λαλειτω και τω θ̅ω̅
προφηται δε δυο η τριϲ λαλειτωϲαν και οι αλλοι διακρινετωϲαν
εα̅ δε αλλω αποκαλυφθη οπθημενω ο πρωτοϲ ϲιγατω
Notes in the source · 1
  • correction by S1: οπθημενω → καθημενω
δυναϲθε γαρ καθ ενα παντεϲ προφητευειν ϊνα παντεϲ μανθανωϲι̅ και παντεϲ παρακαλωνται
και π̅ν̅α̅τα προφητων προφηταιϲ ϋποταϲϲεται
ου γαρ εϲτιν ακαταϲταϲιαϲ ο θ̅ϲ̅ αλλα ειρηνηϲ ωϲ εν παϲαιϲ ταιϲ εκκληϲιαιϲ των αγιων
αι γυναικεϲ εν ταιϲ εκκληϲιαιϲ ϲιγατωϲαν ου γαρ επιτρεπεται αυταιϲ λαλει̅ αλλα ϋποταϲϲεϲθωϲαν καθωϲ και ο νομοϲ λεγει
ει δε τι μανθανειν θελουϲιν εν οικω τουϲ ιδιουϲ ανδραϲ επερωτατωϲαν αιϲχρο̅ γαρ εϲτι γυναικι λαλειν εν εκκληϲια
Notes in the source · 3
  • correction by ca: μανθανειν → μανθειν
  • correction by ca: εϲτι → εϲτιν
  • correction by ca: γυναικι → γυναιξι
η αφ υμων ο λογοϲ του θ̅υ̅ εξηλθεν η ειϲ ϋμαϲ μονουϲ κατηντηϲεν
ει τιϲ δοκει προφητηϲ ειναι η π̅ν̅ι̅κοϲ επιγινωϲκετω α γραφω υ̅μιν οτι κ̅υ̅ εντολη εϲτιν
Notes in the source · 1
  • correction by ca: εντολη εϲτιν → εϲτιν εντολη
ει δε τιϲ αγνοει αγνοειται
Notes in the source · 1
  • correction by ca: αγνοειται → αγνοειτω
ωϲτε αδελφοι μου ζηλουτε το προφητευειν και το λαλειν μη κωλυετε γλωϲϲαιϲ
παντα δε ευϲχημονωϲ και κατα ταξι̅ γινεϲθω

Source and terms: Codex Sinaiticus (א, 01): transcription of the Codex Sinaiticus Project · non-commercial use with attribution · Codex Sinaiticus Project (www.codexsinaiticus.org), "A Transcription of the Codex Sinaiticus", version 1.04 (25.3.2014); transcription: D.C. Parker, Amy Myshrall, T.A.E. Brown with members of the INTF Münster; Rachel Kevern; XML: H.A.G. Houghton; sponsor: Institute for Textual Scholarship and Electronic Editing, University of Birmingham; funded by the AHRC. Licensed Creative Commons Attribution-NonCommercial-ShareAlike 3.0 Unported. Changed: converted from XML to verse units of plain text; marginalia, layout marks and corrector readings are not in the text (corrections are listed in the notes). · terms · source

Versemora uses this text for research and comparison; it is not distributed as literature, commercially or otherwise. The source and terms of use are given below.

Bookmarks, notes and the reading position are stored only in this browser.