Перейти к содержанию

Nedarim · 3b

Вид текста

Размер шрифта: 19px

Перейти к месту
То же место в другом издании

Опорное место: BT.Nedarim.3b.1

Нажмите на номер или текст фрагмента, чтобы выбрать его.

Nashim

שהנזירות חל על הנזירות
ולמ''ד דברה תורה כלשון בני אדם ונזיר להזיר דריש לעשות ידות נזירות כנזירות שהנזירות חל על הנזירות מנא ליה הניחא אי ס''ל כמ''ד אין נזירות חל על נזירות אלא אי ס''ל כמ''ד נזירות חל על נזירות מנא ליה
נימא קרא ליזור מאי להזיר שמעת מינה תרתי
במערבא אמרי אית תנא דמפיק ליה לידות מן לנדור נדר ואית תנא דמפיק ליה מן (במדבר ל ג) כל היוצא מפיו יעשה
אמר מר ומה נדרים עובר (במדבר ל ג) בבל יחל ובל תאחר בשלמא בל יחל דנדרים משכחת לה כגון דאמר ככר זו אוכל ולא אכלה עובר משום בל יחל דברו
אלא בל יחל דנזירות היכי משכחת לה כיון דאמר הריני נזיר הוה ליה נזיר אכל קם ליה בבל יאכל שתה קם ליה בבל ישתה אמר רבא לעבור עליו בשנים
בל תאחר דנזירות היכי משכחת לה כיון דאמר הריני נזיר הוה ליה נזיר אכל קם ליה בבל יאכל באומר לכשארצה אהא נזיר ואי אמר כשארצה ליכא בל תאחר
אמר רבא כגון דאמר לא איפטר מן העולם עד שאהא נזיר דמן ההיא שעתא הוה ליה נזיר מידי דהוה האומר לאשתו הרי זו גיטיך שעה אחת קודם מיתתי אסורה לאכול בתרומה מיד אלמא אמרינן כל שעתא ושעתא דילמא מיית הכא נמי לאלתר הוי נזיר דאמרינן דילמא השתא מיית

Источник и условия: Вавилонский Талмуд (37 трактатов), текст виленского издания (he.wikisource) · CC BY-SA 4.0 · Talmud Bavli, Vilna edition, text from Hebrew Wikisource (he.wikisource.org, תלמוד בבלי), via Sefaria-Export (licence field 'CC-BY-SA'). · условия · источник

Закладки, заметки и место чтения хранятся только в этом браузере.