Skip to content

Psalms · Psalm 62

Text display

Font size: 19px

Go to a reference
Same place in another edition

Anchor: Ps.62.1

Side by side

Tap a number or a passage to select it.

Psalmus David, cum esset in deserto Idumææ.
Deus, Deus meus, ad te de luce vigilo. Sitivit in te anima mea; quam multipliciter tibi caro mea!
In terra deserta, et invia, et inaquosa, sic in sancto apparui tibi, ut viderem virtutem tuam et gloriam tuam.
Quoniam melior est misericordia tua super vitas, labia mea laudabunt te.
Sic benedicam te in vita mea, et in nomine tuo levabo manus meas.
Sicut adipe et pinguedine repleatur anima mea, et labiis exsultationis laudabit os meum.
Si memor fui tui super stratum meum, in matutinis meditabor in te.
Quia fuisti adjutor meus, et in velamento alarum tuarum exsultabo.
Adhæsit anima mea post te; me suscepit dextera tua.
Ipsi vero in vanum quæsierunt animam meam: introibunt in inferiora terræ;
tradentur in manus gladii: partes vulpium erunt.
Rex vero lætabitur in Deo; laudabuntur omnes qui jurant in eo: quia obstructum est os loquentium iniqua.

Source and terms: Latin Vulgate, Clementine edition (Sixto-Clementine 1592/1598) · public domain · Biblia Sacra Vulgatae editionis, Sixto-Clementine edition of 1598 ('Clementine Vulgate of 1598 with Glossa Ordinaria, Migne edition 1880'), Latin text. Rights statement of the package: 'Public Domain'. eBible.org package latVUC. · terms · source

Bookmarks, notes and the reading position are stored only in this browser.