Skip to content

Titus · 3

Text display

Font size: 19px

Go to a reference
Same place in another edition

Anchor: Titus.3.1

Side by side

Tap a number or a passage to select it.

υπομιμνησκε αυτους αρχαις · εξουσιαις υποτασσεσθαι · πειθαρχειν προς παν εργον αγαθον ετοιμους ειναι
μηδενα βλασφημειν αμαχους ειναι · επιεικεις πασαν ενδεικνυμενους πραυτητα προς παντας ανους ·
ημεν γαρ ποτε και ημεις ανοητοι απειθεις πλανωμενοι · δουλευοντες επιθυμιαις και ηδοναις ποικιλαις · εν κακια και φθονω διαγοντες · στυγητοι μισουντες αλληλους ·
οτε δε η χρηστοτης και η φιλανθρωπια επεφανη του σωτηρος ημων θυ ·
ουκ εξ εργων των εν δικαιοσυνη α εποιησα[μεν ημεις αλλα κατα το αυτου ελεος] εσωσεν ημας · δια λουτρου παλινγενεσιας · και ανακαινωσεως πνς αγιου ·
Notes in the source · 1
  • correction (not in the text): corrector2 (1)
ου εξεεν εφ ημας πλουσιως δια ιυ χυ του σωτηρος ημων ·
Notes in the source · 1
  • correction (not in the text): corrector1 (1)
ινα δικαιωθεντες τη εκεινου χαριτι · κληρονομοι γενηθωμεν κατ ελπιδα ζωης αιωνιου ·
πιστος ο λογος · και περι τουτων βουλομαι σε διαβεβαιουσθαι ινα φροντιζωσι καλων εργων προιστασθαι οι πεπιστευκοτες θω ταυτα εστι καλα και ωφελιμα τοις ανοις ·
μωρας δε ζητησεις και γενεαλογιας · και ερεις και μαχας νομικας περιιστασο · εισι γαρ ανωφελεις και ματαιοι ·
αιρετικον ανον μετα μιαν και δευτεραν νουθεσιαν παραιτου ·
ειδως οτι εξεστραπται ο τοιουτος · και αμαρτανει ων αυτοκατακριτος ·
οταν πεμψω αρτεμαν προς σε η τυχικον · σπουδασον ελθειν προς με εις νικοπολιν · εκει γαρ κεκρικα παραχειμασαι ·
ζηναν τον νομικον και απολλω σπουδαιως προπεμψον · ινα μηδεν αυτοις λειπη ·
μανθανετωσαν δε και οι ημετεροι καλων εργων προιστασθαι · εις τας αναγκαιας χρειας · ινα μη ωσιν ακαρποι ·
ασπαζονται σε οι μετ εμου παντες · ασπασαι τους φιλουντας ημας εν πιστει · η χαρις μετα παντων υμων ·

Source and terms: Codex Ephraemi Rescriptus (C, 04): INTF NT.VMR transcription · CC BY 4.0 · INTF NT.VMR transcription of Codex Ephraemi Rescriptus (C, 04) (docID 20004), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · terms · source

Bookmarks, notes and the reading position are stored only in this browser.